Ola a todos:

Como benvida ao novo curso, o alumnado da ESO acudiu á praia de Santa Marta a pasar a mañá. Todo o grupo agás o alumnado de Belesar desprazáronse a pé desde o centro escolar ata a praia e ao rematar a xornada fixeron o camiño inverso.

Na procura da inclusión de todos os participantes ofreceuse un amplo abano de xogos.

O bar da praia, tras a súa solicitude por parte da dirección do centro, permaneceu aberto a disposición do centro.

Estas foron as actividades propostas:

Actividades tranquilas: cartas, xogos de mesa, petanca, debates filosóficos.

Actividades dinámicas na area: rugby, kinball, voleibol, brilé, ultimate, fútbol, beisbol, palas, spikeball.

Actividades na auga: baño libre, paddle surf e kayak

O propio alumnado baixo a supervisión do profesorado encargouse da organización e xestión dos xogos. Eles mesmos decidiron o grado de implicación, o tipo de actividade e o tempo de xogo.

A participación foi masiva. O alumnado estivo realizando actividade física durante toda a mañá. O número de conflitos durante os xogos foi prácticamente nulo.

Esta actividade forma parte do PVAD (proxecto de vida activa e deportiva), EduSaúde e Inclue-T.

Un saúdo a todos e benvidos a un novo curso

Ola a todos:

Como  conclusión ao curso, todo o alumnado da ESO acudiu á praia de Santa Marta a pasar a mañá. Todo o grupo agás os alumnos de Belesar desprazáronse a pé desde o centro escolar ata a praia.

Na procura da inclusión de todos os participantes ofreceuse un amplo abano de xogos.

O bar da praia, tras a súa solicitude, permaneceu aberto a disposición do centro.

Estas foron as actividades propostas:

Actividades tranquilas: cartas, xogos de mesa, petanca.

Actividades dinámicas na area: rugby tag, kinball, voleibol, brilé, ultimate, fútbol, beisbol, palas, spikeball.

Actividades na auga: paddle surf, kayac.

O propio alumnado baixo a supervisión do profesorado encargouse da organización e xestión dos xogos. Eles mesmos decidían o grado de participación, o tipo de actividade e o tempo de xogo.

A participación foi masiva. O alumnado estivo realizando actividade física durante toda a mañá. O número de conflitos durante os xogos foi prácticamente nulo.

Esta actividade forma parte do PVAD (proxecto de vida activa e deportiva), EduSaúde e Inclue-T.

Ola a todos:

Esta semana o alumnado de 2º, 3º e 4º da ESO participou nunha sesión de iniciación ao Taekwondo. Nesta actvidade aprenderon as técnicas básicas de ataque e defensa a través de exercicios por parellas.

Os máis avezados disputaron ao final da clase un combate cos compañeiros.

A sesión tiña por obxecto poñer en contacto ao alumnado cunha disciplina pouco divulgada pero que goza de elementos didácticos moi positivos como o respecto ao contrario, o control do corpo, o esforzo na aprendizaxe e unha importante compoñente lúdica.

Agradecemos a preparación e impartición da sesión a Zaira, alumna de 4º e ao seu compañeiro de adestramento Rubén.

Esta actividade forma parte do PVAD (proxecto de vida activa e deportiva), EduSaúde, Inclue-T e Iguala-T.

Bos días:

Hoxe o alumnado de 3º da ESO disputou unha carreira de orientación nos arredores do curro da Valga (Loureza, Oia). Neste evento por parellas, os participantes tiñan que buscar no terreo as balizas coa axuda dun mapa e un compás.

Agradecemos a colaboración da comunidade de montes de Loureza, que cedeunos o espazo. Tamén agradecemos a colaboración das profesoras María Zapatero e Patricia Blanco.

Esta actividade forma parte do PVAD e o programa EduSaúde.

Bos días:

O venres 8 de Abril visitou o noso centro a ciclista Mila López. A súa especialidede é o handbike, un tipo de ciclismo no que as participantes pedalean usando os brazos.

No palmarés de Mila figuran a Copa de España do 2015 ao 2020; Subcampiona de España de 2014 ao 2019 (excepto no 2016 no que foi Campiona); Campiona da Copa de Europa de Cáceres 2019, subcampiona no 2020. É deportista de alto nivel de Galicia desde 2019.

Conversou co alumnado sobre as características da súa disciplina e mesmo sorteou dous maillots entre os participantes.

