O Clube de Lectura do IES de Valga celebrará o 15 de marzo un Encontro co escritor Anxo Angueira sobre a sua obra "Pensa nao"

Sáb, 03/03/2012 - 14:15 — IES de Valga

Clubes de lectura

O Clube de Lectura do IES de Valga organiza para o Xoves dia 15 de marzo un encontro co escritor Anxo Angueira entorno a sua obra "Pensa Nao"na Biblioteca do Instituto. Natural de Manselle- Dodro é doutro en Filoloxía Galega e profesor de instituto e no ensino universitario. Ademais de "Pensa Nao" ten publicado unha veintena de obras tanto de creación literaria como de investigación.

Para coñecer un pouco máis do perfil do autor e da obra obxecto do encontro prema Leer máis ou abra o ficheiro adxunto

Para ampliar foto do cartel prema na imaxe

Perfil Biográfico

Anxo Angueira Viturro (Manselle, Dodro 1961) é doutor en Filoloxía Galega e profesor no ensino secundario e universitario.

No ámbito da creación literaria ten as seguintes publicacións: Val de Ramirás (1989), O valo de Manselle (Xerais, 1996), Bágoas de facer illas (Xerais, 1997), Libro da Vertixe (1997), Pensa nao (Premio Xerais de Novela 1999), Terra de Iria. Viaxe ó país de Rosalía de Castro (2002), A morte de A. (Xerais, 2003) e Fóra do sagrado (Xerais, 2007).

No ámbito da investigación publicou De Rosalía a Dieste. 33 Anos das Letras (Xerais, 1995), La poésie galicienne de 1936 à 1990 (1999), e estudos sobre diferentes autores, coma Curros Enríquez ou o poeta berciano Fernández Morales. Un lugar central neste ámbito ocúpano Rosalía de Castro, sobre a que publicou Rosalía de Castro. Antoloxía (Xerais, 2003) e Rosalía 21 (coord., Xerais / Consellería de Cultura da Xunta de Galicia, 2009), e Méndez Ferrín, do que realizou Guía de Lectura de Con pólvora e magnolias (Xerais, 1992), as edicións críticas de Poesía enteira de Heriberto Bens (Xerais, 1999) e Bretaña, Esmeraldina (Xerais, 2007).

Sinopse:

“Pensa nao" escribiuna A. Angueira sen se aclimatar a nada. O que narra é froito do somergullo desde cativo na vida aldeá do largacío val de Laíño, nas súas brañas e campías, seguindo a abraiante liña azul do Ulla. Engádase a isto o poder fabulador dun escritor pouco prolixo, pero potente e eficaz, que se alimenta nos vestixios da memoria popular, no que as xentes da aldea de Manselle e a súa comarca lle contaron e nas cartas da emigración. O resultado é este exultante traballo creativo que nos reconcilia enteiramente coa literatura.A historia de Pensa nao é unha recreación ficcional dos sucesos acontecidos en Sernanselle desde o San Martiño do ano 35 ata xullo do 36. Puntuando a sucesión de acontecementos e o clima «in crescendo» da trama, as cartas de América.”