O noso centro colaborou entre o 25 e o 27 de setembro coa Oficina Rural Agraria de Mondoñedo cedendo as instalacións da Granxa para a realización do seu "Curso de Iniciación á Apicultura".

Esta acción formativa de 20h estivo destinada a persoas relacionadas con este sector produtivo ou con interese de incorporación ao mesmo, especialmente no caso de mozas e mozos que, durante tres días, puideron asomarse á actualidade deste tipo de aproveitamento do medio natural.

Hoxe recibimos os diplomas do alumnado certificado en francés o curso pasado. Noraboa!

O xoves 5 de outubro tivemos a visita do grupo Xuvenciencia, de divulgación da Ciencia e da Tecnoloxía da USC, formado por profesorado de diferentes áreas e centros do Campus Terra de Lugo. Dentro do seu programa Ciencia á Feira, trouxéronnos unha charla-obradoiro sobre enfermidades de transmisión por carrachas e informaron e aconsellaron ao noso alumnado de 4º ESO e 3º PDC con medidas de prevención.