Programas Internacionais e Intercambios

Intercambio co Liceo Francesco Angeloni

Lun, 22/01/2018 - 10:58 — IES A Sangriña

Start: 19/01/2018 08:20

End: 26/01/2018 20:00

Timezone: Etc/GMT+1

Estes días boa parte do noso alumnado de 1° de Bacharelaro está a realizar un intercambio co Liceo Francesco Angeloni (Terni, Italia), no que participan 20 alumnas e alumnos de cada país, e no que levan a cabo un interesante programa de actividades académicas e culturais.

Calendario

Bolsas de mobilidade para o Ciclo Superior de Administración e Finanzas

Mar, 19/09/2017 - 08:47 — IES A Sangriña

Start: 19/09/2017 08:20

End: 19/09/2017 14:00

Timezone: Etc/GMT+1

Convócanse dúas bolsas para estudantes ou persoas tituladas do Ciclo Superior de Administración e Finanzas, para realizar unha mobilidade de 90 días en Portugal. Estas bolsas teñen como obxecto a estancia formativa nunha empresa, como parte do módulo da FCT, e polo tanto acreditada dentro do título de Técnico superior, ou ben como titulado/a, para completar a súa formación técnica.

As solicitudes presentaranse entre o 15 e o 22 de setembro de 2017.
As persoas interesadas presentarán aos seus titores e titoras os seguintes documentos:

Solicitude (pódese pedir un modelo á titora ou titor).
Curriculum europeo (español).
Carta de motivación, dirixida ao equipo educativo (arquivo de word libre, indicar nome e data).

Convenio 2017-1-ES01-KA103-037774

Calendario

Bolsas de mobilidade para Ciclos Medios

Mar, 19/09/2017 - 08:36 — IES A Sangriña

Start: 15/09/2017 00:20

End: 22/09/2017 14:00

Timezone: Etc/GMT+1

Convócanse dez bolsas para realizar unha mobilidade de 80 días en Portugal, de abril a xuño de 2018. Estas bolsas teñen como obxecto a estancia formativa nunha empresa, como parte do módulo da FCT, e polo tanto acreditada dentro do título de técnico.

Pode solicitala o alumnado de Sistemas Microinformáticos e Redes (3 bolsas para Portugal), Carrozaría e Electromecánica de Vehículos (4 bolsas para Portugal) e Xestión Administrativa (3 bolsas para Portugal).

As solicitudes presentaranse entre o 15 e o 22 de setembro de 2017.

As persoas interesadas presentarán a titoras e titores os seguintes documentos:

A solicitude (pódese pedir un modelo á titora ou titor).
Curriculum europeo (español).
Carta de motivación, dirixida ao equipo educativo (arquivo de word libre, indicar nome e data).

Convenio 2017-1-ES01-KA102-037591

Calendario

Concesión do Proxecto Erasmus+ K103

Mér, 05/07/2017 - 22:38 — IES A Sangriña

Acaba de serlle concedido ao noso centro o Proxecto de Mobilidade de Educación Superior Erasmus + K103 para o vindeiro curso. Contamos con dúas bolsas para o alumnado do Ciclo Superior de Administración e Finanzas, coa finalidade de realizar a FCT (Formación en Centros de Traballo) no estranxeiro, concretamente en Lisboa.