Que se aprende a facer?
Deseñar produtos de caldeiraría, estruturas metálicas e instalacións de tubaxe industrial, e planificar, programar e controlar a súa produción, partindo da documentación do proceso e as especificacións dos produtos que se fabriquen, asegurando a calidade da xestión e dos produtos, así como a supervisión dos sistemas de prevención de riscos laborais e protección ambiental. Neste vídeo tés unha mostra de todo o proceso para a realización dunha maqueta da estrutura metálica dunha nave industrial, do deseño até a montaxe incluíndo a impresión en 3D:
En industrias dedicadas á fabricación de grandes depósitos, caldeiraría grosa e tubaxe industrial, talleres mecánicos, construción de carrozarías, remolques e caixas abatibles, construción e reparación naval, instalacións petroquímicas, material de transporte, montaxe e reparación de construcións metálicas, no ámbito da produción de construcións metálicas encadradas no sector industrial.
Que ocupacións se desempeñan?
Técnico/a en construción mecánica. Encargado/a de fabricación en construcións metálicas. Encargado/a de montadores en construcións metálicas. Delineante proxectista de caldeiraría e estruturas metálicas. Técnico/a en deseño asistido por computador (CAD) de caldeiraría e estruturas metálicas. Deseñador/ora técnico/a de caldeiraría e estruturas. Programador/ora de sistemas automatizados en fabricación mecánica. Programador/ora da produción en fabricación mecánica. Técnico/a en desenvolvemento de tubaxes. Xefe/a de taller en construcións metálicas e montaxe.
Como podo ampliar a miña formación?
O IES de Valga asinou convenios con centros de Polonia e de Malta onde o noso alumnado realizou prácticas no marco do Programa Erasmus. Na actualidade estamos a traballar para conseguir acordos en Francia para o próximo curso.
En que empresas me podo formar?
O IES de Valga ten acordos con empresas punteiras no sector como Gama e Hijos, Lema, Sometal, Rías Bajas, Fundivisa, Barton Maquinaria, Gamelsa, Ausavil, ODL ou Stacsa.
Que posibilidades teño de encontrar traballo ao acabar os estudos?
Máis de 80% do alumnado conseguiu un contrato de traballo despois de obter a titulación.
Cales son os módulos deste ciclo?
| Curso | Código | Módulo profesional | Horas | Períodos semanais | |
|---|---|---|---|---|---|
| 1º | MP0162 | Programación de sistemas automáticos de fabricación mecánica | 160 | 6 | |
| 1º | MP0245 | Representación gráfica en fabricación mecánica | 213 | 8 | |
| 1º | MP0246 | Deseño de construcións metálicas | 267 | 10 | |
| 1º | MP0248 | Procesos de mecanizado, corte e conformación en construcións metálicas | 213 | 8 | |
| 1º | MP0251 | Formación e orientación laboral | 107 | 4 | |
| 2º | MP0163 | Programación da produción | 140 | 8 | |
| 2º | MP0165 | Xestión da calidade, prevención de riscos laborais e protección ambiental | 105 | 6 | |
| 2º | MP0247 | Definición de procesos de construcións metálicas | 140 | 8 | |
| 2º | MP0249 | Procesos de unión e montaxe en construcións metálicas | 192 | 11 | |
| 2º | MP0250 | Proxecto de construcións metálicas | 26 | ||
| 2º | MP0252 | Empresa e iniciativa emprendedora | 53 | 3 | |
| 2º | MP0253 | Formación en centros de traballo | 384 |