A súa visita goza ademais dunha especial circunstancia: o domingo competirá na prestixiosa carreira VigBay.

Esta actividade forma parte do programa Iguala-T, Inclue-T, o PVAD (proxecto de vida activa e deportiva) e do programa EduSaúde.

Hoxe estivo con nós compartindo as súas experiencias Verónica Romero.

O alumnado de 1º da ESO puido falar con ela e preguntar sobre as peculiaridades da expedición ao Lago Baikal (700km) en territorio siberiano. Tamén andivo por terras canadenses na Illa de Baffin (200km) e fixo outra travesía no Lago Inari en Finlandia (130km).

Aínda que os inicios de Verónica comezan con carreiras a pé e raids de aventura, os contactos con outra aventureira como Chus Lago achégana ás expedicións polares. Estas aventuras buscan reivindicar o papel da muller e a concienciación sobre o cambio climático.

Esta charla forma parte dos contratos programa Iguala-T, PVAD (proxecto de vida activa  e deportiva) e EduSaúde.

Bos días:

Hoxe o alumnado de 2º da ESO, representando ao noso centro no campionato provincial escolar de deporte de orientación deportiva, acodou uns magníficos resultados nas diferentes categorías.

En categoría individual feminina conseguiron o 1º, 3º e 4º posto.

Categoría individual masculina: 2º,3º,4º e 6º posto.

Gañando en ámbalas dúas categorías o primeiro premio por equipos.

Noraboa a todos os participantes.

Bos días:

Hoxe visitounos no centro Victoria, médica encargado das charlas que se imparten en 1º da ESO. Esta actividade forma parte do Plan Proxecta clases sen fume.

O obxectivo da charla é concienciar ao alumnado dos danos que provoca o tabaco; explicarlles as estratexias da industria tabaqueira para captalos como clientes e darlles as ferramentas necesarias para que eviten caer nesa adicción.

Bos días:

Hoxe o alumnado de 3º da ESO entrevistou ao deportista Martín de la Puente. Entre os seus logros destaca a súa presenza nas dúas últimas olimpiadas: Río 2016 e Tokio 2020.

Martín falounos da súa disciplina: o tenis en cadeira de rodas; como foron os seus inicios; como decidiu facerse profesional; as horas que adica ao día a adestrar, os estudos que cursa; quenes son os seus amigos no circuito...

Este é o segundo ano que escoitamos as inspiradoras palabras de este extraordinario deportista, un exemplo de superación e traballo.

Esta charla forma parte de diferentes proxectos de centro: Inclue-T, PVAD (proxecto de vida activa e deportiva) e EduSaúde.

Bos días

A semana do 14 ao 18 de febreiro o alumnado de 3º e 4º da ESO puido disfrutar de dúas sesións de iniciación ao fútbol gaélico. Esta actividade desenvolveuse durante as sesións de educación física.

O proxecto gaélico-escolas adícase a difundir este deporte entre os escolares

A actividade forma parte do programa EduSaúde, PVAD (proxecto de vida activa e deportiva) e do programa Inclue-T. 

Bos días:

O alumnado de 4º da ESO disfrutou o xoves dunha xornada de escalada nas instalacións municipais de Pontevedra (Pavillón multiusos da Xunqueira).

Tras unhas semanas de adestramento sobre o manexo de material, estes alumnos foron quen de desenvolver a actividade con autonomía baixo a supervisión do profesor e a inestimable axuda de César Castro, pai dunha alumna e experto escalador,

A actividade puido levarse a cabo gracias á colaboración do Museo de Pontevedra, a deputación, o IMD (instituto municipal de deportes de Pontevedra) e o club de montañeiros de Pontevedra, que cedeunos o material para dita práctica.

Esta saída forma parte do programa EduSaúde e o PVAD (proxecto de vida activa e deportiva)

A actividade complementouse cunha visita á exposición permanente de Castelao no museo de Pontevedra. As dúas actividades foron organizadas polos departamentos de Lingua Galega e Educación Física.

Bos días:

Todo o alumnado da ESO realizou durante o primeiro trimestre as probas DAFIS (datos de actividade física saudable).

Fixéronse dous tipo de valoracións: antropométricas e funcionais.

