Este sábado a Aula de Teatro do IES de Cacheiras, xunto con familias e veciños da Asociación cultural A Mámoa, representaron un roteiro poético, musical e teatral na aldea de Luou.

Posteriormente, no Auditorio Constante Liste, puxeron es escena Á luz das candeas xunto co Obradoiro Municipal de Teatro de Palas de Rei e a Aula de Teatro do CPI Fonte Díaz de Touro.

Grazas ao Concello de Teo e á Asociación A Mámoa por formar parte deste proxecto.

Comunicación alfa, unha peza do alumnado de 2º ESO C do IES de Cacheiras, que explora a maneira de comunicarse dos rapaces de entre trece e catorce anos, presentouse este xoves no Museo do Pobo Galego dentro do proxecto MICEscola.

Cinco centros de ensino galegos: o IES Pedra da Aguia (Camariñas), o CPI Plurilingüe Cernadas de Castro (Lousame), o IES de Oroso (Oroso), o IES de Arzúa (Arzúa) e o IES de Cacheiras (Teo) participaron nesta interesante proposta.

Grazas a ANPA por financiar o transporte ata o museo en colaboración coa Deputación da Coruña.

  >

Xa tedes dispoñibles na biblioteca as recomendacións que vos fai o Equipo da Biblioteca. Vinde a buscalas!

Os departamentos de Xeografía e Historia e Educación Física organizaron esta saída na que o alumnado de 2º ESO visitou o Monasterio de Carboeiro e a Fervenza da Toxa.

O equipo Sofistas acadou unha puntuación de 248.50 puntos na final do Club de debate Alingua que se celebrou en Val do Dubra.

O IES Terra do Xallas de Santa Comba e o IES Camilo José Cela de Padrón quedaron, respectivamente, no 1º e 2º postos.

Parabéns a todos polo esforzo, o traballo e a aprendizaxe.

Grazas ao Concello de Teo por facer posible esta actividade.