Festas tradicionais

MAGOSTO 2024

Lun, 2024-11-11 21:26 — cris

O venres celebramos o magosto no CEIP Vistahermosa.

A media mañá todo o alumnado participou nun circuito de xogos populares (pano, paracaídas, sacos, sogatira, pato-ganso, encesta castaña, comba, zancos, chave e bolos). Para elo formáronse nove equipos de diferentes cores compostos por nenos e nenas de todos os cursos. Unha experiencia moi bonita na que os maiores afrontan responsabilidades e os máis pequenos fan novas amizades.

Por suposto, ao rematar a xornada degustamos uns sabrosos bolos preñados e unhas riquísimas castañas.

Moitas grazas a todas e todos pola colaboración.

Deixamos aquí un pequeno resumo en imaxes.

OS MAIOS

Dom, 2024-05-05 16:03 — salial

A Festa dos Maios anuncia a chegada da primavera e das flores.

O noso Maio é unha armazón cuberta por unha rede, continuando coa proposta de Polos Creativos Tecendo Redes. Nazaret, Saúl, Olivia e Alicia son xa uns expertxs redeirxs. Adornámolo con flores feitas de material de reciclaxe.

Nas Coplas, os temas máis empregada son: o cole e os xogos do recreo, a tecnoloxía e o medio ambiente.

ENTROIDO 2024

Mér, 2024-02-14 17:22 — cris

Xa remata o Entroido e aquí deixamos un pequeno resumo do que aconteceu no CEIP Vistahermosa.

Grazas a todas e todos pola implicación.

RECORDOS DO NADAL

Dom, 2024-01-07 19:32 — cris

Mañá xa voltamos ao cole, pero non queriamos deixar de publicar uns pequenos recordos do que foi o último día do 1º trimestre:

- Visita de Papá Noel e entrega de agasallos.

- Música, baile e actuacións no interior do cole ao longo da mañá.

- Saída á cancha para a entrega de premios do V Concurso de Tarxetas de Nadal ornanizado pola ANPA.

- Bailes grupais no exterior.

Moitas grazas ao Concello e á ANPA por colaborar para que este día fose inesquecible.

5º CONCURSO DE TARXETAS DE NADAL ANPA

Lun, 2023-12-11 10:43 — cris

O alumnado do CEIP Vistahermosa xa está mans a obra co tradicional Concurso de Tarxetas de Nadal organizado pola ANPA.

Trátase dunha actividade voluntaria que se realizará NO COLEXIO para que todas e todos conten coa mesma axuda e materiais.

O resultado de todo este traballo exporase nos "tendedeiros" do hall da entrada e formará parte da decoración e ambientación navideña do centro.

ANIMADE ÁS NENAS E NENOS A PARTICIPAR!!!

O Equipo de Actividades Extraescolares e Mar déronlle un novo uso ao material de reciclaxe e conseguiron unha auténtica e única decoración de Nadal.

Con diferentes caixas de cartón construíron o trineo, os renos, a cheminea pola que baixará Papá Noel e o peto dos desexos onde as nenas e os nenos depositarán as súas cartas nestes días.

Quedou así de espectacular e quen entra, contáxiase da alegría e do Espírito do Nadal.

Tamén as portas se están engalanando para a ocasión, utilizando bolsas de papel para facer "camisetas" de Elfo e Papá Noel, tubos de cartón para as figuriñas da entrada, periódicos e bolas de papel, caixas de cartón...

MAGOSTO 2023

Mar, 2023-11-14 19:33 — cris

O pasado venres disfrutamos dunha estupenda xornada de magosto.

- Circuito de Xogos Populares (pano, sogatira, comba, zancos, chave, carreiras de sacos...) En equipos formados por nenas e nenos de todos os cursos, favorecendo a responsabilidade nos maiores e a socialización e autonomía nos pequenos.

- Manualidades: cestiños de castañas.

- Comida tradicional: bolos preñados e castañas.

Velaquí unha pequena mostra do acontecido.

CARREIRA DE SAN MARTIÑO

Lun, 2023-11-13 22:36 — cris

Gran representación do CEIP Vistahermosa na XLVI Carreira Pedestre Popular do San Martiño.

Os máis maiores levaron xa a semana pasada unha camiseta conmemorativa de agasallo pola súa participación.

Pero hoxe foi o día dos máis pequenos e pequenas, que recibiron a súa medalla polo gran esforzo realizado.

Noraboa a todos e todas!!

(Tocade na imaxe para ampliar)

DÍA DE SAMAÍN

Xov, 2023-11-02 14:29 — cris

Intenso día de SAMAÍN con moitas actividades:

- Tradicional exposición de cabazas con lema en galego

- Obradoiros terroríficos de receitas, maquillaxe e manualidades

- Desfile, baile e entrega de agasallos do concurso de debuxos e historias organizado pola ANPA

Moitas grazas a toda a comunidade educativa pola colaboración para que este día fose tan "horripilante"

A CONTAR NO SAMAÍN

Mar, 2023-10-31 11:54 — salial

1, 2, 3... A contar no Samaín

Esta actividade plástica e visual, intégrase no PDI do centro "Un, dous, tres... a contar outra vez". O alumnado de 6º EP, elixiu un personaxe dos recursos documentais da biblioteca escolar (libros, vídeos, revistas, xogos ...) e converteuno nun ser tenebroso do Samaín

A Carapuchiña Vermella, o Gato de Chesire de Alicia, O Gato con Botas, Vítor Van Dort... personaxes fantásticos vestidos e maquillados para dar moito medo.