As probas antropométricas, medicións da constitución (altura, peso, IMC, perimetro da cintura e cadeira), en conxunto, reflicten o estado de saúde dos nosos escolares. É un bo indicador da posibilidade de ter sobrepeso ou obesidade e polo tanto de enfermidades futuras.

As probas funcionais (medición da velocidade de desprazamento, dinamometría dos flexores do antebrazo, forza explosiva dos extensores das extremidades superiores, resistencia dos flexores das extremidades superiores, flexibilidade da cadeira e resistencia cardiovascular) poñen de relevo a capacidade e calidade do movemento,  aportan información sobre o estado do individuo e a posibilidade de contraer enfermidades e lesións do aparato musculo-esquelético.

A media das probas antropométricas estivo por debaixo da media da provincia e da comunidade galega.

Nas probas funcionais a maioría dos parámetros estiveron por enriba da provincia e da comunidade excepto na proba de resistencia cardiovascular.

Este estudo forma parte dos plans Proxecta: PVAD (proxecto de vida activa e deportiva), EduSáúde e proxecto terra: patios escolares.

A arbitraxe deportiva é un labor difícil e ás veces ingrato. Moita xente pensa que pode gritar, insultar e mesmo agredir a alguén polo feito de regular un xogo segundo unhas normas prescritas. Se a isto lle engadimos que quen arbitra é unha muller xérase unha mestura explosiva.

O xoves visitounos no centro escolar Cristina Fernández Piñeiro, quen fora árbitra internacional de balonmán. Esta muller foi pionera na arbitraxe feminina no balonmán internacional masculino e feminino. Desempeñou labores de delegada para a federación deste deporte dende o 2017 ata o 2020. Aí seguiu constatando a pervivencia de profundos prexuízos e reticencias cara as mulleres e seguiunos denunciando, feito polo que foi cesada do seu posto na Real Federación Española de Balonmán, ao convertirse nunha voz incómoda e reivindicativa.

Contounos o difícil camiño que tivo que facer neste deporte polo simple feito de ser muller. As trabas que tivo que superar nun mundo dominado polo xénero masculino, que se resiste á entrada das mulleres a pesar das repetidas mostras dunha competencia que supera ás veces a moitos dos homes.

O abandono da alta competición deixou un oco no que ningunha muller tomou relevo. As razóns son moitas e variadas, pero todo radica nuns prexuízos que parece que aínda non somos capaces de superar: o rexeitamento do traballo das mulleres nun terreo dominado polos homes polo simple feito de ser muller.

Esta charla forma parte tamén dos programas Inclue-T, EduSaúde e PVAD.

https://www.balonmanoveteranos.com/homenajes-merecidos-5/

Con motivo da celebración do día Internacional das persoas con discapacidade que se celebrará o 3 de decembro, tivemos a ocasión de escoitar as recomendacións de Juan Gutierrez, membro de AESLEME (asociación para o estudo da lesión medular).

A través de videoconferencia, o alumnado de 2º da ESO asistiu a unha charla durante unha sesión lectiva.

Contáronnos a necesidade da prevención cando viaxamos no coche  ou en calquera vehículo e as diversas lesións que pode ocasionarnos unha conducta imprudente, desde traumantismos a lesións irreversibles da médula espinal.Ademais Juan, o ponente, compartiu a súa experiencia como lesionado e a particularidade da cadeira de rodas.

Un ano máis continuamos co proxecto "apuntámonos a non beber". Esta iniciativa está enfocada especialmente para o alumnado de 3º e 4º da ESO.

O programa consiste en desenvolver un proxecto relacionado coa prevención do consumo do alcohol en persoas menores de idade e o atraso da idade de inicio no seu consumo.

O consumo de alcohol provoca cambios físicos e mentais e, ademais pode desenvolver dependencia e tolerancia.

O sistema nervioso das persoas menores é moi sensible ao consumo de bebidas alcohólicas, e o seu consumo en atracón ten consecuencias negativas para o funcionamento e maduración cerebral, ademais de asociarse a unha maior incidencia de lesións, accidentes e prácticas sexuais de risco.

Entre outras razóns, numerosos estudios científicos relacionan o consumo de alcohol cun maior risco de padecer diversas patoloxías do fígado.

Se nos preguntamos canto alcohol pódese consumir de forma segura para manter unha boa saúde xeral e a do fígado en particular a resposta é só unha: cero. 

A OMS lembra que calquera consumo, por mínimo que sexa, implica un risco.

