Educación Física
CHARLA AESLEME
Ola:
O alumado de 2º da ESO tivo a ocasión de charlar con Felix, pertencente á asociación AESLEME. O ponente faloulles de educación viaria, prevención de accidentes, pautas de seguridade...
Felix explicou as características das lesións medulares, as súas consecuencias, e de como poden afectar á vida das persoas. Tamén contou a historia do seu accidente e como se recuperou e adaptouse á nova vida.
- blogue de dgayoso
- APIs de Blogue
Xornada na praia de Santa Marta
Ola a todos e todas:
Como conclusión ao curso, todo o alumnado de ESO e 6º de Primaria acudiu á praia de Santa Marta a pasar a mañá. Todo o grupo, agás os alumnos de Belesar, desprazáronse a pé desde o centro escolar ata a praia.
Na procura da inclusión de todos os participantes ofreceuse un amplo abano de xogos.
O bar da praia, tras a súa solicitude, permaneceu aberto a disposición do centro.
Estas foron as actividades propostas:
Actividades tranquilas: cartas, xogos de mesa e petanca.
Actividades dinámicas na area: rugby tag, kinball, voleibol, brilé, ultimate, fútbol, béisbol, pas e spikeball.
Actividades na auga: paddle surf, kayac e nado libre.
O propio alumnado, baixo a supervisión do profesorado, encargouse da organización e xestión dos xogos. Eles mesmos decidían o grao de participación, o tipo de actividade e o tempo de xogo.
A participación foi masiva. O alumnado estivo realizando actividade física durante toda a mañá. O número de conflitos durante os xogos foi practicamente nulo.
Esta actividade forma parte do PVAD (Proxecto de vida activa e deportiva), EduSaúde, Inclue-T, Iguala-T e Convive-T
- blogue de dgayoso
- APIs de Blogue
NOVAS LONAS NO PAVILLÓN DO COVA TERREÑA
Ola a todos:
Xa temos as novas lonas colocadas no noso pavillón.
Tras o paso polo colexio dos deportistas: Aroa Sío, Bernabé Costas e Desirée Vila, queda reflectido nas paredes do pavillón as súas fotos e o palmarés.
Estes tres deportistas visitaron ao alumnado que puido participar nunha charla con preguntas sobre as súas modalidades deportivas.
Esta actividade forma parte do PVAD, EduSaúde, Clases sen Fume, Inclúe-T e Iguala-T.
- blogue de dgayoso
- APIs de Blogue
FLASHMOB NO COVA TERREÑA
Ola a todos:
Con motivo do 50 aniversario do colexio, o alumnado da ESO, especialmente o de 1º da ESO, participou nunha acción sorpresiva, organizada e grupal onde representaban un baile previamente aprendido, esta é a esencia do flashmob.
Catro alumnos sen previo aviso comenzaron a bailar e pasados uns segundos os que estaban ao redor foron sumándose á coreografía. O alumnado de primaria que nese momento estaba no patio foron os espectadores.
Esta actividade forma parte de varios proxectos: PVAD (proxecto de vida activa e deportiva), EduSaúde, Convive-T, Iguala-T e Inclúe-T.
- blogue de dgayoso
- APIs de Blogue
Saúde na semana da ciencia
O departamento de Educación Física promoverá varias iniciativas durante a Semana da Ciencia.
- Enquisa sobre a actividade física diaria e a importancia que o alumnado lle outorga a este hábito
- Exposición dos datos xerais das probas DAFIS que correlacionan os parámetros antropométricos e funcionais coa saúde.
- Baremo de saúde. O alumnado poderá facer unha estimación do seu nivel de saúde a través de dous elementos esenciais: a dieta e o exercicio físico regular.
- Actuación no caso dunha parada cardíaca. Compártese o algoritmo de SVB (soporte vital básico) que o alumnado da ESO practicou durante a semana do RCP. Este elemento serve de complemento á exposición sobre enfermidades cardíacas que expón o departamento de Bioloxía.
