Lingua Galega e Literatura

Departamento de Lingua Galega e Literatura

Actividades do Equipo de Dinamización da Lingua Galega

Sáb, 09/12/2023 - 19:46 — IES A Sangriña

Actividades EDLG novembro 2023

Compartimos con vós algunhas fotografías das diferentes actividades organizadas durante o último mes polo Equipo de Dinamización da Lingua Galega e o Departamento de Lingua Galega.

Luís "O Caruncho" impartiu no noso centro un fantástico Obradoiro de Regueifa, no que participou o alumnado de 2º de ESO. Entregáronse os premios do III Certame de contos de misterio e terror. QUEN DIXO MEDO!!! e o alumnado celebrou o magosto cunha xornada lúdica onde ademais de comer as castañas que tan ben nos preparou o alumnado do ciclo de Mantemento de Vehículos todos e todas gozaron de practicar unha grande variedade de xogos populares.

ALUMNADO DE 1º DE ESO PERCORRE A CONTORNA

Lun, 06/03/2023 - 07:12 — IES A Sangriña

O pasado xoves 23 de febreiro o alumnado de 1º da ESO saíu a coñecer a súa vila e a súa contorna. Fixo paradas en edificios que contan a historia máis recente, coma o cemiterio da Guarda ou o Colexio dos Xesuítas e outras que lembran a nosa historia máis antiga coma as salinas romanas. Non faltou a camiñada polo senda litoral para coñecer a fauna e a flora que nos rodea. Finalizouse a visita cun xogo de pistas no Porto da Guarda no que o noso alumnado puxo en práctica todos os seus coñecementos sobre a vila.

VISITA CULTURAL A SANTIAGO DE COMPOSTELA

Dom, 12/02/2023 - 22:59 — IES A Sangriña

O pasado martes día 7 de febreiro, alumnado do IES A SANGRIÑA realizou unha visita cultural a Santiago de Compostela. Participaron nesta viaxe estudantes de 1º de Bacharelato e aquel alumnado 2º da ESO que cursa a materia de teatro. Durante a mañá paseamos polas principais rúas da cidade vella, coñecendo algunha das particularidades das súas prazas e edificacións máis emblemáticas. Despois asistimos á representación da peza teatral "As Illas desertas", da compañía Artesacía, unha montaxe na que as novas tecnoloxías teñen un especial protagonismo, motivo polo que adoita ser do agrado dos e das adolescentes. Pola tarde visitamos o Museo do Pobo Galego, onde ademais das súas salas sobre cultura popular e arqueoloxía visitamos o Panteón de Galegos Ilustres.

Letras Galegas 2022

Xov, 12/05/2022 - 23:05 — IES A Sangriña

Esta é a programación do IES A Sangriña para as Letras Galegas 2022 dedicadas a Florencio Delgado Gurriarán. Podedes descargar o programa no documento adxunto.