Complementarias
Exposición Educación en Feminino
Enviado por jcarlosgb o Mér, 31/01/2024 - 19:00|
Desde hai dúas semanas os corredores do noso instituto acollen a exposición EDUCACIÓN EN FEMININO: UN PASEO POLA HISTORIA. Unha serie de carteis nos que se recollen as vivencias de varias ducias de educadoras e pedagogas que deixaron pegada na historia da Pedagoxía , pero que non aparecen nos libros de texto. Trátase dun traballo feito polo alumnado da Facultade de Formación do Profesorado de Lugo e que veu presentar ao centro a nosa ex-alumna María Vigo, autora dun dos pósters. A exposición está aberta ás familias e pode ser visitada en horario lectivo ata o próximo 7 de febreiro incluído. |
|
 |
 |
Magosto 2023
Enviado por jcarlosgb o Dom, 12/11/2023 - 19:00
|
Coma todos os anos este mes de novembro celebramos o Magosto degustando castañas asadas e compartindo uns bos momentos de compañeirismo e convivencia. |
|
 |
 |
 |
|
Ciencia á Feira
Enviado por jcarlosgb o Mar, 10/10/2023 - 11:21 |
O xoves 5 de outubro tivemos a visita do grupo Xuvenciencia, de divulgación da Ciencia e da Tecnoloxía da USC, formado por profesorado de diferentes áreas e centros do Campus Terra de Lugo. Dentro do seu programa Ciencia á Feira, trouxéronnos unha charla-obradoiro sobre enfermidades de transmisión por carrachas e informaron e aconsellaron ao noso alumnado de 4º ESO e 3º PDC con medidas de prevención.
|
SEGUNDA XORNADA DE ACTIVIDADES CIENTÍFICAS CON LIFE IN COMMON LAND NO IES SAN ROSENDO DE MONDOÑEDO
Enviado por Admin o Ven, 01/04/2022 - 18:00Durante o pasado venres día 1 de abril, técnicos do proxecto LIFE in Common Land visitaron o IES Plurilingüe San Rosendo de Mondoñedo para continuar co traballo iniciado na visita dos alumnos á Serra do Xistral do día anterior.
Os datos recolleitos na xornada de campo foron analizados con axuda dos técnicos, completando o día con enriquecedores debates sobre os resultados obtidos do comportamento das mandas de bestas, das especies de flora anotadas nas parcelas de seguimento e da avaliación do Estado de Conservación dos hábitats prioritarios que alberga a Serra do Xistral e a súa conservación.
Ademais, os alumnos participantes puideron realizar unha pequena práctica co Sistema de Información Xeográfica libre QGIS, aprendendo ao mesmo tempo sobre as accións de conservación que levan a cabo no marco do proxecto LIFE in Common Land e o seu seguimento.
Publicada galería de fotos de excursion 2005-06
Enviado por Anónimo o Mar, 27/04/2021 - 06:34Entra no seguinte enlace http://ciclosagraria.cursosytemarios.es/fotos/curso-2005-2006/436-excursion
Novo artigo sobre Configuración inicial de menus nunha estación total Topcon
Enviado por Anónimo o Mar, 26/01/2021 - 17:35Temos un novo video sobre Configuración inicial de menus nunha estación total Topcon ó que podes acceder no seguinte enlace Configuración inicial de menus nunha estación total Topcon
Silvia Fiallega falou sobre emigración no IES San Rosendo
Enviado por Admin o Mér, 19/02/2020 - 10:06
O mércores 19 de febreiro ás 10.20 horas Silvia Fiallega impartiu aos alumnos de bacharelato a charla «Galiza: emigración, memoria e identidade. Imaxinario e estereotipos da diáspora galega a América» dentro da exposición «Somos migrantes» patrocinada pola Deputación Provincial.