- blogue de dgayoso
- APIs de Blogue
VISITA DE DESIRÉE VILA
Hoxe, o alumnado de 1º da ESO, tivo o pracer de escoitar a Desirée Vila. Deunos unha lección de vida e contounos a súa traxectoria como deportista desde a ximnasia acrobática ate o atletismo. Nesta última disciplina participou nos derradeiros Xogos Paralímpicos de Tokio.
Firmounos un exemplar do seu libro como agasallo para a biblioteca.
Esta actividade forma parte do PVAD, EduSaúde, Inclúe-T, Iguala-T.
- blogue de dgayoso
- APIs de Blogue
Carreira de orientación
Hoxe, martes 7 de Marzo, o alumnado de 2º da ESO participou no campionato provincial do sur de Pontevedra.
A modalidade de carreira era Score, onde o alumnado tiña que atopar o maior número de balizas no menor tempo posible.
Participaron moitos centros da zona e o ambiente festivo foi un aliciente para todos.
Esta actividade forma parte do PVAD, EduSaúde, Inclúe-T, Concive-T, Iguala-T.
- blogue de dgayoso
- APIs de Blogue
Sáida a Pontevedra
O alumnado de 4º da ESO disfrutou este xoves, 9 de febreiro, dunha xornada de escalada nas instalacións municipais de Pontevedra (Pavillón multiusos da Xunqueira).
Tras unhas semanas de adestramento sobre o manexo de material, estes alumnos foron quen de desenvolver a actividade con autonomía baixo a supervisión do profesor.
A actividade puido levarse a cabo gracias á colaboración do Museo de Pontevedra, a deputación, o IMD (instituto municipal de deportes de Pontevedra) e o club de montañeiros de Pontevedra, que alugounos o material para dita práctica.
Esta saída forma parte do programa EduSaúde e o PVAD (proxecto de vida activa e deportiva)
A actividade complementouse cunha visita á exposición permanente de Castelao no museo de Pontevedra. As dúas actividades foron organizadas polos departamentos de Lingua Galega e Educación Física.
- blogue de dgayoso
- APIs de Blogue
CHARLA "CLASES SEN FUME"
Ola:
O 2 de febreiro visitounos un equipo sanitario do SERGAS para impartir unha charla informativa ao alumnado de 1º da ESO sobre os perigos da adicción ao tabaco.
Explicaron como actúa a nicotina, o alquitrán e o monóxido dfe carbono no corpo, o xeito que ten o corpo de reccionar ante unha sustancia tóxica e as consecuencias no futuro. Tamén trataron este problema desde o punto de vista empresarial e as campañas que leva facendo a industria tabaqueira ao longo dos anos.
Ao final da sesión a médica intervinte ofreceu a posibilidade de facer unha cooximertría para valorar a cantidade de CO expeirado.
Esta charla forma parte do programa clases sen fume e do programa EduSaúde.
- blogue de dgayoso
- APIs de Blogue
Xogos para a convivencia
O xoves 22 de decembro o alumnado de 1º, 2º e 3º da ESO participou nunhas xornadas de promoción da actividade física.
A actividade celebrouse entre as 8.30 e as 11.00. O alumnado formou grupos de 4 persoas. O obxectivo era interactuar cos outros grupos. Cada xogo constaba dunhas normas básicas que os participantes podían ampliar e pactar. Tiñan ata 34 xogos para participar.
A idea inicial asentábase na formación de grupos mixtos, a interacción co maior número de grupos posibles e a realización de actividade física de intensa a moderada.
Esta iniciativa englóbase dentro do plan de convivencia, o PVAD, EduSaúde, Inclúe-T, Convíve-T e Iguala-T.
- blogue de dgayoso
- APIs de Blogue
Encontro con Berni Costas
Ola a todos:
O mércores visitou o centro Bernabé Costas (Berni). O alumnado de 2º da ESO e de 3º Ed.Primaria mantivo con el unha charla distendida sobre o baloncesto en cadeira de rodas: as súas peculiaridades, a difusión do deporte, os seus valores...
