No entroido estivemos a traballar con outro robot diferente aos anteriores o Blue Bot, cuio funcionamento e moi similar ao BeeBot,  aínda que conta con máis funcionalidades, permitindo controlar o mesmo dende a tableta.

O alumnado de 6º de Educación Primaria, participou nunha xornada de concienciación medioambiental promovida por Masaveu Industria S.L. Foron os protagonistas da plantación de árbores autóctonas na coñecida como canteira de Rosende.

Preme na seguinte imaxe para poder ver o resto da xornada.

As familias dos nos@s cativ@s sempre están dispostas a formar parte do proceso de ensino-aprendizaxe. Por iso, ao abeiro do programa “Mestres Gandeiros”, acudiron ao centro, con diferentes animais domésticos, que fixeron as delicias dos máis pequenos, e cos que poidemos convivir durante dous días.

Unha das actividades propostas para seguir desenvolvendo o Programa “Mestres gandeiros”, dende as aulas 1,4,5 e 6, aproveitando que estamos inmersos en todo o relacionado co horto, e que serviu a vez, para desenvolver unha das actividades conmemorativas, sinaladas no calendario escolar “1 de abril: Día das Artes Galegas”, as cales son de obrigado cumprimento, foi a realización de cadros con legumes.

E como non podía ser menos, sairon verdadeiras obras.

Todos uns artistas!

Alá polo mes de febreiro comezamos a matinar sobre como montar un horto na escola, ao abeiro do Programa Mestres Gandeiros no que estamos inmersos, e que ao mesmo tempo, gardase relación co PDI sobre Galicia.

Pois ben, pouco a pouco vai collendo forma.

Comprobade como vamos avanzando, nas tarefas de sementar, transplantar, regar, manter o composteiro…, para elo toca na regadeira que a continuación se presenta e verás un montón de imaxes.

Os nen@s da aula 6 estiveron a cociñar con ovos de Paspallás. Están feitos tod@s uns chefs!

 Ao longo da semana previa a Pascua, estivemos a coñecer diferentes tipos de ovos, tendo en conta a súa procedencia animal (ovos de oca, de quica, de galiña, de codorniz...) e características (traballando tamaños, formas, cores...).

E o mellor non é o bonito que é, senón o moito que disfrutan xogando con el. 

 O xoves 21 e o venres 22  de marzo, como unha das actividades do programa "Mestres Gandeiros",  fomos coñecer o funcionamento dunha granxa a Escuadro, a SAT O Chope. Durante a visita comprobamos de primeira man, como muxen, con robot, tocamos os becerros recén nados, démoslle de comer...

Toca na imaxe para poder ver o vídeo do desenvolvemento da actividade.

Unha experiencia moi interesante, grazas aos integrantes da explotación!

 O día 8, seguindo coa conmemoración do Día Internacional da Muller, e como proposta de actividade do programa “Mestres Gandeiros”, invitamos as avoas e mamás dos nosos cativ@s a contarnos a súa  experiencia como agricultoras e gandeiras, comprobando deste xeito o cambio significativo que se produciu co paso do tempo no que a agricultura e gandería se refire. 

As aulas 5 e 6 tiveron a sorte de contar coa avoa de Marta e Aleera, Rosa.

As aulas 4 e 5, contaron coa avoa de Brais, Maruja; e coa mamá de Celia, dúas mulleres de tempos distintos, aínda que unidas por a mesma profesión, a gandería e agricultura.

Este ano no cole estamos inmersos nun centro de interese, como é Galicia, e en Educación Infantil, en relación con este último, no Programa Mestres Gandeiros do Plan Proxecta.

Para elo durante este 8M, fixémoslle numerosos agradecementos a unhas das mulleres máis importantes da nosa vida, as nosas avoas, persoas traballadoras e incansables onde as haxa, moitas delas traballadoras do noso campo galego. 

Así os nen@s do grupo 6 fixeron esta bonita homenaxe as súas propias.

Preme na imaxe para vela.

Durante unha sesión os nen@s puideron desfrutar traballando con un novo amigo, o robot Bee Bot.

