Skip to Content

ANUNCIOS

Lun, 04/11/2024 - 23:41 — mariajpardinas
11/11/2024   Aberto o prazo para as solicitudes de mobilidades Erasmus + 2025 (novo)
08/11/2024   Eleccións ao Consello Escolar 2024: Publicación de listaxes definitivas de candidaturas
20/10/2024   Eleccións ao Consello Escolar 2024: Calendario
18/10/2024   Contratación do servizo de xestión e explotación de cafeterías
08/10/2024   Calendario de exames de materias pendentes

Concurso Taboleiros de Nadal 24-25

Lun, 18/11/2024 - 13:26 — miruca
Convócase unha nova edición do concurso Taboleiros de Nadal. 

Cada grupo poderá decorar o taboleiro da súa aula de referencia baixo a coordinación da súa titora ou titor.

Poderán participar ESO, Bacharelato e Ciclos formativos. 

A titora ou titor de cada grupo debe entregar a ficha de inscrición que se enviou ao correo en Vicedirección ou Secretaría. 

As normas son as seguintes: 

1. Decorade o taboleiro da aula. Valorarase a orixinalidade, a estética e tamén a sostibilidade. Polo tanto, facede uso de materiais naturais ou reciclados. 

2. Cada grupo decorará o taboleiro da súa aula de titoría. 

3. En canto a materiais, PROHÍBESE a cinta de pegar de dobre cara, o pegamento e a silicona directamente encima do material do que está feito o taboleiro, xa que este debe quedar intacto cando se retire a decoración de Nadal. 

4. A decoración que se valorará para este concurso é só a do taboleiro. Non se pode poñer nada fóra del.

5. O luns 16 de decembro a última hora da mañá o taboleiro debe estar rematado.

Que o espírito do Nadal entre nas aulas!

  • 70 lecturas

Entrega de premios do concurso de catrinas e de audiorrelatos de medo do Samaín

Dom, 17/11/2024 - 19:52 — miruca
 
Lembrade que o luns 18 de novembro entréganse os premios de catrinas e tamén os de audiorrelatos de medo creados con motivo do Samaín e emitidos en Proxecto Neo: https://proxectoneo.blogspot.com/.../proxecto-neo-435... 
Podedes escoitalos no programa do minuto 7:20 ao 10:30. 
 
No concurso de catrinas, as votacións foron tan igualadas que houbo empate no segundo posto polo que se entregarán tres accésits. 
  
Parabéns pola súa creatividade aos gañadores e gañadoras de ambos concursos!
  • 25 lecturas

Visitia a Xantar 2024 (Ourense) e a Jim Sports (Palas de Rei)

Dom, 17/11/2024 - 18:08 — miruca

O pasado 24 de outubro, o alumnado dos segundos cursos do ciclo básico de “Servizos Administrativos”, ciclo medio de “Xestión Administrativa” e ciclo superior de “Administración e Finanzas” emprendemos unha viaxe educativa para visitar o Salón Internacional de Turismo Gastronómico XANTAR en Ourense.

Tras máis de dúas horas e media de viaxe, chegamos ao recinto feiral Expourense onde se situaba a que é a única feira internacional de turismo gastronómico, cunha traxectoria de 25 anos, de aí a importancia que tivo para nós esta visita. 
 
Unha vez alí, ensináronnos moitos proxectos tecnolóxicos e tipos de innovacións que se fan hoxe en día coa comida. Un exemplo foi a demostración de Begoña Vázquez, propietaria do restaurante Regueiro da Cova, a cal empregou rodaballo, castañas e algas. Algúns de nós tivemos a oportunidade de probar esa comida, que a verdade estaba boísima. 
 
Finalizada a visita ao salón gastronómico, dirixímonos ás termas de auga natural de Ourense, onde puidemos relaxar o corpo e a mente, algo que nos fixo xenial despois dunha mañá tan intensa. 
 
Ao día seguinte, o venres 25 de outubro, partimos ben cedo cara a Palas de Rei onde visitamos a empresa JIM SPORTS, dedicada á importación, exportación e venda de material deportivo das súas principais marcas, así como ao deseño e á creación de terceiras. 

