Durante o mes de novembro e, coincidindo coa conmemoración do Día Internacional contra á violencia de Xénero (25 de novembro) a ANPA organizou unha serie de obradoiros para traballar contidos relacionados coa coeducación dentro do programa "Rimando pola igualdade". 

Rimando pola igualdade é un programa que intenta integrar a todos os axentes educativos implicados na comunidade educativa na loita pola erradicación das desigualdades e na sensibilización en materia de igualdade, como canle para a consecución dunha vida plena.

Entendemos que a educación en igualdade é fundamental á hora de previr futuras situacións de violencia e debe comezar desde os primeiros anos de escolarización.

Este proxecto está motivado pola vontade de implicar ao alumnado como axente de cambio. Para todo isto, propoñéronse 3 liñas de actuación: os obradoiros de sensibilización en materia de igualdade, a escola de familias e o encontro aberto de cultura comunitaria, o contacontos Estrafalaria, con Atenea García que terá lugar este venres 24 ás 15.00 no centro sociocultural e que estará aberto a toda a comunidade educativa.

As sesións tiveron lugar entre os días 2 e 17 deste mes. A primeira semana dita actividade estivo destinada ao alumnado de Educación Infantil e, nas sesións sucesivas, Blanca a educadora que levou a cabo dita tarefa, estivo a traballar con Educación Primaria organizando diferentes grupos de traballo.

En Educación Infantil traballou os contidos a través de dous contos: O Monstro Rosa e O teu corpo é teu. O primeiro deles, permite avrir un mundo de posibilidades daquilo que é diferentes, trballando na asunción da diferenza como algo positivo. A través de dinámicas musicais afondamos no coñecemento corporal, e presentamos o conto O teu corpo é teu, que permite comezar a traballar o coñecemento corporal, os límites e o consentimento dende idades temperás.

Con 1º e 2º ciclo de xeito lúdico e participativo, afondamos na cuestión dos esteriotipos e roles de xénero. A través de varios obxectos inspiradores, o alumnado en pequenos grupos tiveron que inventar personaxes e novos usos para os obxectos. Deste xeito, os resultados foron abraiantes, imaxinaron, por exemplo, a un policía cuns zocos rechamantes!!

Na segunda parte traballamos na cuestión da identidade e da expresión de xénero e coñecemos persoas de diferentes culturas (italiana, mexicana, india...).

O alumnado do 2º e 3º ciclo estivo a traballar co xogo Dixit, un xogo de cartas ilustradas co que traballaron a narración e a imaxinación. Debían expresar os sentimentos e inquedanzas que lle evocaban ditas cartas, para reflexionar sobre comportamentos sexistas. Traballaron a diferencia entre sexuación e sexualidade, centrándose nas relacións interpersoais. 

Con esta actividade tamén contribuimos a traballar o seguinte ODS (Obxectivos de Desenvolvemento Sostible da Axenda 2030) 

GALERÍA DE IMAXES

O venres día 10 iniciamos a actividade "Conto en familia", que como en cursos anteriores, ten lugar un venres ao mes. 

Neste caso foi Yolanda, a nai de Theo de Educación Infantil, quen visitou a nosa biblioteca para presentarnos en primicia o conto que acaba de publicar titulado O misterio do tulipán. O curso pasado xa nos presentara o manuscrito do mesmo e agora enseñounos o conta xa editado. Encantounos. 

Logo da lectura, estivemos a facerlle algunhas preguntas sobre o libro, sobre cando e como comezou a escribir...

Ademais, de todo iso, desvelounos outra gran sorpresa!! Oxalá, este conto sexa o primeiro de moitos outros. 

Estamos desexando ter o teu conto na nosa biblioteca!!

Moitas grazas por vir a compartir un ratiño con nós. 

Na materia de Educación Plástica e Visual (para nós Arts) estivemos a facer diferentes manualidades de outono empregando como recurso principal as nosas mans.

Empregando témperas, pintamos as nosas mans para realizar monstruosas arañas e cabazas de Samaín.

Tamén, realizamos árbores mesturando diferentes cores.

Por último, estamos a elaborar un ourizo cooperativo entre o alumnado e o profesorado do cole.

Os nosos corredores lucen moito máis bonitos coas nosas obras de arte.

We hope you like them very much!

GALERÍA DE IMAXES

A UAD (Unidade Asistencial de Drogodependencias de Monforte de Lemos) edita un novo boletín de información e formación familiar para o mes de novembro. Nesta ocasión, o tema é "Decálogo para que os irmáns teñan boa relación". Esta iniciativa está adscrita á Concellería de Sanidad e, cada mes aborda unha problemática distinta.

No seguinte documento podedes consultar toda a información, así como tamén, podedes coñecer diferentes canles de comunicación con dita Unidade.

O pasado 6 de outubro realizamos unha saída a granxa escola Casa da Fonte, situada en Mañente. Alí, desfrutamos dunha xornada lúdica observando a natureza e os distintos animais que alí conviven (galiñas, porcos, cans, vacas, cabalos...).

Xosé, o encargado, guiounos pola granxa a medida que nos ía ensinando algunhas cousas que non sabiamos. Díxonos que tiña 19 cans!!!