A través desta actividade, os pequen@s avanzan en nocións de direccionalidade, conteo, relacións número-cantidade, vocabulario do día a día, orientación espacial… por medio do xogo.

Ainda que ao principio nos resultaba un pouco complexo, ágora xa comezamos a ser expertos.

Os nen@s do grupo 6, ao día seguinte de ir ao Museo do Campo, fixeron flocos de millo; pois durante a asamblea xurdiu unha dúbida, é o mesmo millo que se emprega para alimentar os animais o que se utiliza para facer os flocos do millo?. Despois de indagar, chegaron a conclusión de que non, eran uns grans e unha raza diferentes. Isto permitíulles coñecer os nomes dos diferentes tipos de millo existentes e máis frecuentes na nosa comunidade.

 Outra das actividades posteriores, á visita ao Museo do Campo, foi a realización de pan, no grupo 2 e 3.

Durante a visita adquirimos moitos contidos que descoñecíamos que nos permitiron ampliar os nosos coñecementos previos con respecto a elaboración do pan: de donde podemos obter a fariña, que instrumentos precisamos para transformar a materia prima (trigo, millo, centeo) en productos elaborados...

 Podedes ver como están feitos todos uns panadeiros, ainda que un pouco larpeiros, pois unha vez o pan cocido, untaron a rebanda con crema de cacao… e nin migallas quedaron, todo comido!

 Na sesión semanal que temos de robótica, levamos a cabo a presentación dun novo robot: O ESCORNABOT

A través do xogo, con este recurso, traballamos entre outros aspectos a direccionalidade, a orientación espacial, a lateralidade, a resolución de problemas, a lectura de códigos QR e como non, todo o referente as fases da vendima, coñecendo vocabulario propio deste centro de interese.

Para traballar a figura de Rosalía de Castro, dende a sesiòn semanal de robòtica, e aproveitando que estamos a coñecer un novo robot, “o robot máis pequeno do mundo” como os cativos afirman, pero que en realidade recibe o nome de Ozobot, recorremos o seu nome e a silueta da cara da protagonista, tendo en conta os còdigos de configuraciòn de Ozobot. Xa sabemos que sò camiña por liñas verdes, azuis, negras e vermellas, e que o misturalas o robot realiza diferentes acciòns. A continuación preséntanse as actividades desta xornada, ainda que en vindeiras publicaciòns veremos outras posibilidades de Ozobot.

O alumnado dende 1º a 6º de Primaria, elaborou un colaxe con material de refugallo para participar no concurso da Deputación de Pontevedra "A nosa Rosalía" nas categorías, Campaíñas (1º, 2º e 3º) e Airiños (4º, 5º e 6º), respectivamente.

Algúns dos traballos realizados preséntanse a continuación.

Por outro lado, os pequech@s de Educación Infantil, recitaron fermosos poemas de Rosalía de Castro, e empregaron o Croma para introducir fondos axeitados a recitaxe das poesías. Podedes ver cada un deles premendo nos seguintes enlaces.

https://drive.google.com/file/d/1xXAxKN31qZ6mXQRBpgbV9HKviXle-p1w/view?usp=drive_link

https://youtube.com/watch?v=k99FW4D9JJo&feature=share

https://drive.google.com/file/d/1WYqshtjulx80NZM5-Otsdqt7xRmZQjil/view?usp=drive_link

https://drive.google.com/file/d/19BD9pnksSacQ-iyrEdHjdWmdT6tw3XAE/view?usp=drive_link

https://drive.google.com/file/d/1puq9gc-U5axKK9zqSUPBmXetOGXGAmWM/view?usp=drive_link

O 23 de febreiro celebramos o día de Rosalía, e para conmemoralo, participamos nun obradoiro proposto dende o espazo maker da biblioteca, creando un paper circuit e unha figura en 3D de Rosalía. Así, con luces led, cinta de cobre e pila, demos vida ao seu legado de modo innovador.

O alumnado de Educación Infantil, chegado o Entroido, levou a cabo un obradoiro de chapas, no que os cativ@s elaboraron as mesmas para o seu disfrace de Xenerais do Ulla.