Anótate para participar nun obradoiro de decoración de Nadal con arxila!

Lun, 11/11/2024 - 16:23 — miruca
Os mércores 20 e 27 de novembro e 4 de decembro no recreo e na aula de Plástica, a 402, poderedes participar nun obradoiro de decoración de Nadal para elaborar adornos con arxila.
 
Só hai 20 prazas. Anótate na folla de inscrición colocada na columna da entrada do edificio 1 antes do venres 15 de novembro. 
 
Andrea, a profesora de Educación Plástica será a encargada de impartilo. Ela informarate se tes calquera dúbida. 
 
O alumnado de 1º ESO non pode anotarse neste obradoiro porque xa vai elaborar os adornos na propia hora de Plástica. 
  • 19 lecturas

Novembro, mes da ciencia en galego: videoconferencias de Igaciencia

Dom, 10/11/2024 - 23:56 — miruca

Durante novembro, celebramos o mes da ciencia en galego. Xa inscribimos o centro para poder conectarnos ás videoconferencias de Igaciencia que terán lugar os martes 12, 19 e 26 de novembro ás 12:00h. Esta é a información de cada unha das videoconferencias deste ano, que versarán sobre Astronomía.  

O profesorado interesado ten a continuación os enlaces para as videoconferencias co seu alumnado: 

Augusto Pérez Alberti: https://youtube.com/live/QV7L_HNgJ5s?feature=share
Begoña Vila Costas: https://youtube.com/live/pdfUg_A4mjU?feature=share
Ana María Ulla: https://youtube.com/live/-MfDKA1T_S4?feature=share

Celebrando o Día das Escritoras: Escritoras ocultas da literatura castelá

Mar, 05/11/2024 - 00:25 — miruca

 
Co gallo do Día das Escritoras, o alumnado de 4º ESO A e 1º BAC A adicou un tempo da materia de Lingua castelá e Literatura a descubrir “escritoras ocultas”. 
 
Na Idade Media, a todos nos soan as obras e os nomes do Arcipreste de Hita, de Gonzalo de Berceo, de don Juan Manuel ou de Fernando de Rojas. Pero a ningúen, ou a moi poucos, nos soan nomes como Leodegunda (calígrafa galega e escritora do s. X), Leonor López de Córdoba (as súas Memorias son uns dos primeiros escritos autobiográficos europeos) ou Teresa de Cartagena (autora do primeiro texto feminista en castelán), entre outras.

Participamos na IVª edición do concurso "Ciberseguridade no cole!"

Mar, 05/11/2024 - 00:25 — miruca

O pasado 15 de outubro os grupos de 1º e 2º da ESO participamos nunha actividade, a cuarta edición do concurso“ Ciberseguridade no cole”.

 
Dende o punto de vista da nosa clase, 2º ESO B, foi unha actividade amena e educativa, que nos fixo pasar un tempo divertido traballando en equipo. No concurso participaron máis de 150 institutos e colexios de diferentes localidades. Esta actividade consistía en facer un kahoot entre toda a clase, e nel había preguntas como: Que deberías facer se alguén che pide o teu enderezo? 
 
A nosa clase quedou no posto 81, aínda que unha das clases de 1º quedou no 19, facendo así un gran traballo. 
 
En xeral, pasámolo ben e aprendemos moito. 
 
Podedes acceder ás imaxes AQUÍ.
 
Iago Balseiro Parga - 2º ESO B
  • 20 lecturas

Día da Saúde Mental 2024

Lun, 04/11/2024 - 23:40 — miruca

O alumnado de 3º ESO de Educación en Valores Cívicos e Éticos preparou un vídeo para conmemorar o Día da Saúde Mental, que se celebra o 10 de outubro. Coa axuda da súa profesora Lara Oliveros dannos algúns consellos para coidar o noso benestar emocional. 

  • 16 lecturas

Celebrando o Día das escritoras - Escritoras francófonas presentes en BiblioPerdouro

Lun, 28/10/2024 - 21:46 — karina

Para celebrar o día das escritoras, as alumnas de 1º de Bacharelato de Francés puxéronse a investigar a ver cantas escritoras francófonas están presentes e accesibles na nosa biblioteca de BiblioPerdouro. Resultado: 16 mulleres.

