Este ano adicouselle o Día das Letras Galegas a escritora e música, Luísa Villalta (1957-2004) e, dende o noso cole, fixemos diversas actividades para conmemorar este día.

O xoves día 16 acudimos ao Centro Sociocultural do noso Concello a realizar un obradoiro de ilustración creativa sobre a homenaxeada a cargo de Sheila García Prado.

Primeiro tocoulle a quenda ao alumnado de Infantil e 1º e 2º de primaria quen realizaou estas verdadeiras obras de arte!

A continuación, o alumnado de 3º a 6º de primaria elaborou un libriño sobre a vida e obra da autora. Guiados en todo momento por Sheila.

Ese mesmo día, na hora de lectura, realizamos un contacontos sobre a vida de Luísa Villalta. Neste caso o encargado de contarlles a historia aos seus compeñirxs foron os alumnxs de 3º e 4º que lle leron o libro Sempre Infinita de Eva Mejuto e Bea Gregores da Editorial Miudiñas.

Como traballo previo para coñecer con maior detalle a vida da autora, nas aulas visualizamos o vídeo que realizou o alumnado do colexio San Pío X de Ourense sobre Luísa Villalta.

No "Taboleiro das conmemoracións" o alumnado de 3º e 4º foi o encargado de colgar o seu mural conmemorativo. Mirade que ben lles quedou!

Ademais, de todo isto, como produto final de todas as actividades, na materia de Art realizamos un mural colaborativo, no que cada un de nós pintou unha das pezas que compañen o retrato da escritora.

O alumnado de infantil estampou empregando diversas técnicas palabras que definen a Luísa. Quedou precioso!!!

Dende fai moitos os anos, xs galegxs celebran a chegada da primavera e o final do frío inverno cunha festividade coñecida como "Os Maios". Construen figuras con elementos naturais, tales como: musgo, fiúncho, xestas... para á obteción de boas colleitas.

Ao redor desas construcións cántase con acompañamento de percusión, normalmente con paus, coplas ou cancións irónicas e críticas sobre feitos ou personaxes de actualidade.

As construcións máis típicas son as de forma cónica ou piramidal, realizadas con armazóns de canas e recubertas con plantas, pero tamén existen figuras máis artísticas que representan monumentos ou actividades da vida cotiá.

Pois nós, non queriamos quedar sen celebrar esta festividade folclórica da nosa tradición e, por dito motivo, dende o Departamento de Dinamización da Lingua Galega planificouse dita actividade.

Comezamos ideando o diseño do noso Maio e preparando todo o material necesario para realizar unha estrutura firme e consistente.

Nas aulas traballamos esta tradición e practicamos a seguinte canción para cantar e bailar arredor do noso Maio, titulada Maio, Maíño do disco de 13 Lúas. 

Recuperada de: https://www.youtube.com/watch?v=8-lbk258ENk

Pouco a pouco fomos colocando todas as plantas que trouxemos ao cole. Había tantas que non nos fixo falta saír a buscar máis! Primerio fomos poñendo as xestas e fentos e, por último, colocamos as flores.

Quedou moi bonito!!!

Cando xa o rematamos, bailamos e cantamos arredor del para celebrar a chegada da primavera.

Queremos darvos as gracias a todas as familias que colaborastedes coa recollida de plantas e tamén, ao Obradoiro do Concello que nos trouxo moitas xestas para facer posible a construción!

Ilustración de @lilabi

Cando penso que te fuches
negra sombra que me asombras,
ó pe dos meus cabezales
tornas facéndome mofa. Cando maxino que es ida
no mesmo sol te me amostras
i eres a estrela que brila
i eres o vento que zoa. Si cantan, es ti que cantas
si choran, es ti que choras
i es o marmurio do río
i es a noite, i es a aurora.

                                                                         Negra Sombra, Rosalía de Castro (1837-1885)

Se clicades na ilustración da escritora accederedes á web da súa fundación, na que atoparás moita información sobre ela e a súa obra. Ata poderedes realizar unha visita virtual a súa casa! 

O 23 de febreiro conmemórase o nacemento da escritora, poeta e referente da cultura galega e, debido a súa relevancia na historia de Galicia e a vinculación directa co noso cole, levamos a cabo diferentes actividades para celebrar este día tan especial e poñer en valor a importancia da súa figura e da súa loita a prol da nosa lingua. 

Durante os días previos, estivemos a traballar a súa vida e a súa obra a través de vídeos, cancións e xogos...

Empregamos o seguinte vídeo de Os Bolechas para coñecer unha das súas obras máis importantes: Cantares Gallegos.

Practicamos todo o aprendido nun xogo interactivo realizado na aplicación Genially.

Ademais, dende a materia de Música aprendimos a canción de Migallas basada no poema de Rosalía titulado "Eu ben vin estar o moucho". Mirade que ben nos saíu!! Esperamos que vos guste.

O alumnado de 5º e 6º contoulles aos seus compañeirxs na hora de ler do venres o conto Rosalía de Castro de Alba De Evan e Xabier Domínguez, con ilustracións de Bea Gregores da Editorial Edicións Cumio. Unha obra que resume a vida da poetisa a través de biopoemas, é dicir, unha vida feita poemas. 

Por outra banda, o alumnado de 3º e 4º de primaria decorou o "taboleiro das conmemoración" cun mural representativo da obra desta autor galega, con fotografías dos seus libros e, con versos dos seus poemas.

