DISTRIBUCIÓN DA BIBLIOTECA

1.  PLANO DA BIBLIOTECA COA REDISTRIBUCIÓN DOS ESPAZOS.

Nos cursos anteriores fíxose unha distribución do espazo moi acertada, ubicando os fondos para os primeiros lectores (3-6 anos) no espazo conxunto á biblioteca e que antes se empregaba como ludoteca, de modo cas dúas zonas están comunicadas por unha porta e, polo tanto, unidas, e os materiais están perfectamente ubicados e separados para o seu fácil uso. Deste modo, os libros para a iniciación á lectura poderán ser collidos facilmente polos/as alumnos/as e están separados do resto para evitar confusións na colocación.

Na parte central continuouse coa ubicación das mesas de lectura e as cadeiras e preto da entrada colocouse o moble-expositor onde se foron colocando as diferentes novidades e volumes temáticos, denominado “Moble de novidades e exposicións”, para que estivera ó alcance de tódolos usuarios.

Existe un moble destinado á organización do traballo de equipo de biblioteca, o cal se dividiu en diferentes espazos destinados ás distintas tarefas: forrado dos libros, rexistro de entrada, rexistro informático, colocación nos estantes… Este moble ademáis tamén ten a finalidade de albergar revistas de diversa índole.

Mantívose a ubicación das dúas mesas cos ordenadores centrais para a catalogación informática dos libros. Os postos de informática seguen a disposición dos mestres e alumnos na xornada de mañán (agás no recreo) e polas tardes de 15:30 horas a 17:30 horas.

2. ETIQUETADO DOS ANDEIS

En base ó traballo laborioso do etiquetado, seguiuse coa clasificación e ordenación dos volumes que quedaban por catalogar e os de nova adquisición.   Tomamos de referencia os códigos da CDU, seleccionando os números máis apropiados en torno ás nosas circunstancias, e organizamos os volumes nos grupos de idade dos lectores atendendo ás seguintes cores de pegatina:

-      Primeiros lectores (3-6 anos): pegatina verde.

-      Lectores de 1º ciclo (7 anos): pegatina fucsia.

-      Lectores de 2º ciclo (8-9 anos): pegatina azul.

-      Lectores de 3º ciclo (10-11 anos): pegatina vermella.