portada30

Información elección Consellos Escolares 2024

Enviado por admin1 o Mér, 30/10/2024 - 11:27

No seguinte enlace poderá consultar toda a información sobre as eleccións ao Consello Escolar 2024

Unha exalumna do IES de Sar da primeira promoción, a doutora en Farmacia Beatriz Brasa, impartirá unha conferencia no centro sociocultural do Ensanche

Enviado por admin1 o Mér, 20/11/2024 - 23:39
Este venres, unha exalumna do IES de Sar da primeira promoción, a doutora en Farmacia Beatriz Brasa, impartirá unha conferencia no centro sociocultural do Ensanche, organizada pola Asociación Cultural o Galo, sobre a Farmacia Militar compostelá durante o franquismo.
Moitos parabéns, Beatriz!
 

O alumnado de 2° de Bacharelato de Artes visitou na Fundación DIDAC a exposición Galicia

Enviado por admin1 o Ven, 15/11/2024 - 16:07
Esta mañá o alumnado de 2° de Bacharelato de Artes visitou na Fundación DIDAC a exposición Galicia. Procesos e formas. Un percorrido gráfico.
Son veciños nosos e sempre estamos atentos ás propostas expositivas tan interesantes que acostuman facer.
 
 
 
 

Moitos parabéns ás alumnas premiadas no Concurso de Microrrelatos de Terror

Enviado por admin1 o Mér, 13/11/2024 - 22:32
Moitos parabéns ás alumnas premiadas no Concurso de Microrrelatos de Terror deste ano.
Seguimos comprobando que son as mulleres as que máis se achegan á literatura, como autoras e como lectoras.
E no IES de Sar temos canteira.
Na categoría de Bacharelato, o primeiro premio recaeu en Carla Sánchez Portos.
Na categoría da ESO, concedemos un segundo premio exaequo para Júlia Feijó Noriega e Zaira Míguez Ramos.
E o e primeiro premio recibiuno Mencía Iglesias Otero.
Moitos parabéns a todas e mil grazas polo traballo que fixo o noso xurado, formado este ano pola profesora de Lingua e literatura galegas, Ana Rial Aparicio; polo profesor de Portugués, Xurxo Fernández Carballido, e pola nosa conserxe, Pilar Dobarro.
 
 
 
 
 

Un ano máis o departamento de Música, da man de María Giménez, organizou este venres un obradoiro de ecopercusion.

Enviado por admin1 o Lun, 11/11/2024 - 10:58
Un ano máis o departamento de Música, da man de María Giménez, organizou este venres un obradoiro de ecopercusion impartido con materiais de refugallo.
Todo o alumnado de 2° da ESO tivo a sorte de participar.
 
 
 

Compartimos con Fuco Reyes a felicidade deste novo recoñecemento para unha serie fotográfica que naceu, dalgún xeito, no noso centro.

Enviado por admin1 o Xov, 07/11/2024 - 22:42

Compartimos con Fuco Reyes a felicidade deste novo recoñecemento para unha serie fotográfica que naceu, dalgún xeito, no noso centro.

 

 

Grazas a El Correo Gallego por facerse eco da visita que onte nos fixo María Girón, nun encontro co alumnado de 1º de Bacharelato de Artes

Enviado por admin1 o Xov, 07/11/2024 - 22:41

Grazas a El Correo Gallego por facerse eco da visita que onte nos fixo María Girón, nun encontro co alumnado de 1º de Bacharelato de Artes, que puido comprobar como se pode vivir da arte mesturando talento e esforzo a partes iguais.

 

 

Este ano a participación no Concurso de decoración de cabazas foi escasa, polo que decidimos dar un 1º premio ex aequo

Enviado por admin1 o Mér, 06/11/2024 - 22:41
Este ano a participación no Concurso de decoración de cabazas foi escasa, polo que decidimos dar un 1º premio ex aequo a estas dúas obras de arte das que compartimos fotos.
Parabéns a Lluna Mazari Espinosa e a Sofía González Valado polo seu traballo, compartindo decoración dunha cabaza de dous corpos e a Beltrán Fonseca Bañobre pola súa escultórica cabaza verde.
 
 
 
 

Visita de luxo no Sar da ilustradora catalá María Girón, que recibirá esta tarde, no Concello de Santiago, o Premio Internacional Compostela de Álbums Ilustrados.

Enviado por admin1 o Mér, 06/11/2024 - 22:39
Visita de luxo hoxe no Sar da ilustradora catalá María Girón, que recibirá esta tarde, no Concello de Santiago, o Premio Internacional Compostela de Álbums Ilustrados.
Un libro editado con mimo pola editorial Kalandraka, que fai unha defensa da vida en comunidade e da poesía sonora ou fonética, tan presente en poetas dadaístas e futuristas como Tristan Tzara ou Man Ray, autores que experimentaron neste ámbito literario hai agora un século.
 
 
 

Grazas ao policía local de Santiago, Martín Camba Conde, por impartir hoxe e mañá unha charla sobre ocio nocturno entre o noso alumnado de 1° de Bacharelato.

Enviado por admin1 o Mar, 05/11/2024 - 15:51
Grazas ao policía local de Santiago, Martín Camba Conde, por impartir hoxe e mañá unha charla sobre ocio nocturno entre o noso alumnado de 1° de Bacharelato.
Grazas ao departamento de Orientación por organizala e á concelleira Nerea Barcia Guldrís por acompañar a Martín neste encontro cunha rapazada tan necesitada de pautas para desfrutar da noite sen recurrir ao alcol.
 
 
 

Theme by Danetsoft and Danang Probo Sayekti inspired by Maksimer