A NOSA afronta en Ordes outro lanzamento á estratosfera

MARÍA RODRÍGUEZ

SANTIAGO / A VOZ 29/05/2019 00:39 H

O IES Maruxa Mallo de Ordes, en colaboración cos centros educativos Miraflores (Oleiros), Marco Camballón (Vila de Cruces), Xelmírez II (Santiago), CPI Cruce (Cerceda) e IES Ferrol Vello, levou a cabo nas instalacións do instituto un novo lanzamento da sonda espacial MarumaSat, que nesta ocasión incluía un experimento para comprobar a teoría da relatividade coa denominada Misión Einstein. O globo tomou altura, tal e como se esperaba, pero segundo facíao perdeu unha peza, o localizador que axuda logo a recuperalo para extraer os datos solicitados no voo.

Os alumnos participantes neste proxecto fixeron probas o pasado día 2 para analizar problemas e posibles fallos. Todos quedaron emendados, menos a incerteza que dá o clima, porque na primeira data elixida para iniciar ese experimento, o pasado día 10, non puideron facelo, xa que os fortes ventos facían máis que previsible que todo se fose ao traste. Como máis vale previr, a Axencia Espacial Escolar Galega, NOSA, tiña unha segunda data autorizada por Aena, a de mañá. E, finalmente, puideron realizar o lanzamento desta sonda á estratosfera.

Lograr máis altura

A novidade deste ano está no propio globo, de maior tamaño, polo que pode permitir unha elevación maior que en anteriores experimentos. Tamén incorpora novos sistemas de control para que non volva perderse (a peza que se perdeu, ao tropezar co valo do patio) e portará os poemas vencedores da segunda convocatoria de Poesía Estratosférica.

Ler a nova en La Voz de Galicia