Hoxe 21 de xaneiro pola mañá o alumnado de 3.°ESO asistiu, acompañado por Alicia e Carmen, profesoras do departamento de Inglés. ao auditorio da Fundación Abanca á representación da obra teatral en inglés: A vampire story.

Visita o mércores 15 de xaneiro do alumnado de 1º STEMBACH e de Psicoloxía de 2BACH aos laboratorios docentes de Psicobioloxía da Facultade de Psicoloxía da USC.
Inicialmente, na Sala de Xuntas da Facultade, tiveron unha  excelente xornada de presentación das liñas de investigación das áreas de Psicobioloxía. Dita xornada estivo a cargo de:
-Presentación (Prof. Santiago Galdo Álvarez)
-NUTRIAGE (Profa. Elena Ameneda Losada)
-Consumo intensivo de Alcohol (Prof. Fernando Cadaveira Mahía)
-Fibromialxia (Profa. María Teresa Carrillo de la Peña)
-Deterioro Cognitivo Lixeiro (Prof. Santiago Galdo Álvarez)
Ditas charlas foron moi claras e instrutivas. Realmente constituíron todo un descubrimento do que se está a investigar neste ámbito de coñecemento dentro da USC. Tanto o alumnado como o profesorado asistente quedou impactado da amplitude e da relevancia dos temas expostos e de como a investigación vai claramente encamiñada a conseguir avances significativos.
A continuación o alumnado dividiuse en dous grupos e rotou para poder facer dúas prácticas nos laboratorios docentes, unha sobre medidas psicométricas de funcións cognitivas e outra sobre a actividade cerebral visionada a través de EEG na tarefa “go/no go”.

A concelleira de Educación, Noa Díaz, recibiu onte a un grupo de estudantes de Noruega que realizan as súas prácticas en institutos de Santiago e Ames. No acto participaron as concelleiras María Antón (PP) e Navia Rivas (BNG). A actividade permite a alumnos/as de dous institutos noruegueses aprender español nos IES Antonio Fraguas, IES Xelmírez II e IESP de Ames.

 Ler a nova en El Correo Gallego

17/10/2019: Matemáticas Que? e Para que?. Linguaxe matemática

Na primeira parte da sesión reflexionamos sobre o qué entendemos por coñecemento matemático, sobre cómo se interpretaron as matemáticas ao longo da historia, sobre as súas aportacións a outros campos da ciencia e da cultura e sobre a súa utilidade no progreso e no avance da sociedade. Tamén comentamos algúns artículos de prensa e outras publicacións que nos mostran en qué se aplican as matemáticas na actualidade e en qué traballan hoxe os matemáticos. Finalmente, proponse como actividade realizar un comentario crítico dalgunha das lecturas complementarias (impacto da investigación matemática na economía española, papel das matemáticas en investigacións médicas ou ciencia e sociedade)

A segunda parte da sesión adicámola á linguaxe matemática e aos distintos tipos de demostración en matemáticas, resolvendo exercicios...

28/11/2019: Cálculo numérico

Charla sobre métodos iterativos de cálculo numérico, que permiten obter a solución dun problema mediante aproximacións sucesivas, a través do uso de números e operacións matemáticas simples. 

Do 16 ao 19 de decembro, organizados pola xefa do departamento de Música, Carmela Cobo, celebráronse os recreos musicais, resultaron un éxito e estiveron moi entretidos con actuacións de: grupo de música tradicional, trío de violins de alumnas, dúo de guitarra e piano, dúo de piano e violín ,dúo de guitarras electricas, grupo numeroso de frautas e instrumentos de percusión e instrumentos de placas.

Entre as distintas formacións desplegaron un repertorio moi variado e actual. Felicitacións para todos eles.

Pódense ver fotos na seguinte ligazón Fotos

O xurado composto por:

- Tareixa Abal.

- Ana Felpeto.

- Amabel Míguez.

- Manuel Amor.

acordou conceder os seguintes premios:

Primeiro premio: Carlota Aldariz Lobato. 1º A

Segundo premio: Iria Mata Portos. 2º A

Terceiro premio:Alejandro González Barreiro. 1º A.

O acto de entrega de premios do Concurso convocado pola Biblioteca e o Departamento de Música terá lugar o día 20 de decembro na biblioteca durante o primeiro recreo.

Parabéns aos premiados e moitas grazas a todo o alumnado que participou.

Venres 13 de decembro foi a data sinalada: unhas 50 alumnas e alumnos de 1ºBacharelato acudiron a unha sesión do multipremiado  filme de Óliver Laxe, O que arde, na sala Númax de Santiago de Compostela. Eran as 12 da mañá e puidemos desfrutar dun filme que está marcando fitos na historia da nosa filmografía. E abofé que de deixaron cautivar ou pola historia ou pola música ou pola foto. De volta a pé cara o instituto fomos debullando os matices deste filme.

O alumnado de STEMbach de 1º de Bacharelato e o da materia de Psicoloxía de 2º de Bacharelato visitaron o CIMUS para coñecer parte do traballo de tres grupos de investigación: @UnisemSantiago (enfermidade de Párkinson), @GMXenomica (Trastornos do Neurodesenvolvemento) e ·#MolecularMetabolism (relación entre algunhas zonas do encéfalo e comportamento alimenticio).

Tanto o profesorado acompañante como o alumnado quedou moi satisfeito coa visita, non só polos temas tratados senón polas magníficas e interesantes explicacións. A maior riqueza do CIMUS son as persoas que traballan nel. O noso máis sinceiro agradecemento!

Sempre dicimos e mesmo e cumprímolo: voltaremos