CEIP VISTAHERMOSA | Benvidos á páxina web do centro.

O ALUMNADO DO COLE BAILA COS DO IES O COUTO

Dom, 2024-06-09 12:58 — salial

O alumnado de primaria do CEIP VISTAHERMOSA, fai un cameo nesta gravación musical co IES O Couto.

A letra é do alumnado de 3º da ESO, a coordinación do proxecto e a montaxe do vídeo é de Olalla Núñez Deza, profesora de música do instituto.

Resulta entrañable e motivador ver no vídeo a distintas xeracións bailando xuntxs.

Música: Cruisin' for a Bruisin' Ross Lynch, Jason Evigan, Grace Phipps

SAÍDA CASTRELO 5º

Mar, 2024-06-04 16:18 — cris

Hoxe o alumnado de 5º marchou de excursión de fin de curso a Castrelo de Miño.

Practicaron diferentes actividades acuáticas: Hidropedal, barco dragón, paddle surf.... comeron xuntos e desfrutaron con diferentes xogos.

Un día completo que esperamos que quede no recordo das rapazas e rapaces.

CONCILIA VERÁN CONCELLO DE OURENSE

Lun, 2024-06-03 13:53 — cris

MÁIS INFORMACIÓN NOS ARQUIVOS ADXUNTOS OU NA PÁXINA DE EDUCACIÓN DO CONCELLO DE OURENSE

XOGOS, RITMOS E DANZAS NA PRAZA MAIOR

Mér, 2024-05-29 16:50 — salial

A maxia de aprender xogando

Este mércores o alumnado de 4º de EP participou nunha Xornada divertida compartindo con outros colexios da provincia música, ritmos e diversión.

Arredor de 200 nenas e nenos desfrutaron de dúas horas de xogos musicais, de percusión e danzas organizadas polas súas mestras e mestres de música. Estes son algúns fragmentos con diferentes propostas rítmicas da xornada:

Xornada Musical

Batucada

Can Can de Offenbach

Danza Rusa de Tchaikovsky

Galería de Imaxes da xornada

Esta actividade estivo organizada e dinamizada polo profesorado de música participante no Seminario de FP sobre recursos musicais, subvencionada polo Centro de Formación e Recursos e contou coa colaboración da Área de Educación do Concello.

VISITA AOS MUSEOS DA CORUÑA

Mér, 2024-05-22 13:24 — cris

Hoxe o alumnado de 5º e 6º de Primaria marchou á primeira hora da mañá á Coruña para visitar a Casa das Ciencias, o Planetario, o Acuario e a Torre de Hércules.

Aprendemos unha chea de cousas: que os dinosaurios non se extinguiron, experimentamos coa física sobre todo cos péndulos, co son, descubrimos o electromagnetismo. No acuario desfrutamos enormemente e descubrimos moitas cousas sobre as focas, os tiburóns, o ajolote, as anémonas, as sepias...

Galería de imaxes

galeria imaxes

Teatro Escolar

Xov, 2024-05-16 12:01 — cris

Para conmemorar o día das "LETRAS GALEGAS", o club de lectura "Páxinas en branco" de 5º de primaria, representou para todo o colexio a obra de teatro: A VENDEDORA DE PALABRAS de Raquel Castro Martínez.

Acto das Letras Galegas

Xov, 2024-05-16 11:12 — cris

Hoxe o alumnado de 3º, 4º, 5º e 6º desprazouse ata a Praza Maior de Ourense para celebrar un acto do día das Letras Galegas organizado polo Concello de Ourense.

Centros como o Mestre Vide, Couto, Luis Vives, Albino Núñez, San Pío, Padre Feijóo e Vistahermosa asistiron a esta actividade.

Un festival na praza Maior onde cada cole cantou, bailou, recitou e interpretou distintas pezas en homenaxe a Luísa Villata. As nosas actuacións:

Presentación de Luísa Villalta

Os Zocos son pra andare. Blues do país

Millo Verde

Muiñeira Armadanzas

Grazas ao Concello de Ourense pola invitación e organización.

PIRAGÜISMO DRAGÓN

Xov, 2024-05-09 14:06 — cris

Onte as rapazas e rapaces de 6º de primaria desprazáronse ata Castrelo de Miño para desfrutar da actividade Piragüismo Dragón, ofertada pola Secretaría de Deportes, enmarcada no programa XOGADE.

Unha xornada onde descubriron unha nova modalidade deportiva e conviviron co alumnado de outros centros educativos.

TOCA NA IMAXE PARA REPRODUCIR.

OS MAIOS

Dom, 2024-05-05 16:03 — salial

A Festa dos Maios anuncia a chegada da primavera e das flores.

O noso Maio é unha armazón cuberta por unha rede, continuando coa proposta de Polos Creativos Tecendo Redes. Nazaret, Saúl, Olivia e Alicia son xa uns expertxs redeirxs. Adornámolo con flores feitas de material de reciclaxe.