O alumnado de 1º ESO e parte do alumnado de ciencias de 1º bach visitaron a X Feira de minerais en Santiago.

Tiveron unha mañá moi intensa entre charlas, obradoiros e a visita á enorme exposición de minerais que se celebrou en Área Central.

Esta actividade foi posible grazas á ANPA do IES de Cacheiras que financiou o desprazamento ata a Feira de minerais en colaboración coa Deputación da Coruña.

O alumnado de latín e grego de 4º ESO e 1º Bacharelato viaxou onte á cidade de Lugo para visitar o Centro arqueolóxico de San Roque, a Casa dos Mosaicos, o Centro de interpretación da Muralla e a Sala de exposicións Porta Miñá e pola tarde asistiu ao Festival de teatro Grecolatino.

O pasado xoves as alumnas e alumnos do Club de ciencia remataron os seus espectroscopios para poder ver a descomposición de calquera fonte de luz.

Ademáis fixemos a observación de mofos en diferentes alimentos e observamos a súa estrutura a través da lupa e do microscopio. Co microscopio aprendemos o protocolo para facer imaxe aumentada das mostras utilizando diferentes obxectivos con aumentos.

Ademáis estamos a preparar os experimentos da semana cultural que poderan desfrutar algunhas clases grazas as alumnas e alumnos do Club de ciencia.

Esta semana xogaremos as últimas partidas antes de que os mellor clasificados xoguen a ronda final.

Agardámosvos mañá no 1º recreo para outra partida do noso torneo de xadrez!