Aquí deixamos a recollida gráfica cunha pequena sinopse das autoras así como das súas obras presentes na biblioteca. Pica na ligazón para acceder ao noso fondo de préstamo.

  • 39 lecturas

Contratación do servizo de xestión e explotación de cafeterías

Ven, 18/10/2024 - 15:08 — miruca

Prazo: ata o 12 de novembro de 2024

 

Presentación de solicitudes: www.conselleriadefacenda.es/silex (Só se pode facer por medios electrónicos)

 

Toda a información relativa ao proceso na plataforma de contratos de Galicia AQUÍ. 

  • 66 lecturas

Cóntanos un relato de terror

Mar, 15/10/2024 - 10:00 — miruca
Cóntanos un relato de terror de 1 minuto e poderás gañar un premio. 

Envía o teu audio en formato MP3 a traballosmaruxia@gmail.com ata o luns 28 de outubro. Indica no correo o teu nome e apelidos e o curso ao que pertences. 

O concurso está aberto a todo o alumnado do centro. 

Anímate a participar!

 
 
  • 37 lecturas

Calendario de exames de materias pendentes

Mar, 08/10/2024 - 00:17 — antonio.galdo

Nos enlaces que aparecen a continuación pódense consultar os calendarios de exames de materias pendentes de cursos anteriores.

1ª avaliación

2ª avaliación

3ª avaliación

  • 703 lecturas

Comezan os torneos de San Xoán Bosco 2024-25

Mar, 08/10/2024 - 00:16 — miruca
Este martes 8 de outubro comezan os torneos de San Xoán Bosco. Esta primeira semana enfrontaranse os equipos de fútbol-sala de 1º da ESO. A semana que vén tocaralle ao baloncesto.  
 
Estade atentos ao panel da entrada do edificio principal para saber cando vos toca xogar. Moita sorte a todos os equipos e que gañe o mellor!
 

 

 
 
  • 43 lecturas

Visita ao IDIS

Xov, 03/10/2024 - 23:35 — miruca
O venres 27 de setembro, o alumnado de 1ª de Bacharelato das materias de Anatomía Aplicada, Cultura Científica e Bioloxía viaxamos a Santiago de Compostela para adentrarnos no día a día do Instituto de Investigación Sanitaria de Santiago. 

Dividímonos en varios grupos e organizamos a mañá en dúas partes. Así, cada equipo podería realizar dúas das prácticas relacionadas coa investigación que nos ofrecían. Aprendemos sobre o proteoma e a impresión 3D aplicada á saúde. Tivemos ocasión de ver peixes cebra nas súas primeiras etapas de crecemento, nas cales non senten dor nin estrés. Deste xeito, pódese traballar con estes pequenos organimos para avanzar no campo da oncoloxía. 

En diferentes actividades practicamos o uso de micropipetas e o traballo con volumes. Os expertos explicáronnos como de pequenas eran as magnitudes que manexan acotío e observamos medidas de ata nanolitros. 

Na actividade relacionada coa cardioloxía, aprendemos sobre a importancia de levar unha dieta equilibrada ao observar exemplos de corazóns afectados pola mala alimentación e diferentes biopsias líquidas. 

O IDIS é un centro interdisciplinar onde colaboran dende biotecnólogos e biólogos ata informáticos e fisioterapeutas. Traballan día a día investigando para conseguir aplicar as súas conclusións ao ámbito da saúde, de aí o seu carácter translacional. Así, puidemos aproveitar os consellos e o exemplo de expertos para enfocarnos mellor no noso futuro. Desfrutamos e aprendemos moito nesta saída e, sobre todo, tivemos a oportunidade de adentrarnos no mundo científico do xeito máis entretido, ademais de tomar conciencia da importancia que ten o traballo dos investigadores nas nosas vidas. 

Podedes acceder a máis imaxes AQUÍ. 

Carla Paz Trelles - 1º Bacharelato A

 
 
  • 44 lecturas
Distribuir contido


by Dr. Radut