O día 15 participamos na actividade de atletismo correspondente ao programa

de Deporte Escolar.

No pavillón de  Soutomaior xuntámonos con alumnos/as dos colexios de Pazos

de Borbén, Soutomaior e Vilaboa. Algunhas das probas nas que participamos

foron salto de lonxitude, lanzamento de xabelina, 10x10, carreiras, lanzamento

de balón medicinal,...

O próximo día 28 retomaremos o Deporte Escolar con bádminton, baloncesto,

voleibol, balonmán e fútbol sala. Iremos ao colexio Santiago Apóstol de Arcade.

O pasado día 9 visitáronnos dúas xogadoras do Celta Indepo, Blanca Marcos e Egle Stakneviciene, e a delegada Pilar Valero. Explicaron ao alumnado de terceiro ciclo a súa experiencia como xogadoras do equipo de baloncesto galego que conseguíu máis títulos (varias ligas, varias copas,...). Atenderon ás preguntas dos nenos/as e logo, xa no patio, propuxeron distintos xogos para animar a todos a practicar o deporte da canastra.

O pasado día 3 de marzo comezou a participación do colexio no deporte escolar. Desprazámonos ata o CPI Curros Enríquez, en Pazos de Borbén. Alí o alumnado de 5º e 6º fixo unha proba cultural e practicou varios deportes: bádminton, baloncesto, voleibol, balonmán e fútbol sala.

O día 23 deste mes haberá unha nova xornada que se desenvolverá en Soutomaior.

Para ver as imaxes da xornada podes facer clic na imaxe.