Skip to Content

IdA Explorer ! BBZ

Proxecto IdA Explorer! - Acollida do grupo de rapaces e rapazas da BBZ - primavera 2014

Xov, 06/03/2014 - 20:30 — karina
Por quinto ano consecutivo, o IES Perdouro de Burela colabora nun proxecto pioneiro europeo de formación coa BBZ – o centro de formación e inserción laboral da localidade alemá de Augsburgo -  na acollida de rapaces e rapazas en centros de traballo da localidade.



Este xoves, día 6 de marzo, o director do IES Perdouro, Santiago Pérez, recibiu un grupo de rapaces e rapazas alemáns do programa europeo de mobilidade por intercambio IdA Explorer!. Nesta ocasión son nove os participantes deste proxecto que realizarán as súas prácticas en empresas nos diferentes sectores da economía burelá ata primeiros do mes de abril. Chegaron con moita ilusión de aprender e abrir horizontes profesionais. Chegaron con moita ilusión de aprender e abrir horizontes profesionais. Participaron da vida escolar sendo testemuñas do ritmo da formación profesional en Galicia presenciando clases cos seus homólogos galegos. Logo da acollida e visita no centro educativo, maña, venres ás 11h30, os futuros aprendices serán recibidos no Concello de Burela polo Alcalde Jose González Barcia, nunha pequena recepción de benvida no salón de plenos. Para rematar a xornada, a Vicedirectora, Karina Parga, acompañaraos a visitar algún dos puntos de interese de Burela e achegáranse ata a emblemática praia das Catedrais. Estarán ata o 3 de abril.

Karina Parga, Vicedirectora do IES Perdouro e encargada do Proxectos Europeos, explica que este proxecto piloto alemán, IdA EXPLORER!, respaldado polo Ministerio de Traballo e Asuntos Sociais de Alemaña e financiado polo Fondo Social Europeo, trata de incrementar as oportunidades de estudos da xuventude, e fomentar o intercambio transnacional en Europa, reivindicando a importancia de coñecer outras realidades para desenvolver competencias e habilidades que faciliten unha integración cualificada e duradeira no mercado de traballo. A Vicedirectora sinala que nestes catro anos que leva traballando coa BBZ un total de 80 alemáns realizaron as súas prácticas na localidade de Burela.
  • 503 lecturas

Acollida grupo de mozos e mozas da BBZ - verán 2013

Mar, 30/07/2013 - 10:38 — karina
Mozos alemáns realizarán prácticas no Concello de Burela no marco dun programa europeo de mobilidade do IES Perdouro de Burela

Por cuarto ano consecutivo, o IES Perdouro de Burela colabora nun proxecto pioneiro europeo de formación coa BBZ – o centro de formación e inserción laboral da localidade alemana de Augsburgo - na acollida de rapaces e rapazas en centros de traballo da localidade.

O IES Perdouro de Burela leva catro anos coordinando a acollida de grupos de rapaces e rapazas alemáns que veñen formarse durante un periodo de catro semanas en empresas da localidade. Neste ano académico, é o terceiro grupo que recepciona o IES Perdouro en Burela. Tratase dun grupo de sete mozos e mozas cuxas inquedanzas xiran en torno ás actividades de conservación medioambiental. Os participantes deste proxecto europeo de mobilidade por intercambio IdA Explorer! realizarán as súas prácticas nos sectores de xardinería e limpeza de praia e monte en colaboración co Concello de Burela ata finais do mes de agosto. Así pois, o pasado luns, día 29 de xullo, Manuel Fernández Valle, tenente de Alcalde, recibiu o grupo xermano nunha pequena recepción de benvida no salón de plenos. Xunto aos encargados de Xardinería e Limpeza do Concello, o edil lles explicou cales ían ser as tarefas a desenvolver asi como as medidas de seguranza. Os futuros aprendices mostráronse con moita ilusión de aprender e abrir horizontes profesionais.
Karina Parga, Vicedirectora do IES Perdouro e encargada do Proxectos Europeos, explica que este proxecto piloto alemán, IdA EXPLORER!, respaldado polo Ministerio de Traballo e Asuntos Sociais de Alemaña e financiado polo Fondo Social Europeo, trata de incrementar as oportunidades de estudos da xuventude, e fomentar o intercambio transnacional en Europa, reivindicando a importancia de coñecer outras realidades para desenvolver competencias e habilidades que faciliten unha integración cualificada e duradeira no mercado de traballo. A Vicedirectora sinala que nestes catro anos que leva traballando coa BBZ un total de 70 alemáns realizaron as súas prácticas na localidade de Burela.
  • 487 lecturas

