O IES de Valga oferta varios ciclos de formación profesional no que, tralo remate do prazo ordinario de matrícula, quedan prazas vacantes, polo que aínda se admiten inscricións de novo alumnado. A única condición que se esixe é cumprir cos requisitos de acceso para as ensinanzas correspondentes.
Os ciclos nos que aínda hai prazas liberadas son:
- Ciclo básico de Fabricación e Montaxe
- Ciclo básico de Agroxardinaría e Composicións florais
- Ciclo Medio de Soldadura e Caldeiraría nas modalidades Dual e Adultos
- Ciclo Superior de Construcións Metálicas
A modalidade ordinaria do CM de Soldadura e Caldeiraría está xa completa.
As prazas vacantes cubriranse por orde de solicitude, que pode realizarse no propio IES de Valga, que durante o mes de xullo abre en horario de 10:00 a 14:00 horas. Tamén se pode contactar co centro a través do correo electrónico ies.valga@edu.xunta.gal
