15-16.03.2024

O 14 de marzo estivemos preparando os últimos detalles para participar o 15 e o 16 de marzo de 2024 no Parlamento Xove no Carballiño. O alumnado de 1º Bacharelato participante representará ao IES Río Cabe neste encontro. Moita sorte! 

O 15 e o 16 de marzo levarase a cabo o Parlamento Xove no Carballiño onde o alumnado de 1º BACH, acompañado das profesoras Pilar Martínez e Sara Porrit, representará ao IES Río Cabe.

Achegamos as ligazóns para seguir a fase clasificatoria da categoría da Bacharelato en streaming por salas:

SALA A: https://www.youtube.com/live/gsKvuROCNbU?si=r106DxarrPGPGE2O

SALA B: https://www.youtube.com/live/aJNcEnmDPt0?si=BGVvR1bP6N_h2Pqf

SALA C: https://www.youtube.com/live/0YeM2Q4D8pI?si=xbEjQszSZuAPL9Bz

Álbum: Escolares -> 2024_03_15-16_2ª AVA_1º BACH_Parlamento Xove_O Carballiño

13-22.03.2024

DÍA 1: 13-14 de marzo de 2024

Varias alumnas e alumnos de 3º ESO e 1º Bacharelato acompañados da nosa profesora de Francés do IES Río Cabe, Maite Vidal, comezamos a viaxe para participar no intercambio co alumnado do Lycée Edouard Branly de Châtelleraut (Francia). No intercambio tamén participa o alumnado do IES A Pinguela davila monfortina.

Saímos de Monforte de Lemos o 13 de marzo ás 22:00 horas. A viaxe en autobús transcorreu con normalidade.
Chegamos a Bordeaux ás 10:00 da mañá do día 14 de marzo e visitamos a vila, xantamos e ás 14:00 h. continuamos cara Châtellerault.

DÍA 2: 15 de marzo de 2024

Pola mañá visitamos o instituto co que realizamos o intermcambio, Lycée Edouard Branly de Châtelleraut, e despois fomos todos xuntos, alumnado e profesorado galego e francés a Futuroscope ond compartimos e gozamos dunha xornada de convivencia. Durante a fin de semana o alumnado estará coas familias francesas.

DÍA 3 e DÍA 4: 16 e 17 de marzo de 2024

Fin de semana. Convivencia coas familias francesas.

DÍA 5: 18 de marzo de 2024

Visita de l'Abbaye Royale de Fontevraud pola mañá.

Pola tarde, xantar e visita a Poitiers. Regreso coas familias ás 17:30 horas.

DÍA 6: 19 de marzo de 2024

Nesta sexta xornada de intercambio o alumnado visitou as ruínas do Vieux Poitiers e dun anfiteatro galo romano.

Despois achegáronse al lugar onde tivo se desenvolveu a Bataille de Poitiers e a continación coñeceron Réserve naturelle du Pinail.

Xantaron en Châtellerault e, pola tarde, visita a L’École du Cirque (Escola de Circo) e Le Musée de l'Art et de L'industrie (O Museo de Arte e Industria). Foi unha xornada completa cun tempo solleiro de 18 graos; a primavera xa peta na porta! Mañá, 20 de marzo, tomaremos rumbo a París.

DÍA 7: 20 de marzo 2024

Chegamos a sobre ás 13:00 h. a París, xantamos nos Jardin du Luxembourg e logo vimos La Sorbonne, la Fontaine Saint Michel e ás 15:00 h. gozamos dun paseo polo Seine. A continuación visitamos o Hôtel de Ville, o Centre Pompidou e a Fontaine Stravinsky. Ás 18:00 h estivemos en Montmatre onde deixamos un candado co nome do IES Río Cabe (podedes ver a foto na galería de imaxes do IES Río Cabe xunto ao resto das fotos desta marabillosa viaxe!).

Pola noite vimos o cambio de luces da Tour Eiffel. Outra xornada intensa pero inolvidable! 