Prácticas de alumnos de mecanizado en Alemaña

Ven, 05/04/2013 - 23:00 — rgato
Dous alumnos do IES Perdouro seleccionados pola fundación PAIDEIA para facer aprendizaxe no país xermano

Rubén Alonso e Alberto Cabana, alumnos do ciclo medio de Mecanizado realizarán  prácticas na cidade alemá de Karlsruhe. Convivirán co cadro de persoal de empresas do sector do metal durante un mes con opción a unha prórroga e incluso a un posterior contrato de traballo.

Antes de viaxaren a Alemaña, os citados alumnos están recibindo nas instalacións da fundación PAIDEIA formación sobre a lingua, estilo vida e costumes do país de acollida. A viaxe, prevista para o día 26 de abril, estará cofinanciada pola fundación PAIDEIA,  o programa IdA (Integración a través de Intercambio) e o Fondo Social Europeo. Estas entidades tamén se farán cargo dos gastos da estancia e a formación dos dous mozos da Mariña.

O IES Perdouro está promovendo actualmente este tipo de actuacións para apoiar o alumnado na busca activa de emprego e na adquisición de experiencias internacionais.

 Rubén e Alberto -á dereita- cubrindo o pasaporte europeo en lingua inglesa

  • 560 lecturas

IdA - proxecto de mobilidade para mozas e mozos

Ven, 15/03/2013 - 19:14 — karina
Os días 13 e 14 de marzo, o director do IES Perdouro, Santiago Pérez Docobo, e José Antonio Alvite Fernández, profesor de Ciclos Formativos, asistiron na Coruña a unhas xornadas transnacionais do programa IdA “Mobilidade de xuventude en situación de desventaxa entre Alemaña e Galicia” na Fundación Paideia. 
A Fundación Paideia Galiza (A Coruña) a través do Ministerio Alemán de Traballo e Asuntos Sociais e no marco do Programa “IdA - Integración a través de intercambio” (un programa alemán, financiado polo Fondo Social Europeo) ten un acordo co proxecto alemán “A ida- vias transnacionais para a integración no mercado de traballo e desenvolvemento rexional”. IdA ofrece prácticas laborais no extranxeiro a aquelas mozas e mozos que deixaron os estudos, rapaces titulados que buscan emprego, desempregados, e nais-pais solteiras/os. Dende o inicio do programa en 2008, cerca de 7.600 mozos alemáns participaron en IdA. En concreto, no marco de cooperación coa Fundación Paideia, 137 alemáns realizaron as súas prácticas en Galicia e desde  2012 a entidade galega enviou 41 participantes a Alemaña. 
Tras obter os resultados de avaliación, aproximadamente, o 60% dos participantes de IdA accederon a un posto de traballo ou a unha formación profesional unha vez finalizada a súa estancia no estranxeiro.
O objetivo principal destas xornadas é transferir o programa ao resto das comunidades autónomas e conxuntamente debater sobre cales poden ser os recursos para o fomento da empregabilidade da nosa  xunventude dada a trascendencia que nestes momentos teñen as políticas de emprego xuvenil. 
Estase a preparar unha saída a Alemaña dende Galicia para todas/os aqueles interesados . Ver requisitos aquí.
  • 409 lecturas