GALERÍA DE IMAXES

O día 30 de outubro todo o alumnado do centro participou nun obradoiro de elaboración de postres terroríficos a partir das 13:30 horas.

As súas elaboracións serviron de sobremesa para ese día no comedor.

Así quedaron as nosas creacións! Clicade na galería de imaxes para ver o resultado.

Fixemos: Cabazas estrañas, A mazá con boca, Os plátanos pantasma, Os ollos tolos, O tarado verde ollo loco e As mazás tolas.

 GALERÍA DE IMAXES

Dende 1997 o día 24 de outubro celébrase o Día Mundial das Bibliotecas, unha conmemoración impulsada polo Ministerio de Cultura e diversas institucións autonómicas. O lema proposto dende a Asesoría de bibliotecas escolares para este curso é 

 "TECENDO COMUNIDADES"

O cal pretende destacar o papel fundamental que desempeñan as bibliotecas na construción de lazos fortes dentro das nosas comunidades. Estas institucións son centros de conexión e aprendizaxe, onde as historias, as experiencias e os coñecementos son os fíos que unen aos cidadáns.

Información e imaxe recuperada de: https://www.edu.xunta.gal/biblioteca/blog/?q=category/2/8

Para celebrar este día, dende o noso cole, fixemos diversas actividades ao longo destes últimos días para preparar a apertura da nosa biblioteca.  

Dende a materia de Proxecto Competencial o alumnado de primaria estivo a actualizar os carteis informativos da biblioteca, empregrando a aplicación de edición gratuíta Canva e, a ordear exemplares de nova incorporación seguindo a CDU (Clasificación Decimal Universal).

 Unha das melloras que fixemos na cartelería da biblio foi a introdución de pictogramas, empregando a plataforma ARASAAC e o novo logotipo da biblio coa nosa mascota O mórcego plata. Unha vez impresos, colocámolos en lugares visibles. 

Na hora de ler, realizamos a apertura oficial da nosa biblioteca escolar e, con ela puxemos a andar moitas actividades de dinamización da mesma como Lecturas compartidas, Recuncho creativo, Contos en familia...

Todo o alumnado acudiu a biblio para comenzar coa formación de usuarios para o presente curso. Comezamos comentando as normas de uso deste espazo e a forma de clasificar os libros segundo a CDU, tamén vimos un vídeo explicativo sobre esta asunto. 

Tamén, nos repartiron os nosos carnés de usuario e os marcapáxinas que estivemos a decorar nas aulas estes días coa mascota da biblioteca. Encantáronnos!!

Ademais de todo isto, explicáronnos que a nosa biblio forma parte do Colectivo Lemos Le, unha agrupación das bibliotecas escolares e municipais da comarca de Lemos, que para conmemorar este día elaborou uns marcapáxinas deseñados por Estudio Gnomo (formado por Iria Iglesias e Dani Viéitez).

Clicando aquí, podedes acceder a páxina web do Colectivo onde poderedes atopar todas as novas do mesmo. 

Un/unha nenx que le, será un/unha adultx que pensa. 

Miguel de Cervantes Saavedra.

Coa chegada do outono chegan dúas das conmemoracións que máis nos gustan: o Magosto e Samaín. Nós mesturamos ámbalas dúas e creamos o Magostín do CEIP Rosalía de Castro. Nos seguintes carteis podedes ver toda a información para o evento.

Mirade a nosa exposición de cabazas. Sodes verdadeirxs artistas!!!

Ademais, o alumnado de Infantil elaborou unha cabaza para os nosos amigos e amigas da residencia de persoas con discapacidade DOMUS VI. Nesta foto podedes ver o bonita que quedou adornando a recepción da residencia.  

 Primeiro o alumnado de Infantil foi apañar castañas a nosa zona verde, a continuación o alumando de 5º e 6º de primaria estivo axudando ao mestre encargado de asar as castañas a encher o bombo. Logo do xantar, tomamos as castañas como sobremesa. Mirade!

Despois do magosto participamos nos "Xogos de outono". Fixemos grupos multinivel para ir pasando polas diferentes estacións. No seguinte arquivo podedes ver os carteis de cada unha. Foi moi divertido pasar un rato todxs xuntxs!

GALERÍA DE IMAXES

PASÁMOLO DE MEDO!!!

O venres día 13 ás 15:00 horas asistimos ao Centro Sociocultural do noso Concello para ver a comedia musical Pinconús. Unha obra para o público familiar, dirixida por José Campanari e con música de Piti Sanz. A entrada foi de balde e aberta a toda a comunidade educativa. 

Rímonos moito!

Actividade organizada pola ANPA do CEIP Rosalía de Castro.

O xoves 28 de setembro, viñeron dúas novas pitas ao cole. Son dúas poliñas novas ás que aínda non lles puxemos nome.

A pesar de que o primeiro encontro coas outras pitas e o galo foi algo brusco, pouco a pouco estanse aclimatando e comezan a sentirse máis integradas no galiñeiro.

  Moitas grazas a Yolanda, nai de Theo por este fermoso agasallo!