Comunicación alfa, unha peza do alumnado de 2º ESO C do IES de Cacheiras, que explora a maneira de comunicarse dos rapaces de entre trece e catorce anos, presentouse este xoves no Museo do Pobo Galego dentro do proxecto MICEscola.
Cinco centros de ensino galegos: o IES Pedra da Aguia (Camariñas), o CPI Plurilingüe Cernadas de Castro (Lousame), o IES de Oroso (Oroso), o IES de Arzúa (Arzúa) e o IES de Cacheiras (Teo) participaron nesta interesante proposta.
Grazas a ANPA por financiar o transporte ata o museo en colaboración coa Deputación da Coruña.
Os departamentos de Xeografía e Historia e Educación Física organizaron esta saída na que o alumnado de 2º ESO visitou o Monasterio de Carboeiro e a Fervenza da Toxa.
Este sábado o alumnado da Aula de teatro asistiu ao roteiro que organiza o Obradoiro Municipal de Teatro de Palas de Rei e despois actuou con eles e a Aula de Teatro do CPI Fonte Díaz de Touro representando A luz das candeas.
O venres 12 de abril ás 12h, unímonos á convocatoria de Docentes con Palestina nunha concentración na que mostramos a nosa solidariedade co pobo palestino e esiximos un alto o fogo inmediato.
O alumnado do Club de Ciencias realizou un percorrido inicial, na contorna do centro, como "toma de contacto" de cara a participar no "Programa de seguimento das bolboretas de Europa". Estudaremos as bolboretas presentes nunha carballeira, nun pequeno bosque de ribeira e nun pequeno prado.
