MARÍA RODRÍGUEZ

SANTIAGO / A VOZ 29/05/2019 00:39 H

O IES Maruxa Mallo de Ordes, en colaboración cos centros educativos Miraflores (Oleiros), Marco Camballón (Vila de Cruces), Xelmírez II (Santiago), CPI Cruce (Cerceda) e IES Ferrol Vello, levou a cabo nas instalacións do instituto un novo lanzamento da sonda espacial MarumaSat, que nesta ocasión incluía un experimento para comprobar a teoría da relatividade coa denominada Misión Einstein. O globo tomou altura, tal e como se esperaba, pero segundo facíao perdeu unha peza, o localizador que axuda logo a recuperalo para extraer os datos solicitados no voo.

O alumnado de 1.º ESO realizou unha saída a Dombate, Borneiro e Anllóns o día 21 de maio acompañado polo profesor Amancio Pampín, ademais das visitas realizaron distintos obradoiros: excavación, música, moenda e arqueoloxía.

Pódense ver fotos na seguinte ligazón Fotos

Como ven sendo habitual dende hai oito anos, baixo a dirección da profesora de música Carmela Cobo, celebróuse o acto de graduación da promoción 2013-2019, con entrega de becas, orla, con emotivos discursos, por unha banda da directora do centro Pilar Tobar e por outra do profesor de historia Amancio Pampín que despediu ao alumnado. Colaboraron o resto de profesores/as nas diferentes tarefas do acto.

Pódense ver fotos na seguinte ligazón Fotos

Comezamos a viaxe de estudos a Londres o venres 10 de maio en Lavacolla. Sobre as 15h da tarde chegamos a Londres, ao Este: Whitechapel, xunto en fronte da famosa Whitechapel Gallery e á beira dunha mesquita ateigada en pleno Ramadán. Aproveitamos esa tarde camiñando pola City de Londres e por espazos senlleiros da cidade como a London Tower, Tower Bridge ou St. Kaharine Docks. Animados pola boa tarde atravesamos o Támesis e baixamos pola banda de Southwark Cathedral, Borough Market e The Globe ata a Tate e, por suposto, ata o London Eye desde o que apreciamos o Big Ben en obras.

Ao día seguinte dirixímonos cara a plataforma 9 e 3/4 de King's Cross St Pancrass. Vaia fila para arrebolar a bufanda! Dende aquí iniciamos a nosa primeira viaxe en metro: a liña negra ata Camdem Town onde pasamos parte do día; a outra parte do día recorrendo as famosas Oxford St., Regent's St. ou Piccadilly.

O conselleiro do Medio Rural, José González, o director da Axencia Galega da Calidade Alimentaria (Agacal), Manuel Rodríguez, e o director xeral de Educación, FP e Innovación Educativa, Manuel Corredoira, participaron nun acto celebrado no noso centro dentro do programa escolar Fai eco do lóxico, este programa promove hábitos de vida saudables e o consumo de produtos ecolóxicos entre os máis novos, explicando os seus beneficios tanto para a saúde como para o medio ambiente.

Entre o 6 e o 10 de maio o alumnado STEMBach, acompañado polos profesores do centro Rosa Quintela e Moisés Iglesias, realizou unha viaxe didáctica a Xenebra co motivo principal de visitar as instalacións do CERN (Centro Europeo de Investigación Nuclear).

A actividade central da viaxe consistiu nunha visita guiada polas instalacións deste centro, auténtica referencia mundial na investigación de física de partículas. Tiveron ademais a ocasión de contactar con algún dos investigadores galegos que participan en proxectos de investigación en colaboración co CERN.

Esta viaxe completouse con numerosas actividades culturais.

Pódense ver fotos na seguinte ligazón Fotos

O día 8 de maio a profesora Ana Suárez (Facultade de Historia da USC) impartiu a conferencia  “As eleccións en Roma” na que realizou un achegamento ás maxistraturas republicanas romanas a través das fontes literarias e arqueolóxicas.