portada30

Horario lectivo do curso 24/25

Enviado por admin1 o Lun, 29/07/2024 - 11:54

O horario lectivo do centro para o curso 24/25

Luns a Venres: 8:50-14:30 horas

Martes:16:50-18:30 horas

Axudas para a adquisición de material escolar curso académico 2024/2025

Enviado por admin1 o Xov, 11/07/2024 - 18:22

Dende o día 12 de xullo, pódese consultar presencialmente a listaxe provisional das axudas para a adquisición de material escolar para o vindeiro curso académico 2024/2025no taboleiro de anuncios situado no interior do centro escolar.

Os/as nais/país das alumnas/os que teñan dereito a dita axuda, poden pasar pola oficina do centro para recoller o vale a partir do luns dia 15 de xullo. De forma non presencial, pódese consultar a través de aplicación admisión alumnado, empregando a chave 365 ou certificado dixital da Fábrica Naciona de Moeda e Timbre.

Cumprindo as normas vixentes en materia de protección de datos persoais, NON se poderá consultar por ningún outro medio físico ou electrónico, nin se poderá dar información telefónica.

 

Cuestionarios sobre a autoestima, os mitos do amor romántico ou a sexualidade

Enviado por admin1 o Lun, 01/07/2024 - 16:45
O alumnado de 3º ESO A e B distribuídos en grupos de tres a cinco alumnos e alumnas elaborou cuestionarios sobre a autoestima, os mitos do amor romántico ou a sexualidade. Despois imprimíronse os cuestionarios, e os  alumnos de 3º A e B contestáronos de forma anónima.
Cada grupo fixo un reconto das respostas ao seu cuestionario, fixo táboas de frecuencias, diagramas de barras ou sectores circulares. Analizáronse medias, varianzas, desviacións típicas e cuartís das variables cuantitativas, e a moda das variables cualitativas.
Fixeron unha presentación grupal dos resultados obtidos e das conclusións que observaron.
Podedes velo aquí:

Enlace resultados

 
 Os cuestionarios están na carpeta:
 
 

Agradecemento ao Concello

Enviado por admin1 o Ven, 28/06/2024 - 23:41
Moitísimas grazas ao Concello de Santiago por convidar ás alumnas Nântia Bernárdez Martínez, Antela Aldonza Bello, Carla García Rodríguez e Laura Sende Rodríguez, do Grupo de Igualdade do noso centro, a participar na celebración do Día do Orgullo no Pazo de Raxoi.
E grazas a Sofía Paleo por preparar con elas a lectura de textos do libro que editou o pasado curso o noso centro na Colección Sar, titulado DiVers@s.
Acompañounas tamén o noso director, Aníbal García Pinal, e Merche Monteagudo, profesora de Física e Química.
Grazas por participar, representando ao IES de Sar, estando xa de vacacións.
Un orgullo de alumnas!
 
 

Finalistas no Festival de Curtas Olloboi

Enviado por admin1 o Xov, 27/06/2024 - 15:37
As alumnas de 1º de Bacharelato B (Artes), Aroha Fritz, Lucía Hermida, Mencía Mosquera, Mara Martinez e Naiara Vidal, resultaron finalistas no Festival de Curtas Olloboi, na categoría de Bacherelato, coa curta que leva por título “Demencía”.
Compartimos varias imaxes da entrega de premios, que tivo lugar o venres 21 xuño en Boiro.
Grazas a Minia Regos polas fotografías.
 

Felices vacacións a todas e a todos!

Enviado por admin1 o Xov, 27/06/2024 - 15:35
Felices vacacións a todas e a todos!
Descansade e recargade as pilas para empezar o vindeiro curso con renovadas forzas.
 
 

Para despedir o curso 2023-2024, o alumnado da ESO pasou toda a xornada na Illa de Ons,

Enviado por admin1 o Xov, 27/06/2024 - 15:34
Para despedir o curso 2023-2024, o alumnado da ESO pasou toda a xornada na Illa de Ons, como levamos facendo nos últimos anos.
Grazas a Pilar González, a Xurxo Fernández Carballido e a Chus Gómez polas fotografías que nos fan chegar.
 

Xa temos o noso BOSQUE DOS LIBROS plantado polo alumnado de 1°da ESO

Enviado por admin1 o Xov, 27/06/2024 - 15:33
Xa temos o noso BOSQUE DOS LIBROS plantado polo alumnado de 1°da ESO, guiado pola súa profesora de Bioloxía, Chus Gómez, e polo alumnado de 1° de Bacharelato de Artes, guiado pola súa profesora de Proxectos Artísticos, Montse Amigo.
Todo un exemplo de transversalidade de disciplinas e idades.
Parabéns por facer posible esta instalación que podedes desfrutar de camiño á biblioteca do noso centro.
Coidádeo!
 

Parabéns, Sofía Vázquez Martínez, pola concesión do Premio Extraordinario de Bacharelato

Enviado por admin1 o Xov, 27/06/2024 - 15:32
Parabéns, Sofía Vázquez Martínez, pola concesión do Premio Extraordinario de Bacharelato (MEGABAU)!
Hoxe na Coruña, acompañada pola súa familia e o director do IES de Sar, Aníbal García Pinal.
 
 

Compartimos algúns traballos do alumnado de 1° de Bacharelato A e D

Enviado por admin1 o Xov, 27/06/2024 - 15:31
Compartimos algúns traballos do alumnado de 1° de Bacharelato A e D, ao que lle dá clase Minia Regos, que paga a pena compartir con toda a comunidade educativa.
Grazas, Minia, polas fotos!
 
 

Theme by Danetsoft and Danang Probo Sayekti inspired by Maksimer