Con motivo do Día das bibliotecas, que se celebra o 24 de outubro, estanse a facer moitas actividades no noso colexio.

O alumnado de 6ºB encargouse da elaboración do mural que se atopa na entrada do centro. 

Tamén se fixo un mural, ao que puxemos por nome "Poetizámonos!", que recolle os poemas que foi compoñendo o alumnado de 3º, 4º, 5º e 6º de E.Primaria, a partir dos títulos dos libros da nosa biblioteca. Estas composicións encargáronse despois de ilustralas os máis pequenos: Infantil, 1º e 2º de E. Primaria.

Aquí podedes ver máis de preto algunhas das composicións poéticas. 

 Agora cada grupo de alumnos e alumnas pasará pola bilbioteca, co seu titor ou titora,  para visionar un power point que lles explicará o funcionamento deste espazo tan importante na vida dun centro.

E, xa sabedes que tivemos a Erica González no noso colexio para activar o noso "botón" da imaxinación. A todos e a todos gustáronnos moito os seus contos!!

Hoxe, 22 de outubro, o alumnado do centro gozou dunha sesión de animación á lectura na biblioteca. Erica González foi sacando da súa "fábrica de contos" unhas historias moi fermosas que cautivaron aos máis cativos do colexio e tamén aos maiores.

Estas fotos recollen o seu paso pola nosa biblioteca.

Grazas Erica por compartir esta xornada connosco!!!

O alumnado de 1º E.Primaria elaborou o mural que preside a entrada do noso colexio. Quedoulles así de ben!!

 Na Biblioteca do centro preparouse o recuncho de María Victoria Moreno, a escritora homenaxeada polas nosas Letras. 

O luns, 14 de maio visitounos a compañía de teatro "Galeatro" de Carballo, que representou para o alumnado de todo o centro "Contos no faiado"; unha adaptación teatral da obra de María Victoria Moreno,  que leva por título "A festa no faiado". Estes son algúns momentos da representación.

É NADAL!! Así titulou o alumnado de 5ºB o seu mural, porque chegaron estas festas, pero non todos nin todas podemos gozar delas da mesma maneira. 

Na entrada do centro colocouse tamén un mural, no que participaron todas as titorías e, no que cada personaxe do circo portaba unha palabra relacionada co Nadal: amizade, paz, alegría, solidariedade, xustiza, amor... As bólas que se colocaron arredor realizáronnas os nenos e nenas coa colaboración das súas familias.

O Equipo de Biblioteca preparou o recuncho de lecturas recomendadas.

O Equipo de Dinamización Lingüística e o Equipo de Biblioteca fixeron un díptico de lecturas recomendadas, para este tempo de Nadal.

E o 21 de decembro celebrouse o festival de Nadal, ao que se convidou a todas as familias. Todas as titorías do colexio participaron no mesmo preparando panxoliñas, un conto de Dickens, coreografías navideñas, teatro, publicidade e moitas cousas máis. Estas imaxes corresponden a distintos momentos do mesmo.

Na semana do 20 ao 24 de novembro conmemoramos no noso colexio o Día do neno/a e fixemos varias actividades arredor deste tema:

·        

O alumnado de 6º A preparou un mural para a entrada do centro onde recolleu os dereitos da infancia.

·     Todas as titorías de E. Infantil e E. Primaria colaboraron na realización doutro mural onde, arredor dun pallaso, colocamos unhas caixiñas co nome dun dereito dos nenos e nenas.

O

       O concello de Arzúa organizou unha serie de actuacións, na Casa da Cultura, ás que acudiu o alumnado do noso colexio. O 20 de novembro Caramuxo Teatro representou "Feo!" para os nenos e nenas de E. Infantil. O 21 de novembro a compañía Redrum Teatro sorprendeu ao alumnado de 1º, 2º e 3º de E. Primaria coa obra "A nena que quería navegar". Nela cóntase a historia dunha rapaza que sofre acoso escolar.  E o 22 de novembro, o grupo de percusión Odaiko, trouxo o espectáculo "Vaia circo", que por mor do temporal que houbo ese día, trasladouse ao 20 de decembro. Estas imaxes corresponden ao espectáculo musical de Odaiko dirixido aos nenos e nenas de 4º, 5º e 6º de E. Primaria.

     Nas titorías de 4º, 5º e 6º E.P traballouse  coa película "Buda explotó por vergüenza", que relata a historia dunha nena afgana que loita por ir á escola e recibir unha educación. Unha película fermosa que invita ao debate e á reflexión.

N

 CLICAR AQUÍ

Chegou o tempo do Samaín e, no noso colexio, quixemos recordar esta festa de orixe celta con estas actividades:

• Recuncho de contos de medo na Biblioteca.

• Redacción de contos de medo nas titorías de 4º, 5º e 6º E.P.

• Decoración de corredores e entrada con vasoiras e cabazas, decoradas con motivos do circo.

• E non podía faltar un "bruxiño" para contarlles contos de medo ao alumnado de E. Infantil.

Para conmemorar esta data no noso centro fixéronse varias actividades:

- Mural co lema: "E ti que les?" Nel colocamos as portadas dos libros que fixeron os nenos e nenas de todo o centro. Escolleuse unha de cada clase e co resto decoráronse os corredores.

- Mural dedicado ao libro "Poemar o mar", co que Antonio García Teijeiro acaba de ganar o Premio nacional de literatura infantil. Cada titoría de E. Primaria escolleu un poema do libro, para escribilo e ilustralo.

- Tivemos unha sesión de animación á lectura na Biblioteca. Estes son algúns momentos da mesma.

CLICA AQUÍ