Por último, dende a materia de Art elaboramos, entre o alumnado de Infantil e Primaria, un cadro de estilo Pop Art, tomando como referencia os do famoso Andy Warhol, artista cun papel fundamental no nacemento e desenvolvemento deste movemento artístico. 

Os mestrxs preparámoslle unha sorpresiña ao noso alumnado. Decoramos os chanzos das nosas escaleiras de entrada con 16 versos do poema "Adiós ríos, adiós fontes" de Rosalía de Castro. Mirade que bonitas quedaron.

 Grazas polas túas verbas, pola túa loita e polo teu legado infinito Rosalía!

Dende o Departamento de Dinamización da Lingua Galega planificouse un proxecto para todo o alumnado do centro sobre unha das festividades máis importantes da nosa comunidade: O Entroido. Basándonos no conto de Ramón D. Veiga titulado É tempo de Entroido, da editorial Xerais. 

Dende as diferentes titorías e materias, estivemos a facer investigacións sobre as tradicións típicas de cada zona nesta época de troula e diversión.

A cada ciclo tocoulle un diferente:

Educación Infantil: Oso de Salcedo (A Pobra de Brollón)

1º e 2º de Primaria: Os Cigarróns (Verín)

3º e 4º de Primaria: Os Boteiros (Viana do Bolo)

5º e 6º de Primaria: Os Volantes (Chantada)

Logo de realizar as investigacións, pescudando en Internet, visualizando vídeos, lendo libros da nosa biblio... Cada aula realizou o produto final do proxecto para colocar nun mural colaborativo que xa adorna parte dos nosos corredores.

Quedou espectacular! Empregamos diferentes técnicas para decorar as diversas máscaras e traxes (plastilina, algodón, cartón, legumes, papel...).

Ademais de coñecer múltiples conceptos, con esta actividade, dímonos conta da gran riqueza inmaterial que ten o lugar no que vivimos. Quedan aínda moitas outras tradicións por descubrir no Entroido do próximo curso.

Dende o departamento de Dinamización da Lingua Galega programouse un contacontos sobre o Apalpador, o mítico carboeiro, procedente das montañas do Courel, que baixa na noite do 31 de decembro a apalpar as barriguiñas dos máis cativos.

A profe Noelia, leéunos o conto Antón e o apalpador da editorial Barafunda, un pequerrecho que coñeceu, por sorpresa ao Apalpador, buscando a súa tía Mariña.

 A continuación da lectura e da posta en común, as profes entregáronnos a cada un de nós un colgante cun debuxo para colorear do Apalpador que levamos para as nosas casiñas. 

Tamén, escoitamos a canción de Paco Nogueiras titulada "O Apalpador".

Nas noites previas a chegada do Apalpador a xente soían cantar o seguinte:

Vaite logo meu neniño,

marcha agora para camiña.

Que vai vir o Apalpador 

a palparche a barriguiña.

Sabedes que ao Apalpador tamén se lle pode chamar Apalpadore ou Pendigueiro?

Ademáis, o alumnado que así o quixo puido facer un debuxo do Apalpador para facer una tarxeta de Nadal virtual e, con ela, felicitarvos as festas. O debuxo elixido foi o de Hugo Lagoa Sánchez de 6º de Educación Primaria. Parabéns polo teu traballo!!

 Encantounos a historia!! Apalpador, estamos desexando que veñas a apalpar as nosas barriguiñas!!

Novembro é o mes da ciencia en galego nas bibliotecas e, por esta razón, estivemos a realizar diferentes experimentos e prácticas científicas durante dito mes que nos axudaron a ampliar o noso coñecemento neste ámbito. 

A continuación, se clicades sobre a seguinte fotografía podedes visualizar o documento no que explicamos cada un dos experimentos. 

En Educación Infantil estiveron a argallar co magnetismo

En Educación Primaria traballaron coa densidade dos líquidios, a volatilidade, os circuítos eléctricos e a gravidade.

O alumnado de 5º e 6º creo postais de Nadal con luces!! Quedaron preciosas!!

GALERÍA DE IMAXES

Pasámolo moi ben mentres aprendimos moitas cousas novas!!!

Coa chegada do outono chegan dúas das conmemoracións que máis nos gustan: o Magosto e Samaín. Nós mesturamos ámbalas dúas e creamos o Magostín do CEIP Rosalía de Castro. Nos seguintes carteis podedes ver toda a información para o evento.

Mirade a nosa exposición de cabazas. Sodes verdadeirxs artistas!!!

Ademais, o alumnado de Infantil elaborou unha cabaza para os nosos amigos e amigas da residencia de persoas con discapacidade DOMUS VI. Nesta foto podedes ver o bonita que quedou adornando a recepción da residencia.  

 Primeiro o alumnado de Infantil foi apañar castañas a nosa zona verde, a continuación o alumando de 5º e 6º de primaria estivo axudando ao mestre encargado de asar as castañas a encher o bombo. Logo do xantar, tomamos as castañas como sobremesa. Mirade!

Despois do magosto participamos nos "Xogos de outono". Fixemos grupos multinivel para ir pasando polas diferentes estacións. No seguinte arquivo podedes ver os carteis de cada unha. Foi moi divertido pasar un rato todxs xuntxs!

GALERÍA DE IMAXES

PASÁMOLO DE MEDO!!!