Complementarias

O martes 12 de novembro celebrouse pola tarde o Magosto no IES de Soutomaior.

Coma o ano pasado, o alumnado puido probarse nos xogos tradicionais coa axuda dos grupos de 1º de bacharelato, que exerceron de monitores nas diferentes zonas do patio e pistas traseiras do centro.

Por outra banda, na entrada principal situouse o asador, que estivo cociñando todas as castañas que trouxeron as familias, profesorado e persoal non docente do centro. Esto fixo posible, que todo o que quixera puidera degustar este preciado froito de outono.

Nesta mesma zona, un grupo de alumnas e profesoras, amenizaron o xantar interpretando algunhas cancións tradicionais da nosa terra.

Podense ver máis imaxes na galería da páxina web do centro.

Moitas grazas ás familias e profesorado por participar de xeito tan activo nesta festividade e moitas grazas ao alumnado que comportouse de xeito exemplar facilitando a organización e desenvolvemento da actividade.

O martes 5 de novembro o alumnado de 1º de Bacharelato tivo a oportunidade de poder visualizar un documental que versou sobre o traballo dun galego ilustre: Domingo Fontán.

Nel, puidemos visualizar como este cartógrafo recolleu de xeito minucioso datos ao longo da xeografía galega de xeito moi minucioso para a realización dun mapa que recolleu a xeografía do noso territorio. Para esto necesitou aplicar coñecementos matemáticos e utilizar instrumental topográfico moi avanzados para a época convertindo este mapa de galicia no primeiro mapa de España con estas caracteríaticas.

Dende o centro queremos agradecer á Deputación de Pontevedra que promoveu a actividade e ao Concello de Soutomaior que coordinou e propuxo a realización desta.

O xoves 30 de maio, a asociación Araguaney veu ao IES de Soutomaior a falar do conflicto entre Palestina e Israel. Esta foi unha charla organizada pola ANPA "Facendo Camiño" e levouse a cabo coa colaboración do Departamento de Filosofía.

Para poder explicar ben a situación na actualidade contamos con Sara Ashour, galega de orixe palestino que ten información de primeira man do día a día da xente que vive nestes momentos neste país de oriente medio. Por outra banda, Ana Rodrígues trouxo un breve documental que nos amosou imaxes da crudeza da guerra e de como os conflictos armados deixan as cidades completamente arrasadas e moitas víctimas e feridos.

Dende o centro queremos agradecer á ANPA por ofrecer unha actividade tan interesante que promove a reflexión e o pensamento crítico. Sempre cómpre animar á rapazada que busquen información contrastada para poder ter unha opinión independente e libre.

No contexto do Día das Letras Galegas, os tres grupos de 3º da ESO do IES de Soutomaior participaron nunha actividade Intercentros organizada pola OMIX do Concello de Soutomaior que tivo lugar o martes 21 de maio.

Os obxectivos principais da actividade foron, por uha banda, a celebración das letras Galegas defendendo a utilización da nosa lingua e, por outro lado, a participación conxunta de alumnado do IES de Soutomaior, o CPR Santiago Apóstolo e alumnado de infantil do EEI de Romariz favorecendo a cohexión entre a rapazada do Concello.

A actividade contou coa participación de Policía e Protección Civil que cortaron o tráfico para a realización da correlinguas/caminata ata o Pavillón da Montesiña. Xa alí o alumnado participou en varias actividades, recibiu un almorzo por parte da organización e puido disfrutar da actuación dun ilusionista.

Para ver o resto das imaxes da actividade hai que premer na seguinte ligazón: galería

O Equipo de Dinamización da Lingua Galega organizou para o luns 13 e martes 14 de maio varias actividades no contexto das Letras Galegas, que este ano conmemora a vida e obra de Luisa Villalta.

O alumnado de 4ºESO e 1º de Bacharelato puido asistir a actuación de Paz Fernández  que consistiu nunha declamación poético-musical coa que o alumnado puido disfrutar dunha sesión de poesía en galego en directo.

Por outra banda, o martes tivo lugar un concerto onde houbo varias actuacións:

• Participou o grupo Calimontxo no que a voz foi interpretada polo profesor de inglés Antonio Ricón.
• Participaron varios alumnos e alumnas que interpretaron cancións tradicionais na nosa lingua.
• Por último, o alumnado puido disfrutar da actuación de Myriam Cortizo Pires e Ariel García Tagliani.

O IES de Soutomaior agradece o gran traballo do EDLG con Antonio Ricón á cabeza e sobretodo, ao alumnado participante que co seu esforzo e gañas fan que estas actividades consigan ter a pegada que busca un centro educativo.