O novo curso escolar 2009-10 xa está aquí!  Por iso, os mestres e as mestras do CEIP de Arzúa queremos darvos a benvida.

Despois do grande éxito, do curso pasado, mergullados na época medieval, a partir de hoxe imos deixar voar a nosa imaxinación para converternos en grandes...artistas modernos!

Tede todas e todos un bo comezo!!

Damas, campesiñas, bufóns, trobadores, artesanas, escribás, peregríns e outras personaxes da Idade Media andan a pasearse polos máis intrépidos recunchos do noso colexio.

Achegádevos ata a zona de Educación Infantil e intentade atopar a esta dama e este bufón que se agochan no noso castelo.

O equipo de educación intantil queremos agradecer a un antigo alumno do cole  ter colaborado con nós e obsequiarnos ca súa arte. Graciñas, Mikel por debuxarnos a estas dúas valentes personaxes e traérnolas ata tan humildes terras.

As mestras de Educación Infantil pretendemos crear aquí un espazo ao que toda a comunidade educativa se poida achegar (un pouquiño máis) ao traballo que facemos neste ciclo.

Aquí poderedes atopar algúns traballos dos nosos nenos e das nosas nenas, proxectos, experimentos, palabras, arte, xogos, contos, celebracións,...en definitiva, unha morea de cousas polas que nos interesamos e coas que nos ilusionamos cando vimos ao cole.

Agardamos que vos guste!