portada30

Grazas a Álvaro Sevilla por cubrir a noticia.

Enviado por admin1 o Mar, 09/04/2024 - 22:22

Grazas a Álvaro Sevilla por cubrir a noticia. Só facerlle unha pequena corrección ao que escribe: Baldo Ramos non é o director do IES de Sar. É o seu vicedirector.

 

 

 

 

Xa está en Como (Italia) o noso alumnado participante no Programa de Intercambio EduExchanges co Istituto Orsoline S. Carlo Liceo Linguistico Europeo.

Enviado por admin1 o Mar, 09/04/2024 - 22:17
Xa está en Como (Italia) o noso alumnado participante no Programa de Intercambio EduExchanges co Istituto Orsoline S. Carlo Liceo Linguistico Europeo.
Acompañado pola profesora encargada de organizar o intercambio, Lucinda Sousa, e por Susana R. Alemparte, toda esta semana será un carrusel de vivencias e experiencias inesquecibles.

Admisión alumnado 24/25

Enviado por admin1 o Mar, 09/04/2024 - 13:30

Dende o día de hoxe, pódese consultar a listaxe dos alumnos e alumnas admitidos@s para o próximo curso 2024/2025.

A consulta pódese facer, ben no tablón de anuncios do centro, ou ben na páxina da Xunta: admisiónalumnado, empregando a chave 365 ou certificado dixital da Fábrica Naciona de Moeda e Timbre. Cumprindo as normas vixentes en materia de protección de datos persoais, NON se poderá consultar por ningún outro medio físico ou electrónico, nin se poderá dar información telefónica.

A dirección,

O xoves pasado, como aperitivo dos actos centrais do 30 ANIVERSARIO, recibimos á gran Paula Carballeira.

Enviado por admin1 o Lun, 08/04/2024 - 22:30
O xoves pasado, como aperitivo dos actos centrais do 30 ANIVERSARIO, recibimos á gran Paula Carballeira. Un privilexio escoitala, narrando as súas historias orais de medo, Divertida, inxeniosa, irónica.
Premio Nacional de Literatura Dramática 2023, a súa traxectoria está sementada de máis de 30 libros, centos de bolos por todo o mundo, ducias de papeis de teatro e televisión, obras de poesía e novelas que a fan unha das mulleres máis talentosas do panorama cultural de hoxe en día e unha das escritoras máis relevantes do teatro galego contemporáneo.
Pouco máis que dicir. Vamos, que fomos moi afortunados de poder tela entre nós.
Un dos pratos principais da nosa festa de aniversario.
Grazas, Paula, por facernos un oco para estar cos nosos pequenos.
 
 

Hoxe asistiron ao Teatro Principal máis de 200 alumnos e alumnas do centro

Enviado por admin1 o Lun, 08/04/2024 - 22:28
Hoxe asistiron ao Teatro Principal máis de 200 alumnos e alumnas do centro para asistir a unha función da posta en escena de Tempestades, levada á taboas polo actor de orixe arxentina Ricardo Frazer.
Unha clase práctica de teatro á que asistiu alumnado de todos os niveis educativos.
Grazas ao departamento de Lingua castelá e literatura por organizar a actividade.
 
 

Un día para non esquecer.

Enviado por admin1 o Lun, 08/04/2024 - 22:25
Un día para non esquecer.
Grazas a El Correo Gallego por facerse eco da celebración.
 
 

Visita do noso alumnado de 2° de Bacharelato de Artes á Facultade de Belas Artes e Deseño de Pontevedra

Enviado por admin1 o Mér, 03/04/2024 - 15:08

Visita do noso alumnado de 2° de Bacharelato de Artes á Facultade de Belas Artes e Deseño de Pontevedra, acompañados polos seus profesores Suso Fandiño e Montse Amigo.

 

Adianto dalgunhas sorpresas que temos reservadas para celebrar o 30 ANIVERSARIO do IES de Sar este venres 5 de abril.

Enviado por admin1 o Mér, 03/04/2024 - 15:06
Adianto dalgunhas sorpresas que temos reservadas para celebrar o 30 ANIVERSARIO do IES de Sar este venres 5 de abril.
Convidamos a toda a comunidade educativa do IES de Sar a que asista a esta festa que comezará ás 10:00 h.
Contamos con que sexa un día para gardar na memoria.
 
 

Parabéns a Tomé Mouriño, un dos integrantes de De Ninghures

Enviado por admin1 o Mér, 03/04/2024 - 15:01
Parabéns a Tomé Mouriño, un dos integrantes de De Ninghures, por este recoñecemento.
Tomé fixo os seus estudos de Secundaria e Bacharelato no noso instituto e, precisamente, este venres, na festa que estamos organizando para celebrar o noso 30 ANIVERSARIO, imos ter a oportunidade de escoitalo, acompañado pola súa irmá Lidia. Dous exalumnos que non esquecemos.

Moitos parabéns á nosa alumna Alba Graña Rodríguez por ter acadado o 3° Premio na Categoría Nacional do Certamen Ciceronianum 2024.

Enviado por admin1 o Lun, 01/04/2024 - 22:09

Moitos parabéns á nosa alumna Alba Graña Rodríguez por ter acadado o 3° Premio na Categoría Nacional do Certamen Ciceronianum 2024.

Tamén temos futuro no IES de Sar nos estudos clásicos.
E moitos parabéns tamén ao seu profesor de Latín e Grego, José Manuel Blanco Roo, polo seu excepcional traballo á hora de preparala para afrontar este reto con tanto éxito.
 
 

Theme by Danetsoft and Danang Probo Sayekti inspired by Maksimer