Este mes de maio celebramos no noso centro o Día das Letras Galegas. Fixéronse moitas actividades a nivel de aula, traballando a figura de Carlos Casares, o escritor homenaxeado este ano. 

O mural que se colocou na entrada!! A frase que se escolleu pertence a Daniel Rodríguez Castelao e as palabras enxebres que pegamos nel foron escollidas polos nenos e nenas de 6º E. Primaria.

O 15 de maio visitounos o polifacético artista noiés Serafín Marcos que nos ofreceu, durante preto dunha hora, unha representación da vida e obra de Carlos Casares. 

 Concerto de alumnos/as para conmemorar as Letras Galegas!! O venres, 19 de maio puidemos gozar das actuacións preparadas pola profesora de Música.  Aquí tedes algunha delas!!                          

O día 27 de abril tivo lugar no colexio a conmemoración do Día do Libro (23 de abril).

Como vén sendo habitual fixémolo coa actividade "Comparticontos", na que os nenos e nenas de 4º, 5º e 6º de E.P representaron ao resto de compañeiros/as contos elixidos por eles mesmos.

Foi unha actividade chea de diversión na que todos nos achegamos ao pracer da lectura e dos libros a traves da expresión oral, da espontaneidade e da dramatización.

Aqui tedes unha pequena mostra do ben que o pasamos!

O panel da entrada foi realizado polo alumnado de 5º B. A frase escollida para esta ocasión pertence ao ilustre escritor español, Miguel de Cervantes.

Os nenos e nenas de 5º participamos noconcurso de relatos de Queixería Barral.

A parte de levar o primeiro premio un compañeiro noso, Brais Giadás, quedámonos cun bo sabor de boca xa que creamos literatura cunha temática moi da zona: o queixo.

Se queres lelos preme aquí

Co gallo da SEMANA DA PRENSA e para completar as actividades realizadas dentro e fóra da aula con xornais, organizamos unha saída de noite as instalacións do Correo gallego no polígono Costa A Vella.

Foi unha experiencia inesquecible!!!!

 

Durante o mes de marzo leváronse a cabo diferentes actividades no colexio que xiraron arredor dos xornais.

- En Educación Infantil de 3 anos pasárono así de ben pintando e escribindo os seus nomes:

 - En Educación Infantil de 4 anos os nenos e nenas estiveron investigando sobre o mundo da prensa escrita: para que serve, que cousas vemos nela, que partes ten, como se chaman as profesións das persoas que a fan, etc.

- En Infantil de 5 anos fixeron un xornal e quedou así de bonito:

 CLICA AQUÍ  

- En 3º E.P. xogaron a relacionar títulos, subtítulos e fotos a partir dos recortes que se lles deron, manipularon os xornais para descubrir como se organizan as noticias en distintas seccións, logo convertéronse en xornalistas para redactar as súas noticias e, por último, na clase de Plástica fixeron collages usando os xornais. 

- En 5º E.P os nenos e nenas tamén fixeron actividades cos xornais. Traballaron a comprensión lectora dunha maneira diferente. Clasificaron noticias e despois de lelas contestaron ás preguntas de: Que?, quen?, onde?, cando?, como?...

Neste mes, con motivo da celebración do Día da Muller Traballadora (8 de Marzo), no noso centro leváronse a cabo diversas actividades relacionadas coa IGUALDADE DE XÉNERO.

Elaborouse desde o Equipo de Biblioteca un panel no que se representa informacion sobre diversas mulleres que foron o referente para outras moitas mulleres no mundo. Para dito panel, e relacionando a conmemoración coa tematica central deste curso, escolleuse unha frase de Virginia Woolf:

"Non hai barreira, fechadura nin ferrollo que poidas impoñer á liberdade da miña mente"

Tamén na propia Biblioteca do centro creouse o Rincón da Igualdade, onde os alumnos e alumnas podían ler e consultar información sobre todas estas mulleres que marcaron a historia.

O alumnado de 3º de E.P, na clase de Plástica, plasmou o traballo realizado arredor deste tema nuns carteis.

E o alumnado de 6º de E.P, coa axuda do seu titor Javier, elaborou este conto, onde se representa unha historia familiar sobre a igualdade de xénero, a diversidade de familias e o acoso escolar.

Xa chegou o Entroido!!!!!

O panel da entrada foi feito polos nenos e nenas de 5º A, con refráns e coplas do Entroido.

O tema, como sempre, foi marcado polos equipos de Biblioteca e Normalización, que cun traballo moi coordinado con Actividades extarescolares e toda a Comunidade Educativa deste centro conseguiu tan bos resultados.

FRASES DO NOSO ENTROIDO

Cada grupo elixiu unha frase, que colocou nunha cartolina decorada polos nosos nenos e nenas, e elaborouse un disfrace relacionado con esta temática. Quedou fantástico!!!!

Con motivo da conmemoración da data de nacemento da nosa escritora, Rosalía de Castro; no noso centro fixéronse moitas actividades na semana do 20 e o 24 de febreiro:

• Mural na entrada do colexio e móbiles con carteis de Rosalía, que conteñen poemas da escritora, elaborados por todas as titorías do centro. 
• Recuncho na nosa Biblioteca dedicado á escritora.

• Decoración do salón de actos do centro.  

• Máscaras de Rosalía de Castro coas que se fixo unha foto colectiva no salón de actos, a tarde do 21 de febreiro, durante o acto de homenaxe. No mesmo acto recitaron poemas todas as clases e rematouse cantando todos xuntos "Adiós ríos, adiós fontes".

• Sumámonos á iniciativa da Asociación de escritores/as en lingua galega (AELG) e ademais de facer as máscaras de Rosalía, algúns nenos e nenas do colexio fixéronse unha foto con persoas maiores,  portando algún verso rosaliano ou poema. 

• Participamos na mañá do 23 de febreiro nun programa emitido por Radio Arzúa para recordar a figura da escritora galega.

 PREME NA IMAXE SE QUERES ESCOITAR QUE BEN FALARON

Foi unha semana moi rosaliana!!

O 30 de xaneiro celebramos o Día da Paz xuntándonos todos e todas no salón de actos do colexio. A frase que se escolleu para colocar no mural da entrada do centro pertence a Gandhi: "Se queres cambiar o mundo, cámbiate a ti mesmo". O alumnado de 4º E. Primaria encargouse esta vez de preparalo. Quedoulles moi ben!

O 16 de xaneiro todo o alumnado do centro asistiu a unha exposición de xogos tradicionais organizada polo concello de Arzúa.  Aquí tedes algunhas fotos dese día.