Bos días:

Nas próximas semanas todo o alumnado de la ESO realizará as probas DAFIS (datos de actividade física saudable).

Valorarase a condición física do alumnado relacionada coa saúde. Constitúe un análise das necesidades de actividade física para unha posterior intervención.

Entre os obxectivos están loitar contra o sedentarismo, o sobrepeso e a obesidade; mellorar a saúde dos nosos escolares establecendo modelos de intervención para combater a inactividade física.

As probas poden consultarse na web da consellería: https://dafis.xunta.es/index.php/pruebas-test:

• Composición corporal

• Prensión manual

• Flexibilidade

• Salto horizontal

• Suspensión de brazos

• Velocidade

• Cardiorrespiratorio

O rexistro dos datos están vinculados co SERGAS polo que o centro de saúde poderá consultar esta relevante información para ter unha visión máis ampla dos nosos escolares.

As familias deberán dar o seu consentimento para a subida destes datos. En calquerqa caso dita información será confidencial.

No ano 2018, DAFIS foi seleccionada pola oficina europea da OMS como mellor exemplo de boas prácticas en España para a promoción da actividade física no ámbito escolar.

imaxe

Bos días:

Tras 10 minutos de recollida selectiva de lixo por parte do alumnado de 1º da ESO, este é o resultado:

Máis de 500 cabichas recollidas en diferentes zonas: praia, parque, aceras...

Tras un xesto tan habitual como tirar un cigarro, ocúltase un residuo altamente prexudicial para a nosa contorna. Estes restos coas súas máis de 4000 substancias tóxicas contaminan as nosas augas e poden permanecer ata 12 anos na natureza. Ademais o seu destino final sempre é o mesmo: o mar.

Esta actividade forma parte do Clases sen fume.

Bos días:

Durante unha semana o alumnado de 2º, 3º e 4º da ESO estivo aprendendo técnicas de reanimación cardiopulmonar. A activividade intégrase dentro dun programa máis amplo que pretende difundir a concienciación e a aprendizaxe dos primeiros auxilios en toda Galicia.

Proposta de medidas fronte ao confinamento desde o departamento de EF.

Para afrontar o Plan de ensino virtual a incluír no plan de continxencia do centro poñeranse en práctica as seguintes medidas:

• Horario: manterase o mesmo horario das clases presenciais. O 60% da sesión corresponderá á conexión online e o 40% deixarase para o traballo do alumnado

• Clases virtuais a través de Webex e Falemos

• Tarefas a través de Edixgal (1º, 2º, 3º e 4º da ESO): Cuestionarios, enquisas, traballos, wikis, glosarios. Obradoiros...

• Edixgal: https://eva.edu.xunta.gal/

• Uso constante do correo para resolver dúbidas.

• Contidos a través de diferentes plataformas: genially, youtube, renderforest...

• Rúbricas compartidas para favorecer a autoavalición e a coavaliación.

• Uso de Abalar para manter ás familias informadas.

• Uso da web do centro para aviso das tarefas

• O horario de atención ás familias será o venres de 12.20 a 13.10

• Correo do departamento: dgayoso@edu.xunta.gal

• Horario de atención ás familias: marte de 10.10 a 11.00

Actualmente todas estas accións xa se están poñendo en práctica excepto as videoconferencias por Webex e Falemos.

O alumnado está adestrado no uso de Edixgal e a Aula Virtual.

Propóñense iniciativas constantes para manter a todos os cursos con actividades en rede.

Aínda que a materia é eminentemente práctica, centrada no feito motriz, todas as instrucións sobre a materia: bases teóricas, autoavaliacións, coavalicións, rúbricas de valoracións sobre xestos motrices, traballos.... realízanse necesariamente de forma telemática.

Bos días:

Este ano iniciamos unha nova aventura no centro: O PVDA (proxecto de vida activa e deportiva).

O programa consiste en deseñar, executar e avaliar un proxecto relacionado cos hábitos de vida activa e saudable.

Búscase o incremento diario da actividade física que realiza o alumnado, tanto dentro como fora  do centro.

Medirase o impacto que ten este incremento de actividade física na saúde dos escolares ao longo do curso.

O primeiro paso e recoller e analizar a información relativa á actividade físíca que realiza o noso alumnado. A través da plataforma Edixgal estase a realizar unha enquisa sobre seus os hábitos semanais.

https://www.flickr.com/photos/27456407@N04/