Berni participou na Olimpada de Londres 2012 e xogou moitos anos ao baloncesto no Barcelona e no AMFIV.
- blogue de dgayoso
- APIs de Blogue
PROGRAMA RCP NA AULA
Bos días:
Durante esta semana o alumnado de 2º, 3º e 4º da ESO aprenderá as técnicas básicas de reanimación cardiopulmonar. A activividade intégrase dentro dun programa máis amplo que pretende difundir a concienciación e a aprendizaxe dos primeiros auxilios en toda Galicia.
A conclusión deste proxecto remata en 4º da ESO coa entrega dos diplomas ao alumnado que se gradúa.
- blogue de dgayoso
- APIs de Blogue
PROBAS DAFIS
Bos días:
Estes días estamos a rematar as probas DAFIS (datos de actividade física saudable) entre todo o alumnado de la ESO. A experiencia comezou o curso pasado.
As probas valoran a condición física do alumnado relacionada coa saúde. Esta intervención constitúe un análise das necesidades de actividade física para unha posterior intervención.
Entre os obxectivos están loitar contra o sedentarismo, o sobrepeso e a obesidade; mellorar a saúde dos nosos escolares establecendo modelos de intervención para combater a inactividade física.
As probas poden consultarse na web da consellería: https://dafis.xunta.es/index.php/pruebas-test:
O rexistro dos datos están vinculados co SERGAS polo que o centro de saúde poderá consultar esta relevante información para ter unha visión máis ampla dos nosos escolares.
As familias deberán dar o seu consentimento para a subida destes datos. En calquerqa caso dita información será confidencial.
No ano 2018, DAFIS foi seleccionada pola oficina europea da OMS como mellor exemplo de boas prácticas en España para a promoción da actividade física no ámbito escolar.
- blogue de dgayoso
- APIs de Blogue
OBRADOIRO DE XADREZ
Ola:
Esta semana o alumnado de 4º, 5º e 6º de primaria iniciouse no xogo do xadrez. Guillermo Penas foi o instructor que acompañou a todo o alumnado durante os dous días que durou a actividade.
- blogue de dgayoso
- APIs de Blogue
VISITA AO ESTEIRO DA FOZ
Bos días:
Durante os días 10 e 11 de novembro o alumnado de 1º da ESO fixo unha andaina polos arredores da comarca do Val Miñor. Coñeceron a flora e a fauna do lugar. Visitaron o Esteiro da Foz, a praia de a Ladeira e o paseo ata a Ramallosa.
Manolo. o noso biólogo de referencia, fixo as delicias dos escolares entreténdoos cun feixe de anécdotas e datos sobre a o noso patrimonio biolóxico e os usos que debemos facer para conservar esta diversidade.
A actividade forma parte dos departamentos de Bioloxía e Xeoloxía e Educación Física.
Tamén forma parte dos programas: Clases sen Fume, EduSaúde e o Proxecto de Vida Activa e Deportiva.
- blogue de dgayoso
- APIs de Blogue
OBRADOIRO DE FÚTBOL GAÉLICO
Bos días
A semana do 7 ao 11 de novembro o alumnado de 1º e 2º da ESO puido disfrutar de dúas sesións de iniciación ao fútbol gaélico. Esta actividade desenvolveuse durante as sesións de educación física.
O proxecto gaélico-escolas adícase a difundir este deporte entre os escolares
A actividade forma parte do programa EduSaúde, PVAD (proxecto de vida activa e deportiva), do programa Inclue-T, iguala-T e Convive-T
- blogue de dgayoso
- APIs de Blogue
CHARLA DE AROA SÍO
Ola:
Hoxe recibimos no noso centro a Aroa Sío, unha atleta de ultratrail (carreiras de máis de 100km) que veu a compartir unha hstoria vital. Aroa tivo unha adicción ao tabaco durante 20 anos. Un día o deporte fíxolle ver como estaba maltratando o seu corpo cunha sustancia que non lle reportaba nada, pero que estaba danándolle a saúde. A súa resposta foi abandonar o tabaquismo e dedicarse de forma profesional ás carreiras de montaña.
