Os vindeiros 14 e 21 de maio os alumnos de 1º de Bacharelato viaxarán na procura das pegadas de "A Esmorga", obra de Eduardo Blanco Amor, na cidade na que se desenvolve a novela, Ourense.

Descubrir eses espazos, as rúas, tabernas, fontes... como un xeito de achegarse a esta obra é unha proposta do Departamento de Lingua e Literatura Galega  que completa perfectamente o traballo nas aulas sobre esta obra cumio da literatura galega.

A viaxe desenvolverase en dúas quendas:

Organizado polo departamento de Normalización lingüística en colaboración co Concello de Betanzos. O alumnado de 4º da ESO asistirá á representación teatral da obra 'Pelos na lingua' de Talía teatro no edificio Liceo de Betanzos. De 12:00 a 13:30.

O pasado luns recibimos no centro a Ángel Arcay Barral, respondía á chamada de Elvira Castro e Carmen Suárez de Lingua Castelá e Galega respectivamente que propuxeron ao alumnado de 1º e 2º de ESO a elaboración de relatos curtos de misterio ambientados no parque do Pasatempo.

Como todo bó escritor/a tén que documentarse, Ángel acudiu para axudarnos a comprender a historia e ademáis, deixou unhas 'xoias' para que o alumnado se documente con calma, en forma de conta de Instagram @betanzos800pasatempo e en forma de blog https://pasatempoaguiar.wordpress.com/.

Por todo o seu traballo e a extensa labor didáctica que Ángel e a Asociación de Amigos Parque do Pasatempo están a facer na recuperación do parque.

Grazas!

Álbum: Actividades 2018-2019 -> 'O Pasatempo' , charla co historiador Ángel Arcay Barral

O pasado venres 15 de marzo unha pequena expedición de alumnos e alumnas de 2º de ESO do 'Aguiar' desprazouse para asistir ao Concurso de Relato Curto Coca-Cola acompañados de Carme Suárez do Departamento de Lingua Galega e Literatura. Á espera de que o xurado avalíe os traballos, só nos cabe felicitar a todos os participantes seleccionados pois xa son todos uns campións por asistir en calidade de grandes relatistas.

Luns 18 de Marzo 2019

Celebración do día da poesía cunha actividade organizada por Xan Munín Neira, xefe do Departamento de Normalización Lingüística e profesor de Lingua Galega e Literatura en colaboración co Concello de Betanzos.

De 10:25 a 11:15 no salón de actos para todos os 1ºBAC

A actividade correrá a cargo do grupo Aldaolado  do que vos animamos a ver moitas das súas actuacións que se atopan grabadas en vídeo na plataforma youtube.

O xoves 18 de outubro, alumnado de 1º de Bacharelato asistirá as 11:00 a representación teatral Eroski Paraíso da compañia Chévere Teatro. Organizado polo Departamento de Galego e o ENDL (equipo de normalización e dinamización lingüística) do centro.

Eroski Paraíso é a primeira produción de Chévere despois de recibir o Premio Nacional de Teatro.

Eroski Paraíso é un proxecto escénico construído sobre a promesa dun paraíso social feita por un Estado de Benestar que agora se desmorona. O paraíso prometido era en realidade un gran hipermercado. Este é o retrato dunha xeración que tivo todo ao alcance da man e andou pola vida como se andase polo corredor dun supermercado, sometida ás mesmas técnicas de márketing que se usan para influir nas decisións de compra.

'O galego, a miña lingua propia'

Temos unha lingua que é moi rica e é nosa. Nela pódese facer ciencia, arte, cantar, debuxar e amar. O galego é a nosa lingua propia, un idioma en que se pode facer banda deseñada, rapear, ligar ou viaxar polo mundo enteiro. O galego é a nosa lingua propia e queremos gabarnos dela, porque si, porque nos peta. E temos exemplos abondo nos que nos reflectir!!!!

Potenciar o uso asiduo do galego en todos os ámbitos da vida e afortalar a identidade lingüística da poboación moza, estes son dous dos obxectivos trabe da nova campaña de dinamización lingüística lanzada pola Deputación da Coruña, e que o 24 de maio chega ao IES Francisco Aguiar da man do divertido grupo Monoulious Dop

A presente campaña diríxese á xente nova á que quere ofrecerlle referentes atraentes para ela, por mor da súa actividade pública e que, ademais, sexan ou poidan constituírse tamén en referentes en canto ao uso da lingua e ás actitudes de compromiso cara a ela. Un proxecto ambicioso e ilusionante e que lle trasladará á mocidade o positivo de empregar o galego, en todos os ámbitos da vida como o fan nos seus respectivos as xentes que forman parte do proxecto en primeira persoa, mais abre a participación a todo o persoal técnico, profesorado, e alumnado que participará de xeito activo, aprendendo e gozando con profesionais de ámbitos tan variados como a música, a literatura, as artes plásticas, o audiovisual, a comunicación, o mundo da moda ou a sanidade, todas elas co galego como lingua propia

'O galego, a miña lingua propia' pon en valor que temos un idioma propio, para convencer á mocidade de que o incorpore á súa vida cotiá; tamén busca reafirmar o uso da lingua en mozos e mozas que a usan só nalgúns contextos, crear demanda de falantes de galego, promover a sensibilización idiomática e en definitiva fomentar unha actitude positiva dos e das adolescentes fronte á lingua, gozando con ela de todas as actividades propostas.

Coordina e promove no noso Instituto,  O Equipo de Normalización e Dinamización Lingüística e o Departamento de Lingua e Literatura Galega