De acordo coa Resolución do 25 de setembro de 2018, DOG do do 8 de outubro, as  Direccións xerais de Recursos humanos e Formación Profesional e Innovación educativa da Consellaría de Educación establecen o calendario para a celebración de eleccións de membros dos consellos escolares de centros docentes sostidos con fondos públicos.

Por ese motivo desde a Dirección do centro comunícase que durante o mes de novembro vai ter lugar o proceso de renovación de membros do Consello Escolar do IES Laxeiro polo que nesta renovación se van elixir : tres membros do profesorado, dous membros so sector pais/nais e tres membros do sector do alumnado.

O día 5 de novembro vai ter lugar a constitución da Xunta Electoral, órgano que regulará todo o proceso de renovación e que estará formado polo Director do centro, e representantes dos diferentes sectores da Comunidade e que foron elixidos por sorteo celebrado o pasado día 25 de outubro. . Na súa 1ª convocatoria aprobará o calendario do proceso e publicará os correspondentes censos dos diferentes sectores que participen no citado proceso de renovación.

Os listados dos censos estarán expostos no taboleiro do centro

A partires dese día iranse publicando neste mesmo canle as diferentes publicacións que nas diferentes reunións da Xunta Electoral se decidan.

Lexislación: Decreto 324 de 1996 ROC

                  Decreto 92 de 1988

Constitución da Xunta Electoral

Calendario de eleccións ao Consello Escolar

Información para o profesorado

Información para pais/nais

Información para o alumnado

Candidatura de profesorado(Impreso)

Candidatura de pais/nais(Impreso)

Candidatura de alumnado(Impreso)

Proclamación de candidaturas

Circular de pais/nais

Circular de alumnado

Circular de profesorado

Candidatos electos

Constitución do novo Consello Escolar do IES Laxeiro

ENSINANZAS DE ESO & BACHARELATO

Aberto o proceso de admisión para o alumnado de centros públicos e privados non universitarios que desexen reservar praza para o curso 2022-2023 nos centros de primaria e secundaria da nosa comunidade.

Os prazos son os seguintes:

Reserva interna para centros adscritos e alumnado que non cambien de centro: 11 de xaneiro a 08 de febreiro.

Admisión 'externa' de alumnado que desexe cambiar de centro ou incorporarse a un centro non adscrito: 1 a 21 de marzo.

Uso da aplicación para este proceso: "admisión de alumnado". Desde esa aplicación se pode realizar a solicitude da seguinte maneira:

1. Electrónicamente a través da aplicación https://www.edu.xunta.es/admisionalumnado para os que posúan DNI electrónico ou similar.

2. Descargar o impreso cuberto da aplicación e presentar a solicitude no centro de 1ª opción.

3. Descargar o impreso da 1ª páxina da aplicación , cubrilo manualmente e presentar a solicitude no centro de 1ª opción

Para acceder á aplicación premer neste enlace:https://www.edu.xunta.es/admisionalumnado.

Prazos do procedemento  e Vacantes para o ano 2022-23.

Normativa: Decreto 13/2022, Orde do 12 de marzo de 2013, Orde do 25 de xaneiro de 2017 &Orde do 18 de decembro 2020.

Mapa de influencia & Zonas de influencia

Documentos para cursar as solicitudes nas oficinas do centro:

Anexo I Centros adscritos (Galego) & Anexo I Centros adscritos (Castelá).

Anexo II Admisión, Anexo II bis (galego) & Anexo II Admisión, Anexo II bis (castelán).

De todo o proceso terán información neste mesmo apartado.