Esta actividade forma parte de varios proxectos de centro: Inclúe-T, Iguala-T, Edusaúde, Patios escolares, PVAD, Clases sen fume.
- blogue de dgayoso
- APIs de Blogue
ACTIVIDADES FÍSICO-DEPORTIVAS DURANTE O RECREO
Estas son algunhas das actividades físicas que o alumnado de secundaria está a practicar nos recreos: voleibol, badminton, tenis de mesa, fútbol, palas, baloncesto, saltos á comba, spikeball... e moitos máis. O propio alumnado poderá facer propostas, as súas inquedanzas serán escoitadas e tidas en conta por este departamento.
Esta actividade forma parte dos seguintes programas: PVAD (proxecto de vida activa e deportiva), EduSaúde; proxecto Terra (o patio escolar construíndo un espazo de convivencia en conxunto), Inclue-T e Iguala-T
- blogue de dgayoso
- APIs de Blogue
UNHA MAÑÁ NA PRAIA
Ola a todos:
Como benvida ao novo curso, o alumnado da ESO acudiu á praia de Santa Marta a pasar a mañá. Todo o grupo agás o alumnado de Belesar desprazáronse a pé desde o centro escolar ata a praia e ao rematar a xornada fixeron o camiño inverso.
Na procura da inclusión de todos os participantes ofreceuse un amplo abano de xogos.
O bar da praia, tras a súa solicitude por parte da dirección do centro, permaneceu aberto a disposición do centro.
Estas foron as actividades propostas:
Actividades tranquilas: cartas, xogos de mesa, petanca, debates filosóficos.
Actividades dinámicas na area: rugby, kinball, voleibol, brilé, ultimate, fútbol, beisbol, palas, spikeball.
Actividades na auga: baño libre, paddle surf e kayak
O propio alumnado baixo a supervisión do profesorado encargouse da organización e xestión dos xogos. Eles mesmos decidiron o grado de implicación, o tipo de actividade e o tempo de xogo.
A participación foi masiva. O alumnado estivo realizando actividade física durante toda a mañá. O número de conflitos durante os xogos foi prácticamente nulo.
Esta actividade forma parte do PVAD (proxecto de vida activa e deportiva), EduSaúde e Inclue-T.
Un saúdo a todos e benvidos a un novo curso
- blogue de dgayoso
- APIs de Blogue
XORNADA NA PRAIA
Ola a todos:
Como conclusión ao curso, todo o alumnado da ESO acudiu á praia de Santa Marta a pasar a mañá. Todo o grupo agás os alumnos de Belesar desprazáronse a pé desde o centro escolar ata a praia.
Na procura da inclusión de todos os participantes ofreceuse un amplo abano de xogos.
O bar da praia, tras a súa solicitude, permaneceu aberto a disposición do centro.
Estas foron as actividades propostas:
Actividades tranquilas: cartas, xogos de mesa, petanca.
Actividades dinámicas na area: rugby tag, kinball, voleibol, brilé, ultimate, fútbol, beisbol, palas, spikeball.
Actividades na auga: paddle surf, kayac.
O propio alumnado baixo a supervisión do profesorado encargouse da organización e xestión dos xogos. Eles mesmos decidían o grado de participación, o tipo de actividade e o tempo de xogo.
A participación foi masiva. O alumnado estivo realizando actividade física durante toda a mañá. O número de conflitos durante os xogos foi prácticamente nulo.
Esta actividade forma parte do PVAD (proxecto de vida activa e deportiva), EduSaúde e Inclue-T.
- blogue de dgayoso
- APIs de Blogue
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- seguinte ›
- última »
![RSS - Educación Física Distribuir contido](/centros/cpicovaterrena/misc/feed.png)