portada30

Moitos parabéns ao noso alumno Breixo Longueira Alonso, de 1°de Bacharelato, por clasificarse entre os catro primeiros no concurso nacional Canguro Matemático 2024

Enviado por admin1 o Dom, 19/05/2024 - 21:16
Moitos parabéns ao noso alumno Breixo Longueira Alonso, de 1°de Bacharelato, por clasificarse entre os catro primeiros no concurso nacional Canguro Matemático 2024.
O acto de entrega do premio terá lugar en Segovia o vindeiro 25 de maio.
Grazas á súa profesora de Matemáticas, Rosa Gómez, por acompañalo neste camiño.
 

No IES de Sar estamos moi contentos e orgullosos de que Gloria Pavía teña conseguido o Premio Martín Códax da Música na modalidade de Música Emerxente

Enviado por admin1 o Dom, 19/05/2024 - 21:15
No IES de Sar estamos moi contentos e orgullosos de que Gloria Pavía teña conseguido o Premio Martín Códax da Música na modalidade de Música Emerxente.
Desde que estivo entre nós estudando, sabiamos que había chegar moi lonxe no mundo da música.
Talento e delicadeza nunha voz inconfundible.
 

Moitos parabéns ás nosas tres alumnas que resultaron seleccionadas no 19 Concurso de Fotografía Xurxo Lobato

Enviado por admin1 o Dom, 19/05/2024 - 21:14
Moitos parabéns ás nosas tres alumnas que resultaron seleccionadas no 19 Concurso de Fotografía Xurxo Lobato.
O vindeiro 23 de maio, no IES Monelos da Coruña, daranse a coñecer os premiados. Que haxa sorte para elas, aínda que estar seleccionadas nun concurso que leva o nome dun dos grandes fotógrafos deste país xa é un gran premio.
 

Obradoiro de Maios estes días

Enviado por admin1 o Dom, 19/05/2024 - 21:12
Obradoiro de Maios estes días, coordinado polo Equipo de Dinamización Lingüística e a Biblioteca do centro.
Unha chulada os resultados. É marabilloso que esta tradición dos Maios se recupere en Compostela, onde perdera vitalidade nas últimas décadas.
Moitas grazas a María Giménez polas fotografías.
 
 

Exposición de gravados do alumnado do Bacharelato de Artes

Enviado por admin1 o Dom, 19/05/2024 - 21:10
Exposición de gravados do alumnado do Bacharelato de Artes que cursa Proxectos Artísticos.
Grazas a Montse Amigo polo teu traballo con el.
 
 

Última charla de ADOS sobre a importancia de doar sangue

Enviado por admin1 o Dom, 19/05/2024 - 21:08

Última charla de ADOS sobre a importancia de doar sangue, dentro do Plan Proxecta Salvavidas, coordinado pola profesora de Lingua castelá e literatura, Tamara Paredes.

 

Os integrantes do club de ciencia do instituto visitaron a Casa do Patrón en Lalin e fixeron un roteiro polos seus arredores

Enviado por admin1 o Dom, 19/05/2024 - 20:57
Hoxe os integrantes do club de ciencia do instituto visitaron a Casa do Patrón en Lalin e fixeron un roteiro polos seus arredores. Despois de comer, xa no instituto, “limparon ósos” para montar un esqueleto e fixeron un refuxio para insectos. Vamos, que non perderon o día...
Grazas á sua profesora de Bioloxía, Chus Gomez Rey, por acompañalos e polas fotos e a Pamen García por ensinarlles a ver o corpo humano con ollada científica.
 
 

Demos por rematadas as actividades de celebración do 30 aniversario do noso instituto cunha visita de luxo

Enviado por admin1 o Dom, 19/05/2024 - 20:55

Hoxe demos por rematadas as actividades de celebración do 30 aniversario do noso instituto cunha visita de luxo. Tivemos a sorte de escoitar unha charla fantástica de Lidia Cao, falando do seu paso como alumna polo noso centro en 2013-2015 e compartindo con todo o alumnado de 1° de Bacharelato de Artes os seus coñecementos e experiencias no mundo do muralismo. Unha artista recoñecida xa internacionalmente que só ten 26 anos. Un exemplo de talento e traballo a partes iguais. Sempre que nos visita déixanos leccións imborrables. Para o alumnado e para o profesorado. Estamos moi orgullosas e orgullosos de que o IES de Sar sexa para ela a súa segunda casa.

 

"Aí vén o maio".

Enviado por admin1 o Dom, 19/05/2024 - 20:53
"Aí vén o maio".
Compartimos a versión do reivindicativo poema de Manuel Curros Enríquez en versión de Pablo Milanés e Luís Emilio Batallán.
Grazas ao Equipo de Dinamización Lingüística pola iniciativa.
"Cantádeme uns maios
sen bruxas nin demos".
 
 

Visita do alumnado de 1° da ESO ao Museo de Historia Natural da Universidade de Santiago de Compostela

Enviado por admin1 o Dom, 19/05/2024 - 20:52
Visita hoxe do alumnado de 1° da ESO ao Museo de Historia Natural da Universidade de Santiago de Compostela, un centro de divulgación da natureza de primeiro nivel.
Organizada polo departamento de Bioloxía e Xeoloxía, acompañouno Chus Gómez, Pamen García Romalde, Sofía Paleo e Zoraida Barral, que fixo estas fotografías que compartimos.
 

Theme by Danetsoft and Danang Probo Sayekti inspired by Maksimer