Visita da Directora da BBZ

Mér, 13/03/2013 - 00:08 — karina
Santiago Pérez, director do IES Perdouro, recibiu a visita da directora da BBZ - Centro de Formación Profesional (Berufsbildungszentrum Augsburg der Lehmbaugruppe gGmbH)-, Maria Klingelstein, este martes, día 12 de marzo, no marco do Proxecto IdA Explorer! que se está a desenvolver todo este mes cun grupo de mozas e mozos alemáns en Burela. Nesta visita ás instalacións do noso centro educativo, María Klingelstein tivo a oportunidade de coñecer persoalmente o equipo directivo e informarse sobre o sistema educativo español. Valorou o funcionamento do proxecto en Burela moi positivamente. Aproveitará para visitar algunhas das nosas empresas colaboradoras nestes días.

  • 440 lecturas

Proxecto IdA Explorer! - Acollida do grupo de rapaces e rapazas da BBZ - primavera 2013

Mar, 05/03/2013 - 00:31 — karina

Por cuarto ano consecutivo, o IES Perdouro de Burela colabora nun proxecto pioneiro europeo de formación coa BBZ – o centro de formación e inserción laboral da localidade alemana de Augsburgo -  na acollida de rapaces e rapazas en centros de traballo da localidade.

Este luns, día 4 de marzo, o director do IES Perdouro, Santiago Pérez, recibiu un grupo de rapaces e rapazas alemáns do programa europeo de mobilidade por intercambio IdA Explorer!. Nesta ocasión son nove os participantes deste proxecto que realizarán as súas prácticas en empresas nos diferentes sectores da economía burelá ata finais deste mes de marzo. Chegaron con moita ilusión de aprender e abrir horizontes profesionais. Logo da acollida e visita no centro educativo, os futuros aprendices foron recibidos no Concello de Burela pola Concelleira de Asuntos Sociais, Diana Durán, nunha pequena recepción de benvida no salón de plenos. Para rematar a xornada, a Vicedirectora, Karina Parga, acompañounos a visitar algún dos puntos de interese de Burela e achegáronse ata a praia das Catedrais declarada monumento natural pola Rede Natura.

Hubertus Freisinger, coordinador alemán do proxecto IdA, aproveitou para  mostrar a súa gran satisfacción coa colaboración do IES Perdouro e o seu agradecemento pola boa dispoñibilidade das empresas colaboradoras de Burela. Adianta que os días 13 e 14 de marzo, organízanse na Coruña unhas xornadas transnacionais do programa IdA “Mobilidade de xuventude en situación de desventaxa entre Alemaña e Galicia” na Fundación Paideia.

Karina Parga, Vicedirectora do IES Perdouro e encargada do Proxectos Europeos, explica que este proxecto piloto alemán, IdA EXPLORER!, respaldado polo Ministerio de Traballo e Asuntos Sociais de Alemaña e financiado polo Fondo Social Europeo, trata de incrementar as oportunidades de estudos da xuventude, e fomentar o intercambio transnacional en Europa, reivindicando a importancia de coñecer outras realidades para desenvolver competencias e habilidades que faciliten unha integración cualificada e duradeira no mercado de traballo. A Vicedirectora sinala que nestes tres anos que leva traballando coa BBZ un total de 65 alemáns realizaron as súas prácticas na localidade de Burela.

  • 474 lecturas

Acollida grupo BBZ outono 2012

Lun, 19/11/2012 - 22:32 — karina

Este luns 19 de novembro foi recibido e acollido polo Director, Santiago J. Pérez e pola Vicedirectora, Karina Parga, un grupo de 4 rapaces e rapazas alemáns acompañados pola súa monitora, Luisa Huiguera, como parte dun programa europeo de mobilidade por intercambio IdA Explorer! entre o centro de ensinanza “IES Perdouro” de Burela e Centro de Capacitación Profesional “Berufsbildungszentrum” (BBZ) de Augsburgo. Logo da recepción de benvida no centro, os aprendices visitaron algún dos puntos de interese de Burela e achegáronse ata a fábrica de Sargadelos onde observaron o proceso de elaboración das pezas de cerámica. Os participantes neste proxecto de formación realizarán prácticas en empresas da localidade.

