Iniciativa preciosa da profesora de Bioloxía de 1°da ESO, Chus Gómez. Un traballo de detalle, delicado, didáctico e de resultado plástico impecable.

Aprender creando beleza.

 

 

Últimas fotos do intercambio do noso alumnado en Como (Italia).

No Duomo de Como; no Faro Voltiano, en Brunate; nas rúas e no porto de Bellagio e no Lago di Como, cos Alpes nevados ao fondo.

 

Hai 15 días vivimos no centro "a movida de Antom" (Antom Nieto, profesor de Filosofía), unha das iniciativas máis consolidadas do noso instituto. Leva organizándose desde hai 11 anos e desta volta levaba por título INTERMITÊNCIAS DE VAGA-LUMES.

 

 

 

 

 

O persoal non docente é unha peza esencial na engrenaxe do ensino público. Sen eses traballadores, sen a súa complicidade, dedicación e esforzo no día a día, o rumbo dos centros de ensino sería errático e atropelado.

Ás veces semella que ese persoal non está porque acostuma a pasar desapercibido. Pero os que levamos anos nesta profesión sabemos que pasa cando falta por algún motivo puntual. E pasa que as cousas deixan de funcionar como deberan e o persoal docente non sabe como valerse sen el.

E por riba, cando son empregados cordiais, agradables, xenerosos e están sempre cun sorriso na boca, que nos deixen é un motivo de tristeza.

Vai a nosa aperta coas palabras máis agarimosas para Ana Belén Oria Blanco, que nos deixa temporalmente, pero esperando que retorne a esta casa cando lle sexa posible.

Aquí toda a comunidade educativa a vai botar moito de menos.

 

 

Hoxe volveu Esperanza Mariño pola que foi a súa casa como catedrática de Lingua galega e literatura ata o curso pasado.

Cunha palestra para o seu alumnado de 3° da ESO sobre Luísa Villalta, ilustrou con moito detalle a vida e a obra desta poeta fundamental da poesía galega contemporánea, á que neste ano a Real Academia Galega lle dedica o Día das Letras Galegas.

 

 

As vangardas estimularon a creatividade, a liberdade artística, a irreverencia ás veces. Hoxe os estudantes de literatura de 4° da ESO prepararon esta pequena mostra dos seus traballos na aula. Como teñen lido a Borges, a Lorca, a Gómez de la Serna e a Huidobro, son capaces de craer artefactos literarios como os que poden verse na foto. E por riba, na montaxe da exposición aínda botaron unhas boas risas. Que a literatura tamén dá para iso.

Parabéns polos vosos traballos!

 

 

Hoxe aos nosos estudantes tocoulles coñecer Milán.

Hai cidades que conmoven.

Castello Sforzesco, Il Duomo, Teatro d'Opera, Galería Vittorio Emmanuelle...

Grazas a Susana R. Alemparte polas fotos.

 

Extracción dun bronquio do pulmón dun porco, feita polo alumnado de Anatomía, guiado pola súa profesora Pamen García Romalde.

Un pouco de grima dá, pero o traballo está moi ben feito.

 

Moitas grazas á enfermeira Paula Boga Veiras, coordinadora de transplantes de Galicia, por vir hoxe ao centro para dar unha charla sobre transplantes, que sempre é de moito interese para o noso alumando.

Actividade coordinada, como todos os anos, por Pamen García Romalde.