Centro educativo

O noso centro únese ao proxecto Educación Dixital (E-Dixgal) para o curso 2022/23

Mér, 11/05/2022 - 19:04 — IES de Valga

A Consellería de Cultura, Educación e Universidade acaba de publicar a resolución definitiva de centros admitidos para participar no proxecto Educación Dixital (E-Dixgal) durante o curso 2022-2023, sendo o IES de Valga un dos seleccionados.
Este proxecto vaise implantar progresivamente en toda a Educación Secundaria Obrigatoria (ESO) comezando polo primeiro curso. O alumnado disporá dun moderno computador portátil -con función tamén de tablet- que vai poder levar ao seu domicilio para poder realizar as tarefas encomendadas. O IES de Valga comprométese a que un mínimo de seis materias de cada curso van ser traballadas con esta metodoloxía. Por conseguinte, para 2022-2023, o alumnado traballará con materiais dixitais en Bioloxía e Xeoloxía, Matemáticas, Tecnoloxía e Dixitalización, Educación Plástica, Visual e Audiovisual, Educación Física, Proxecto Competencial e Relixión.
Esta nova acción encádrase dentro da forte aposta do instituto por se situar na vangarda da oferta educativa en Ciencia e Tecnoloxía, á que se suma o Bacharelato de Excelencia en Ciencia e Tecnoloxía (STEMbach) e ser un dos vinte e dous institutos de referencia en dixitalización pertencentes á Rede Galega de Educación Dixital.

Yara Franco Castro acada o 3º premio no XI premio nacional "Avelina Lamas" no apartado de poesía visual

Xov, 28/04/2022 - 23:56 — IES de Valga

Yara Franco Castro, alumna de 4º ESO A, acadou o 3º premio no XI Premio Nacional Avelina Lamas na categoría de poesía visual. Este premio é convocado polo Departamento de Lingua Castelá do IES R.M.Aller Ulloa de Lalín. Nesta categoría o alumnado tiña que combinar un fragmento literario creado (unha reflexión, un breve poema…) cunha imaxe, elaborada esta última en calquera soporte ou formato (collage, acuarela, lapis, fragmentos de obxecto, etc.). Parabéns a Yara polo premio e o traballo realizado!!!

Yara Franco Castro de 4º ESO acada o 3º posto no XI premio nacional "Avelina Lamas"

Directrices sobre uso das máscaras no ámbito educativo galego

Xov, 21/04/2022 - 18:31 — IES de Valga

Resumo uso da máscara ( adaptación ao ámbito educativo galego do Real Decreto 286/2022, 19 de abril 2022)

OBRIGATORIO

• Transporte escolar (salvo excepcións recollidas no apartado 3.1 da orde)

RECOMENDADO

• Persoal traballador do centro educativo.

• Alumnado do centro educativo.

• Casos sospeitosos e confirmados de COVID-19 e contactos estreitos de casos.

Máis información no ficheiro anexado ou neste enlace.

1 adxunto

Plantación dunha camelia en homenaxe a Sarai Castromán

Mar, 22/03/2022 - 00:52 — IES de Valga

No segundo recreo do luns 21 de marzo, e coincidindo coa celebración do "Día da árbore" e o "Día da Poesía", realizouse a plantación dunha camelia de flores brancas en homenaxe a Sarai Castromán. O acto, sinxelo pero moi emotivo, contou cunhas breves palabras do director, Eliseu Mera, coa lectura de dous poemas a cargo das alumnas Victoria Tarrío e Carla Herrero e unha interpretación musical por parte da alumna de 4º ESO Rosalía Muíño.

Xornadas de portas abertas para alumnado 4º ESO dos CPI de Pontecesures e Catoira

Xov, 17/03/2022 - 19:36 — IES de Valga

O mércores 16 e xoves 17 de marzo tivemos dúas xornadas de portas abertas para o alumnado de 4º ESO do CPI de Pontecesures e do CPI Progreso de Catoira. O alumnado destes dous centros puido coñecer de primeira man as instalacións do noso centro (aulas materia, laboratorios, talleres, Biblioteca,...), así como a oferta educativa de Bacharelato e Ciclos formativos, xunto coas actividades que se levan a cabo. O departamento de Orientación e a Vicedirección foron os encargados de deseñar e guiar estas visitas, que ademais contaron coa colaboración de alumnado de 1º e 2º Bacharelato.