Sarah, Patricia, Sasha e Stefan son 4 rapazas e rapaces alemáns que chegaron este sábado 17 de novembro a Burela co próposito de realizar as súas prácticas en empresas da localidade no sector da informática (APP), electrónica (TECNAV), deseño gráfico (ARFE) e hostelería (KIKO). O martes empezarán a súa formación nas empresas colaboradoras ata o 13 de decembro coa ilusión de aprender e abrir horizontes profesionais.

Karina Parga, Vicedirectora do IES Perdouro e encargada do Proxectos Europeos, explica que se trata dun proxecto piloto alemán cuxa finalidade é incrementar as oportunidades de estudos da xuventude. Este proxecto transnacional está respaldado polo Ministerio de Traballo e Asuntos Sociais de Alemaña e polo Fondo Social Europeo. A Vicedirectora sinala que xa leva 3 anos traballando co Centro de Capacitación Profesional  Berufsbildungszentrum (BBZ) de Augsburgo, Alemaña e que acaban de asinar unha prórroga dun ano máis. O convenio entre o IES Perdouro e a BBZ enmárcase no proxecto IdA EXPLORER! para fomentar o intercambio transnacional en Europa, reivindicando a importancia de coñecer outras realidades para desenvolver competencias e habilidades que faciliten unha integración cualificada e duradeira no mercado de traballo. O IES Perdouro forma parte deste proxecto xunto a 5 entidades sociais de Italia, Austria, Hungría, Polonia e Alemaña.

  • 433 lecturas

Acollida de alumnos da Mittelschule de Bobingen - Alemaña - Proxecto IdA Explorer! BBZ

Lun, 16/04/2012 - 19:19 — karina

Proxecto IdA Explorer! BBZ

Un grupo de 15 alumnos da Mittelschule de Bobingen (Baviera– Alemaña) no IES Perdouro de Burela.

Un total de 15 alumnos da Mittelschule da localidade alemana de Bobingen acompañados por dous monitores, Luisa Huiguera e Jens Hase, están de visita en Burela como parte dun programa europeo de mobilidade por intercambio IdA Explorer! entre o centro de ensinanza “IES Perdouro” de Burela e Centro de Capacitación Profesional “Berufsbildungszentrum” (BBZ) de Augsburgo. Os rapaces alemáns de idade comprendida entre os 13 e 15 anos permanecerán tres semanas (de 9 a 30 de abril) na vila, onde se aloxan coas familias galegas.

Karina Parga, Vicedirectora do IES Perdouro e encargada do Proxectos Europeos, explica que se trata dun proxecto piloto alemán cuxa finalidade é incrementar as oportunidades de estudos da xuventude. Este proxecto transnacional está respaldado polo Ministerio de Traballo e Asuntos Sociais de Alemaña e polo Fondo Social Europeo. A Vicedirectora sinala que xa leva 2 anos traballando co Centro de Capacitación Profesional  Berufsbildungszentrum (BBZ) de Augsburgo, Alemaña. O convenio entre o IES Perdouro e a BBZ enmárcase no proxecto IdA EXPLORER! para fomentar o intercambio transnacional en Europa, reivindicando a importancia de coñecer outras realidades para desenvolver competencias e habilidades que faciliten unha integración cualificada e duradeira no mercado de traballo. O IES Perdouro forma parte deste proxecto xunto a 5 entidades sociais de Italia, Austria, Hungría, Polonia e Alemaña.

Un Programa Intenso

Esta acollida estivo promovida por Karina Parga, Vicedirectora, que deseñou un completo programa de actividades académicas e culturais para o goce dos rapaces na súa estadía en Galicia.
Os alumnos alemáns foron recibidos polo director do instituto, Juan Gabriel Sama Díez, quen lles explicou o programa de actividades, que combina formación académica e unha serie de obradoiros das distintas familias profesionais ofertadas polo centro: perrucaría, xestión administrativa, electrónica e mecanizado.
Ademais os rapaces participantes no encontro tamén foron recibidos o pasado martes 10 de febreiro polo tenente de Alcalde, Manuel Fernández Valle e a concelleira de Cultura e Educación, Mónica Pedre, nun acto de benvida no Salón de Plenos.