DÍA 8: 21 de marzo 2024

 Último día en París, a nosa primeira visita foi  o Louvre. Xantamos e, a continuación, desfrutamos dun paseo polos Jardins des Tuileries. Despois Place de la Concorde,  Champs-Élysées, Arc du Triomphe e rematamos na Tour Eiffel. 

 DÍA 9: 22 de marzo 2024

Viaxamos de noite de volta a Monforte de Lemls, chegamos ás 15:00 h. Unha viaxe inolvidable, chea de anécdotas, novas experiencias e novas amizades. 

Álbum: Escolares -> 2024_03_13-22_2ª AVA_3º ESO_1ºBach_Francés_Intercambio co Lycée Edouard Branly de Châtelleraut (Francia)

12.03.2024

O alumnado de 3º ESO participou nun obradoiro donCentro de Información á muller denominado: Hackeando ao machismo. Foi moi interesante e cunha chea de coñecementos que lles axudan a reflexionar sobre esta situación que vive a nosa sociedade co machismo e, con este tipo de actividades, temos ferramentas para combatelo e eliminalo.

Álbum: Escolares -> 2024_03_12_2ª AVA_3° ESO_CIM Hackeando o machismo

As xornadas de portas abertas no IES RíO CABE (Monforte de Lemos) serán o 13, 14, 18 e 19 de marzo ás 18.30 h. ou noutra data/hora distinta, concertando a cita no teléfono 982 82 80 34.

15.03.2024

O terceiro e derradeiro relatorio do programa "A Ponte entre o Ensino Medio e a USC" para o ano académico 2023/2024 foi da man do profesor do Departamento de Farmacoloxía da Facultade de Veterinria da USC Campus de Lugo, Luís Miguel Botana López, o cal ofreceu un relatorio ao alumnado de 2º BACH - A denominado: De onde sae un medicamento? Nel o alumnado puido saber como se crea un medicamento, de onde saíron moitos dos medicamentos actuais, como por exemplo a Aspirina ou o Sintrom, ou cal é o custo (elevado) que ten elaboralos. Un relatorio moi ameno e cheo de grandes coñecementos!

Álbum: Escolares -> 2024_03_15_2ª AVA_2º BACH_A_L M Botana López_ De onde sae un medicamento

14.03.2024

O segundo relatorio encadrado dentro do programa "A Ponte entreo Ensino Medio e a US " levouse a cabo o xoves 14 de marzo onde o alumnado de 1º BACH acudiu ao relatorio de JA Rodríguez Añón: Cambio climático: mitos, lendas e ciencias. O profesor da facultade de Física e Química da USC explicoulles polo miúdo diferentes elementos do cambio climático facendo fincapé na concienciación cidadá para frealo. Un dato curioso que nos ofreceu en relación a este tema é que se coidamos o planeta, tal e como debemos facer, en 25 anos teriamos un planeta sano. 

A teoría sabemola, só temos que aplicala!

Álbum: Escolares -> 2024_03_14_2ª AVA_1º BACH_ J A Rodríguez Añón_Cambio climático: mitos lendas e ciencia

11.03.2024

Na Semana de Relatorios da USC: A Ponte entre o Ensino Medio e a USC comezamos co presenza do profesor e catedrático de Filoloxía Alemá da USC, Víctor Millet, no noso centro. o cal ofreceu un relatorio ao alumnado de 2º Bach - B denominado Filoloxías con futuro: tradicionais e dixitais.

Álbum: Escolares -> 2024_03_11_2ª AVA_2º BACH_B_Víctor Millet_Filoloxías con futuro - tradicionais e dixitais_Relatorios A ponte entre o Ensino Medio e a USC

05.03.2024

O 5 de marzo de 2024 o alumnado do curso de 1º ESO realizarou unha visita ao Castro de San Cibrao de Las acompñado do seu profesorado: Ana Delgado, Sara Porrit, Laura Rodríguez e Yolanda Soba.

