Biblioteca online

Campaña electoral e eleccións EEUU

Mér, 2024-11-06 00:00 — cris

A temática do PLAMBE deste ano é "PEQUEMUNDI" na que cada curso escolleu unha cultura (país ou continente) co que traballar.

6º de Primaria decidiuse por traballar e descubrir EEUU. Por este motivo o pasado 5 e novembro celebráronse as eleccións, previa campaña electoral a 4º e 5º de Primaria.

Unha actividade moi divertida na que traballaron os diferentes organismos, procedemetos electorais, linguaxe oral e escrita, recontos e porcentaxes, expresión corporal, caracterización, debates....e lle brindaron aos outros cursos a posibilidade de entender este proceso a través da práctica.

Pica na imaxe para ver máis

DÍA DAS BIBLIOTECAS

Mér, 2024-10-23 23:00 — cris

Celebramos o DÍA DAS BIBLIOTECAS, cunha actividade na biblioteca: Encontros coa autora

O alumnado de 5º, 6ª de infantil e 1º de primaria, xuntáronse con Elena Andrés, escritora e ilustradora do libro "VOU", Para facer unha lectura do libro e ilustración dos personaxes.

Contounos que...

Xan e os seus amigos quedan todas as tardes no parque. Hoxe van xogar aos agochos e tócalle a el poñerse a buscar. Sempre me toca contar a min? Tarde piaches, Xan! Conseguirá dar co agocho de cada un dos seus amigos? A ver se desta atopas a alguén!

Obradoiro de escrituras antigas

Mar, 2024-10-08 11:20 — cris

As rapazas e rapaces de 2º, 3º,4º e 5º de Primaria participaron nun obradoiro de escritura antiga, neste caso exipcia, romana e grega. Para elo utilizaron materiais especializados como a caña e o pergamino.

Actividade encaixada na temática do Plambe deste ano "Pequemundi", que xira arredor das diferentes culturas actuais e antigas.

Teatro Escolar

Xov, 2024-05-16 12:01 — cris

Para conmemorar o día das "LETRAS GALEGAS", o club de lectura "Páxinas en branco" de 5º de primaria, representou para todo o colexio a obra de teatro: A VENDEDORA DE PALABRAS de Raquel Castro Martínez.

23 DE ABRIL, DÍA DO LIBRO

Ven, 2024-04-26 10:33 — cris

Ao longo deste mes para conmemorar o "Día do Libro", fomos realizando actividades relacionadas coa lectura, o xogo e a creatividade.

- XOGO TRIVIAL DUN CONTO TRADICIONAL: "O gato con botas"

Os gatos móvense polo taboleiro contestando preguntas para conseguir a capa, o sombreiro e as botas.

- PERSONAXES DE CONTOS SAÍDOS DA PLASTILINA e inspirados en: Cuentos de plastilina "Hansel y Gretel".

- OCA 1, 2, 3 ... A INVENTAR OUTRA VEZ.

Cada xogador/a vai anotando as palabras por onde vai avanzando no taboleiro, combinando esas palabras narrará unha breve historia.

- HISTORIAS ENCADEADAS

Os participantes enlazan as oracións, parágrafos e asi forman Historias Encadeadas.

- APADRIÑAMENTO LECTOR:

Un ano máis os maiores do cole fixeron de padriños e madriñas lectoras dos máis pequenos.

VISITA DA DOUTORA CECILIA

Tódolos anos polo "Día do libro" a Dra. Cecilia, visita as aulas de 4º, 5º e 6º de infantil, co fin de comprobar a saúde da biblioteca de aula. Este ano conseguiron o certificado - CORAZÓN VERDE BRILLANTE- Iso significa que aos nenos/as de infantil lles gustan os libros e coidan deles. Tamén lles puxo unha vacina para que o encargado/a do día se acorde de ordenar a bilbioteca.

- O MEU LIBRO FAVORITO

Así ilustraron os neno/as de infantil o seu conto favorito

- RETO: CANTOS CONTOS COÑECES TI?

Na entrada da biblioteca tes un reto sinxelo se queres conseguir un libro, só tes que escribir os títulos de contos que aparecen no panel, poñer o teu nome, o curso e entregalo á coordinadora da Biblioteca. ANÍMATE!!

- A BIBLIOTECA ESCOLAR ... Espazo para ler, xogar e crear.

Os nenos/as de infantil desfrutaron dunha sesión de xogos na biblioteca

FELIZ DÍA DO LIBRO!

ENCONTROS COA ESCRITORA

Mar, 2023-12-12 11:47 — cris

Hoxe visitounos a escritora de libro infantil e ilustradora Estefanía Padulles.

Contounos á vez que debuxaba: "Leopoldo, o pequeno monstro" e "A manchas ou a raias?"

DÍA DO LIBRO

Ven, 2023-04-21 19:53 — cris

Hoxe recuperamos despois de varios anos o "APADRIÑAMENTO LECTOR" no que as e os maiores do colexio lle leron uns contos as nenas e nenos máis pequenos. As lectoras e lectores ocupáronse de ir buscar aos seus pequenos, saír a un recuncho do patio e pasar un rato lendo, imaxinando e intercambiando contos.

Unha actividade ca que se trata de fomentar o gusto pola lectura, a responsabilidade, a integración e inclusión, o respecto, a cooperación, a socializacion, etc.