A IX Edición do “Día das escritoras” celébrase, este ano 2024, o 14 de outubro baixo o lema “A periferia da periferia: mulleres que miraron ao mundo rural”. “Acordarémonos de marabillosas escritoras, poetas e pensadoras -avanza Ana Iris Simón, comisaria desta edición- como Concha Espina, Santa Teresa, Dolores Medio, Mariluz Escribano, Margarita Nelken, Rosalía de Castro, María Zambrano, Gabriela Mistral ou Ernestina de Champourcin. Pero tamén das que non puideron selo. Pois elas e non outras son as que mantiveron e manteñen vivo ese mundo rural e a súa cultura, ese campo, esa periferia á que, en xeral, miramos pouco e mal.”
Dende o IES Plurilingüe de Valga sumámonos a esta celebración coa lectura de textos escritos polas alumnas Saray Suárez (1º Bacharelato), Clara Troncoso, Ana Santiago e Carla Herrero (2º Bacharelato) ademais da escritora padronesa, invitada a este acto, Paula Antía Rey. Tamén interviron o alumnado de Oratoria de 4º ESO, Sara Vila e Froilán Bouzón, que leron unha breve briografía da escritora Pilar Buela, así como un fragmento da súa obra "Ácaros verdes". O acto foi presentado pola alumna de 2º Bacharelato, Carolina Rey. A actividade tivo lugar, no segundo recreo do luns 14 de outubro, na nosa Biblioteca.