O Castro de San Cibrao de Las está datado entre o século II a.C. e o século II d.C. e situado entre os concellos de Punxín e San Amaro, na provincia de Ourense.
En primeiro lugar, acudiron ao Centro de Interpretación da Cultura Castrexa, onde as guías fixéronlle unha visita explicativa por todo o Centro. Así, os alumnos e alumnas puideron coñecer máis información acerca da cultura castrexa do noroeste peninsular. Aprenderon sobre as formas de vida dos antigos castrexos, puideron observar pezas orixinais da época e entender como se organizaban e funcionaban as súas cidades.
A continuación, o alumnado realizou unha xincana polo recinto; por grupos, as rapazas e rapaces debían atopar as respostas a unha serie de preguntas, distribuídas ao longo de todo o Centro de Interpretación. Unha actividade lúdica e educativa, onde aprenderon á vez que se divertían buscando pistas.
Por último, visitaron o propio Castro de San Cibrao de Las, un dos máis grandes de Galicia, onde puideron observar as murallas, rúas e vivendas da antiga cidade castrexa. Tamén disfrutaron da paisaxe e das estupendas vistas de parte da comarca do Carballiño dende a cima do castro.

Álbum: Escolares -> 2024_03_05_2ª AVA_1º ESO_Parque da Cultura Castrexa_San Cibrao de Las

28.02.2024

Álbum: Escolares -> 2024_02_28_2ª AVA_ESO_Campionato Provincial Escolar de Orientación. Lugo

02-08 / 03 / 2024

DÍA 1: 2-3 de marzo de 2024

O alumnado de 3º ESO e 1º Bacharelato do IES Río Cabe, acompañados do seu profesorado: Carlos Parada, Raquel Seoane e Iria Trebolle, iniciaron a viaxe a Andorra para desfrutar dunha semana de esquí.

Viaxe tranquilo sen presenza do temporal que previamente ameazaba. Saímos de Monforte de Lemos ás 00:15 horas.

Entramos no hotel en Andorra sobre as 13.30h e xa temos recollido o material. 

Tarde libre por Andorra La Vella ata a hora da cea. Preparándonos para a semana de esquí!

DÍA 2: 4 de marzo de 2024

Primeiro día de esquí, onde desfrutamos dunha mañá soleada e coas pistas cheas de neve, é dicir, nas condicións ideais para esta práctica deportiva.

Todo o mundo esquiando e gozando da actividade con normalidade.

DÍA 3: 5 de marzo de 2024

Segundo día de esquí por terras andorranas, esquiando todo o mundo e gozando destes días solleiros e con montañas nevadas.

Completaremos a xornada con Caldea.

DÍA 4: 6 de marzo de 2024

Terceiro día de esquí por Andorra, todas e todos esquiando e vivindo con emoción a experiencia. O cansanzo xa comezou a aparecer mais o bo tempo axuda a vencelo!

DÍA 5: 7 de marzo de 2024

Último día de esquí nesta Semana Branca 2024 do IES Rìo Cabe. 

Todo o alumnado e profesorado puido esquiar nesta xornada que comezou nubrada e rematou soleada para despedirnos da paisaxe idílica de Andorra.

Cómpre subliñar a afección aos brindos desenvolta nesta derradeira xornada de esquí.

O venres, despois de almorzar, toca iniciar a viaxe de volta a Monforte de Lemos.

DÍA 6: 8 de marzo de 2024

Logo de almorzar, sobre as 9:30 horas da mañá, o alumando e o profesorado do IES Río Cabe puxo rumbo a Monforte de Lemos, cuxa chegada foi sobre ás 23:30 horas. Foi unha semana chea de novas experiencias, anécdotas e bos momentos que recordaremos sempre. Unha semana na que se practicou esquí e se desfrutou da paisaxe andorrana. Ata o ano que vén Andorra!

Álbum: Escolares -> 2024_03_02-08_2ª AVA_3º ESO_1º Bach_Andorra_Viaxe neve