Unha axenda completa cun itinerario marcadamente empresarial por Galicia

As finalidades do proxecto Explorer son:

1) a orientación profesional dos rapaces;

2) o coñecemento da actividade empresarial da Mariña.

Durante o día seguinte á súa chegada a Burela, coñeceron a fábrica de Sargadelos e o proceso de fabricación da cerámica e visitaron do Museo do Mar de San Cibrao.
Relativo ás actividades pesqueiras, o mércores 4 de abril, realizaron unha visita ao porto e lonxa de Burela onde foron recibidos por D. José Basilio Otero Rodríguez, patrón maior da Confraría de Pescadores de Burela, e por Juan Ramón Pernas que lles explicou a actividade do estaleiro Armón.
O pasado venres, visitaron as instalacións da nova fábrica de Hermida de Lourenzá. Angel Hermida explicoulles a actividade da madeira. Posteriormente a delegación xermana visitou o Museo da Faba.
O luns foron testemuñas da fabricación dun xornal na rotativa do Progreso de Lugo e coñeceron o noso patrimonio da humanidade, a muralla de Lugo.
O mércores 18, visitarán as factorías de Alcoa de San Cibrao e Vestas en Chavín.
En Burela, Santiago Santos Rey guiará o grupo de escolares na visita ás instalacións de Garsán e explicaralles o proceso de fabricación de mecanizados. Asi mesmo coñecerán o funcionamento da Cristalería Burela da man de José Casas.
Realizarán a visita á empresa de cárnicas de Río Torto O Mazo onde coñecerán de primeira man o proceso de elaboración de embutidos e derivados.
Por último, completarán o abano de actividades sectoriais, coa visita á fábrica de Coca Cola en Coruña, cidade na que se achegarán ata a Casa do Home, a Casa dos Peixes e a Torre de Hércules.


  • 555 lecturas

PROXECTO EUROPEO DE ACOLLIDA - INTERCAMBIO XUVENIL PARA A INTEGRACIÓN PROFESIONAL

Mér, 10/11/2010 - 14:10 — karina

Acollida no IES Perdouro

 

Recepción de benvida no Concello

 
Chámanse Gabi, Flo, Fabian, Carina, Florian, Jovance, Angela, Manuel, Kai e Benedikt. Son un grupo de rapaces alemáns que estiveron polas nosas clases este luns e onde puideron observar como funciona o noso sistema educativo. Ademais foron recibido no Concello polo Alcalde, Alfredo Llano e, pola Tenente de Alcade, Neves Cando nunha pequena recepción de benvida a Burela.

 

Xa chegou o grupo de rapazas e rapaces alemáns que estarán realizando prácticas en empresas de Burela. Chegaron o sábado 10 rapazas e rapaces coa ilusión de aprender e abrir horizontes profesionais. Estarán de visita polo centro este luns. O martes visitarán a zona e o mércores empezarán a súa formación nas empresas colaboradoras. Estarán ata do 18 de decembro.

Empresas colaboradoras: Concello de Bruela, Hotel Palacio de Cristal, Mesón do Poeta, Fauna, Hotel Sargo, Cervexería O Trisquel, Cervexería Kiko, Garsán, Tecnav, Gráficas Arfe, o Rincón do Trasgo.

 
O pasado 6 de outubro, recibimos a visita de Hubertus Freisinger, coordinador do proxecto europeo que consiste nunha colaboración co Berufsbildungszentrum (BBZ) Augsburg gGmbH, un centro de formación e inserción laboral da localidade alemana de Augsburgo. Este proxecto está respaldado polo Ministerio de Traballo e Asuntos Sociais de Alemaña e polo Fondo Social Europeo.

 
  • 520 lecturas
Distribuir contido


by Dr. Radut