O venres 21 de xuño, no Auditorio Municipal de Cordeiro, tivo lugar o Acto de Graduación da promoción de Bacharelato 2022-2024. Foi un acto entrañable e emotivo, presentado polo alumnado desta promoción: Ximena Guerra e Mateo García e no que houbo discursos da Vicedirectora do Centro, Ana Bueno, do rexidor municipal, José María Bello Maneiro, xunto cos da madriña e o padriño dos graduados: o profesorado Lara García e Juan Carlos Montejano. No evento non podía faltar a entrega de diplomas ao alumnado graduado xunto coas mencións especiais aos mellores expedientes do Bacharelato de Ciencias, Lucas Fernández, o que lle conlevou o premio "Ángel Carracedo", e do Bacharelato de Humanidades e Ciencias Sociais, concedido ao alumno Mateo García. Ademais estes dous alumnos, en representación do resto do alumnado, foron os encargados de facer referencias ao seu paso polo ies. O acto completouse cunha actuación musical do pianista Alonso Pinilla, coa interpretación de varios temas. Picando neste enlace podes ver máis fotografías deste acto.
