CEIP VISTAHERMOSA | Benvidos á páxina web do centro.

TECENDO REDES

Dom, 2024-05-05 11:06 — salial

POLOS CREATIVOS.

Esta actividade é unha homenaxe ás REDEIRAS, unha profesión tradicionalmente feminina en Galicia.

Na aula de Plástica creamos un pequeno tear para que o alumnado de 6º practicara cun punto básico de tecido e creara unha peza de decoraciónde de parede para fotos, notas, colares... (Fai click na imaxe para ver as diapositivas)

MENÚ MAIO

Xov, 2024-05-02 09:20 — cris

TOCA NA IMAXE PARA AMPLIAR

Teatro Pingüín

Lun, 2024-04-29 13:20 — cris

Hoxe desprazouse ao Auditorio o alumnado e as mestras de EI para desfrutar da representación "Pingüín".

Obra premiada ao mellor espectáculo no World Arto Festival of Puppets de Praga en 2004 e Premio á mellor proposta dramática na Fira de Titelles de Lleida no ano 2000.

Esta obra aborda o tema da difícil situación á que se enfrenta un neno cando ten que compartir o cariño e a atención da súa familia cun novo irmán que chega. O noso "príncipe destronado" deberá superar esta proba dándose conta de que gañou unha amizade para toda a vida.

Aprender a compartir e madurar coma persoas.

Proxecto ENKI

Lun, 2024-04-29 10:48 — cris

Aquí un pequeno resumo das actividades realizadas a través do proxecto ENKI:

- Xornada de deporte e inclusión realizada o día 11 de marzo co alumnado de 5º e 6º de Primaria.

- Dinamización e realización dun mural no patio do centro co alfabeto da lingua de signos no que participou todo o alumnado (22 de abril).

Experiencias que nos fan empatizar, coñecer, convivir, integrar e incluír.

DÍA DO LIBRO

Ven, 2024-04-26 17:25 — salial

Ao longo deste mes para conmemorar o "Día do Libro", fomos realizando actividades relacionadas coa lectura, o xogo e a creatividade.

- XOGO DO TRIVIAL: "O gato con botas"

Os gatos móvense polo taboleiro contestando preguntas para conseguir a capa, o sombreiro e as botas.

- PERSONAXES DE CONTOS SAÍDOS DA PLASTILINA e inspirados en: Contos de plastilina "Hansel e Gretel".

- HISTORIAS ENCADEADAS:

Os participantes enlazan as oracións, parágrafos e así forman Historias Encadeadas.

- OCA 1, 2, 3 ... A INVENTAR OUTRA VEZ.

Cada xogador/a vai anotando as palabras por onde vai avanzando no taboleiro, combinando esas palabras narrará unha breve historia.

- APADRIÑAMENTO LECTOR:

Un ano máis os maiores do cole fixeron de padriños e madriñas lectoras dos máis pequenos.

- VISITA DA DOUTORA CECILIA

Tódolos anos polo "Día do libro" a Dra. Cecilia, visita ás aulas de 4º, 5º e 6º de infantil, co fin de comprobar a saúde da biblioteca de aula. Este ano conseguiron o certificado - CORAZÓN VERDE BRILLANTE- Iso significa que aos nenos/as de infantil lles gustan os libros e coidan deles. Tamén lles puxo unha vacina para que o encargado/a do día se acorde de ordenar a bilbioteca.

- O MEU LIBRO FAVORITO

Os nenos/as de infantil ilustraron o seu conto favorito

- RETO: CANTOS CONTOS COÑECES TI?

Na entrada da biblioteca tes un reto sinxelo se queres conseguir un libro, só tes que escribir os títulos de contos que aparecen no panel, poñer o teu nome, o curso e entregalo á coordinadora da Biblioteca. ANÍMATE!!

- A BIBLIOTECA ESCOLAR ... Espazo para Ler, Xogar e Crear.

Os nenos/as de infantil desfrutaron dunha sesión de xogos na biblioteca.

FELIZ DÍA DO LIBRO!

...Ler máis

PRESENTACIÓN DO LIBRO "A NENA E O AVÓ"

Lun, 2024-04-22 18:18 — salial

Día do Libro

Briana, alumna da clase de 1º de EP, é a protagonista do conto musicado "A nena e o avó". Con motivo do día do libro presentounos o conto e compartimos unha das cancións incluídas no libro. Fai click na imaxe para escoitar a canción.

A autora Carmen Calleja nun momento da lectura do conto que tivo lugar no CC Ponte Vella da cidade.

A nena e o avó

conto

Tedes á vosa disposición, na biblio do centro, o conto musicado "A nena e o avó", onde Briana e o seu avó nos descubren un mundo máxico cheo de trasnos, meniñeiros, nubeiros....

BECAS DO CONCELLO DE OURENSE

Ven, 2024-04-19 13:23 — cris

O Concello de Ourense abre o prazo para que as familias poidan solicitar axudas para a adquirir libros de texto e material escolar e para comedores escolares para o curso 2024/25.

O prazo de presentación das solicitudes no Concello é do 22 de abril ao 13 de maio de 2024.

Establécense dúas liñas de axudas:

Axudas de libros e de material escolar de nenos/as matriculadas en 4º, 5º ou 6º curso de Educación Infantil, a axuda será de 110 €/mes.
Axudas de comedor, dirixidas a nenos/as matriculadas en Educación Infantil, Primaria ou ESO. Esta será de ata 90 €/mes.

Para calquer dúbida podedes contactar con nº 988 686 437

Podedes recoller os Anexos no centro escolar.

Tríptico:

ANEXOS

VERBATECA- LABORATORIO DE PALABRAS

Xov, 2024-04-18 12:57 — cris

Esta actividade forma parte do programa educativo do concello de Ourense, realizada no noso centro para nenos/as de infantil.

Xogando, traballouse a observación, memoria, expresión oral e corporal, coordinación e coñecemento de palabras da nosa lingua sobre diferentes temáticas...

Esta actividade ten como obxectivos:

Potenciar o traballo en equipo.

Aumentar o vocabulario.

Crear unha comunicación afectiva e directa na que os alumnos e alumnas participen activamente.

Manter unha boa actitude de escoita.

Motivar á lectura por medio da oralidade.

Fomentar a imaxinación e a creatividade.

Base contraincendios de Toén

Sáb, 2024-04-13 08:53 — Anónimo

Visita á base de helicópteros

Bo día familias, déixovos por aquí un pequeno resumo dos bos momentos que vivimos na saída do venres.

Podedes descargar a presentación no ficheiro adxunto

Hixiene bucodental 4º

Mér, 2024-04-10 10:22 — cris

O pasado 5 de abril o alumnado de 4º de Primaria recibiu a visita do hixienista dental do noso centro de saúde de referencia para realizar un OBRADOIRO DE HIXIENE BUCODENTAL, onde aprenderon sobre os bos hábitos e o coidado dos seus dentes.