O profesor da USC, Jesús Mosqueira, impartiu a charla Supercondutividade ao alumnado de bacharelato. Puidemos ver unha demostración cun prototipo de tren de levitación magnética baseado en supercondutores, arrefriado con nitróxeno líquido.

O profesor Sergio Clavero mostrou ao alumnado de 4º ESO varias das curtas premiadas realizadas no proxecto Aturuxo Films, inaugurando así a III Semana Cultural.

Hoxe 8 de marzo, as alumnas e alumnos de 2º ESO entrevistaron a cinco mulleres da nosa contorna con moito que contar.

Partindo do texto de Paula Carballeira, As alumnas, quixemos que nos contasen como cambiou a educación das mulleres ao longo do tempo e tamén coñecer o seu traballo e inquedanzas.

Tivemos a sorte de ter con nós a:

Paula Carballeira, actriz e escritora, que vén de gañar o Premio Nacional de literatura dramática coa obra As alumnas no 2023.

Ana Conde, xornalista, directora e creadora do Teovivo.

Fanny Félix, unha das impulsoras da asociación Bolboretea, familias teenses para as neurodiversidadese, que tamén forma parte da ANPA do IES de Cacheiras.

Juliana Pérez, mestra xubilada que foi profesora de Lingua Castelá neste instituto ata que se retirou.

Iria Páramo, médica no Hospital Psiquiátrico de Conxo.

O último día o tempo non nos acompañou e tocounos ventisca, pero aproveitamos ben as últimas horas que quedaban antes de volver.