Ven de publicarse no portal www.edu.xunta-es/fp o calendario de probas de acceso a ciclos medios e superiores

Publicada a convocatotia (borrador) de 22 de xaneiro 2018

Impreso de inscrición C.Medios

Impreso de inscrición C.Superiores

Información Proba acceso Ciclos Superiores

Información Proba acceso Ciclos Medios

Efectuado o sorteo das rifas da cesta de nadal 2017, comunicamos que o número agraciado co premio foi o seguinte

                                                                2764

Nestes días de outono contamos coa visita de Sabrina Jürgs, profesora no Auguste Viktoria Schule, un Gymnasium ubicado na cidade alemá de Itzehoe, no Bundesland Schleswig-Holstein Sabrina ensina Español, Inglés e Educación Física a alumnas e alumnos dun nivel educactivo equivalente ao noso bacharelato. A súa estancia no IES Laxeiro ten lugar dentro do programa PAD, nunha acción formativa similar ao job shadowing, un período de observación profesional coa intención de coñecer a nosa práctica educativa e a lingua española falada no noso país (e de paso algo de galego). Neste dúas semanas acompañou a algúns dos nosos docentes, fundamentalmente os correspondentes ás súas materias. Un bo xeito de aprender e intercambiar ideas así como de ampliar os vencellos europeos.

A Voz de Galicia no seu espazo A FONDO reflicte hoxe 6 de xullo a boa saúde do ensino público. Nese contexto o IES Laxeiro atópase nunha excelente posición. Desde a Dirección do IES Laxeiro amosar a nosa satisfacción polo traballo realizado e agradecer o esforzo do alumnado e profesorado, sen esquecernos da colaboración dos pais e nais como factor importante na aprendizaxe dos seus fillos e fillas.

Desde estas páxina web queremos suliñar que entre os dez primeiros centros, sete son centros públicos, un dato que ven a contrastar o traballo e o nivel que se está a acadar nestes centros, as veces tan pouco valorados e pouco defendidos socialmente.

Un dato moi importante e relevante é a mínima desviación entre as notas de bacharelato e as da propia ABAU, un feito que non acontece en todos os centros.

Noraboa a todos eses centros polo seu traballo e esforzo e a satisfacción de compartir con eles este recoñecemento.

Desde hoxe día 4 de xullo ata o 24 do presente mes estará aberto o prazo para para presentar ofertas de xestión da cafetería do IES Laxeiro de Lalín. Nos arquivos adxuntos está toda a información relativa ao proceso.

Anuncio de convocatoria

Instancia

Instrucións e condicións para a contratación do servicio

Como todos os anos no IES LAXEIRO témonos esforzado por axudar a que o noso alumnado progrese na súa vida académica. E como todos os anos estamos orgullosos e orgullosas de todos e todas e cada un deles e delas e do seu esforzo por mellorar e superarse.

En concreto, este ano, todas e todos os que realizaron as ABAU, a nova selectividade, conseguiron aprobar e, polo tanto, o ano próximo poderán seguir os seus estudos na universidade ou realizar ciclos superiores de formación profesional.

Isto foi posible desde o compromiso co esforzo diario, coa esixencia ante o estudo, coa cercanía e o cariño. O ano que ven tocará volver a remangarse para que outro grupo de mozas e mozos nos deixen e sigan o seu camiño.

Os profesores e profesoras e o equipo directivo estamos orgullosos da cifra redonda, un pleno. Tanto dos que obtiveron uns resultados soberbios, por riba do trece; como dos aprobados ‘raspados’. Todos e todas se esforzaron e merecen e teñen e terán o noso recoñecemento.

Noraboa: Aída, Alejandro, Alexia, Alexia, Antonio, Brais, Carlota, Celia, Clara, Duarte, Elvira, Eva, Gabriela, Iria, Isabel, Jacobo, Juan, Xosé Manuel, Lucía, Manolo, María, Marta, Nerea, Noa, Pedro, Sandra, Verónica, Paula, Lucas, Oscar , Daniel e Uxío.

Debido ás condicións meteorolóxicas suspéndese mañá , desde as 12:00 horas, ata o xoves día 23, o transporte escolar. En principio non se determina a suspensión da actividade docente, agás que as inclemencias do tempo así o determinaran. Por este motivo, o alumnado de transporte pode vir mañá ao centro pero non teñen garantido o regreso, dado que o servizo podería suspenderse a partires das 12 da mañá. O xoves, en cambio , non teñen garantido o servizo de transporte para acudir ao centro.

De todo o que vaia acontecendo, iremos informando vía pweb e con mensaxes a través de móbil.

Saúdos

A Dirección