É un pracer presentar o noso Vídeo-Dosier Final do proxecto "Cantigas e Murais para o Coñecemento do Reino Medieval de Galicia". Neste vídeo, resumimos os emocionantes momentos vividos durante esta marabillosa aventura cultural.
Desde os conciertos onde as cantigas medievais resoaron nos nosos corredores ata a creación do mural que adorna o noso espazo, cada paso deste proxecto foi unha celebración da nosa rica historia e cultura galega.
Queremos agradecer a todo o alumnado e profesorado que participou co seu talento e entusiasmo, facendo deste proxecto unha experiencia inesquecible.
Este proxecto enmarcouse nos II Premios Reino de Galicia 2023, un recoñecemento á creatividade e á investigación da nosa historia. Estamos orgullosos de compartir esta viaxe coa comunidade educativa.
Grazas a todos e todas por acompañarnos nesta aventura de coñecemento e creación. Seguiremos a celebrar e a promover a nosa cultura galega con orgullo e entusiasmo.
Equipo do Proxecto "Cantigas e Murais para o Coñecemento do Reino Medieval de Galicia" IES Cacheiras
A nosa III Semana Cultural EMOCIÓNATE, acabou como se merece, coa emoción e a ilusión da maxia. Grazas a Joshua Kenneth por poñer este punto final tan divertido co alumnado de 1º ESO.
Conseguimos o noso obxectivo de chegar a Compostela pedaleando durante esta semana. Grazas a todo o alumnado que colaborou e ao departamento de Educación Física por esta iniciativa tan divertida.
Dúas alumnas de plástica de 3°ESO C desenvolveron unha actividade baseada na sinestesia. A actvidade estaba enfocada a todo o alumnado do IES de Cacheiras que quixo participar de forma voluntaria. 25 estudantes e unha profesora desfrutaron a experiencia na aula de debuxo. Primeiramente as alumnas explicaron que é a sinestesia, puxeron exemplos, explicaron diversas formas de facer sinestesia e incluso proxectaron un vídeo coa testemuña dunha persoa sinestésica que elixía as súas mozas polo sabor do seu nome. Despois pasouse a acción e as participantes experimentaron 10 estímulos que apelaban a varios sentidos que tiñan que expresar mediante outros. Así expresaron mediante a cor un son, mediante o olfacto un fragmento dunha película, mediante unha onomatopeia o sabor dun alimento ou coa representación dun número para referirse ó sentido mentres lle poñían unha calcamonía. Todo o experimentado foi representado nun mural de tres metros que se exporá no corredor do centro no 3º trimestre.
