Este módulo contén a formación necesaria para facilitar a inserción laboral e o desenvolvemento da carreira profesional no sector de fabricación mecánica.
Os contidos do módulo están distribuidos en dúas unidades formativas:
Unidade formativa 1: prevención de riscos laborais de 45 horas(54 sesións de 50 minutos) de duración
Unidade formativa 2: equipos de traballo, dereito do traballo e da seguridade social, e procura de emprego de 62 horas (74 sesións de 50 minutos)de duración.
Analizaremos os seguintes bloques temáticos:
- O dereito do traballo e seguridade social.
- Orientación profesional, procura de emprego, xestión de conflitos e traballo en equipo.
- A prevención de riscos: Seguridade e saúde no traballo.
Estes contidos permitiranos acadar os seguintes resultados de aprendizaxe:
- Recoñece os dereitos e as obrigas das persoas traballadoras e empresarias relacionados coa seguridade e a saúde laboral.
- Avalía as situacións de risco derivadas da súa actividade profesional analizando as condicións de traballo e os factores de risco máis habituais do sector da fabricación mecánica.
- Participa na elaboración dun plan de prevención de riscos e identifica as responsabilidades de todos os axentes implicados.
- Determina as medidas de prevención e protección no seu contorno laboral.
- Participa responsablemente en equipos de traballo eficientes que contribúan á consecución dos obxectivos da organización.
- Identifica os dereitos e as obrigas que se derivan das relacións laborais, e recoñéceos en diferentes situacións de traballo.
- Determina a acción protectora do sistema de seguridade social ante as continxencias cubertas, e identifica as clases de prestacións.
- Planifica o seu itinerario profesional seleccionando alternativas de formación e oportunidades de emprego ao longo da vida.
O módulo de F.O.L. impartirase no primeiro curso do ciclo. Ten unha duración de 107 horas (128 sesións de cincuenta minutos) repartidas en catro sesións semanais de 50 minutos cada unha.
