TOCADE NA IMAXE PARA AMPLIAR

O mércores 24 de xaneiro ás rapazas e rapaces de 1º de Primaria recibiron a visita da nutricionista do Centro de Saúde para realizar a actividade "Garavanciño come saniño".

Tratouse dunha charla e obradoiro de xogos didácticos nos que traballaron a pirámide dos alimentos e a dieta equilibrada.

Toca na imaxe para acceder á galería.

O pasado sábado 13 de xaneiro celebrouse o Campionato Galego de Cros Escolar no Circuíto A Veronza, en Ribadavia. Unha cita á que asisten as mellores marcas de Galicia, os clasificados das catro provincias, e o CEIP Vistahermosa estivo presente.

Laura González (5º de Primaria) sorprendeunos no Campionato Provincial ca súa impresionante marca que a fixo pasar directamente á fase Galega. Como non podía ser doutra maneira, neste caso, tamén fixo unha carreira estupenda, estando ao nivel das mellores corredoras galegas que adestran nos diferentes clubes da comunidade.

Noraboa Laura!!!

E moitas grazas á familia polo voso tempo e implicación.

Mañá xa voltamos ao cole, pero non queriamos deixar de publicar uns pequenos recordos do que foi o último día do 1º trimestre:

- Visita de Papá Noel e entrega de agasallos.

- Música, baile e actuacións no interior do cole ao longo da mañá.

- Saída á cancha para a entrega de premios do V Concurso de Tarxetas de Nadal ornanizado pola ANPA.

- Bailes grupais no exterior.

Moitas grazas ao Concello e á ANPA por colaborar para que este día fose inesquecible.