 |
"Hai que escribir moito na cabeza antes de escribir unha novela" asegura Anxo Angueira Para ampliar foto prema na imaxe Para ver a información completa prema Leer máis |
Angueira, que naceu no concello coruñés de Dodro, afirmou que na súa novela quería falar "con amor e con orgullo da miña aldea, Manselle" e dixo que incluíu no libro "cousas persoais e íntimas, como fai todo escritor que escribe con paixón".
Este profesor de Lingua e Literatura no IES Meixoeiro de Vigo e docente na Facultade de Tradución da universidade viguesa dixo que a inspiración de "Pensa Nao" surxiu sobre todo dunhas cartas do seu tío e da súa avoa que lle deu a súa nai. "Ao ler ese tesouro que é a memoria da miña familia -explicou- díxenme a min mesmo `Ponte a escribir!¨.
O Clube de Lectura do IES Valga, coordinado polo profesor Miguel Fernández, leva xa varios anos reuníndose mensualmente na biblioteca deste centro pontevedrés e conta coa participación de pais e nais, estudiantes e profesores. Xa ten recibido a visita de varios escritores e escritoras ao longo dos seus anos de existencia.
Enlaces relacionados na web:
Outras webs
