Este foi o TINTEIRO gañador do primeiro reto.

A autora foi Naia Campos, de 5º de EP.

Noraboa!

Aquí tedes o enlace para acceder ao artigo do Faro de Vigo no que se recolle a videoconferencia que mantivemos con Ledicia Costas, autora do libro "Escarlatina, a cociñeira defunta"

https://www.faroeduca.es/actualidad/escarlatina-ledicia-costas-videoconferencia.html?_ga=2.80512279.1288158748.1591687926-1067813268.1590569905  

Ricardo Carvalho Calero	Aquí atoparedes actividades para coñecer a vida e a obra de Ricardo Carvalho Calero

Ricardo Carvalho Calero naceu en Ferrol en 1910 e faleceu en 1990 en Santiago de Compostela. A Real Academia Galega salienta da súa figura o seu compromiso galeguista, que o levou mesmo a sufrir cárcere tras a guerra civil; a súa faceta de creador literario nos eidos da poesía, da narrativa e do teatro; o seu labor no campo da historia literaria galega, do que pode considerarse fundador coa monumental Historia da literatura galega contemporánea (1963); o feito de ser o primeiro profesor e catedrático universitario de Lingüística e Literatura Galega e a influencia, nos últimos anos da súa vida, das súas ideas sobre a lingua propia de Galicia.

A traxectoria de Ricardo Carvalho Calero pode rastrexarse nas numerosas institucións e entidades vinculadas á lingua e á cultura galegas das que formou parte ou que recoñeceron o seu labor. Foi membro do Seminario de Estudos Galegos, do Partido Galeguista, da Real Academia Galega e da Academia de Ciências de Lisboa, ademais de membro de honra da Asociación de Escritoras e Escritores en Lingua Galega e da Associaçom Galega da Língua (AGAL); dirixiu o colexio Fingoi; participou activamente nas actividades do Grupo Galaxia; foi recoñecido coa Medalla Castelao da Xunta de Galicia (1984) e declarado Fillo Predilecto de Ferrol (1990).

As miñas primeiras Letras Galegas (con vídeos dos Bolechas) 

Nun momento tan especial coma este, confinados, alonxad@s d@s amigos e amigas, familiares e coñecid@s, queremos seguir mantendo a normalidade das celebracións e que mellor que un libro para acompañarnos ao longo dos días. 

As nosas amiguiñas e os nosos amiguiños recoméndannos as súas lecturas preferidas.

Varias editoriais poñen a disposición dos lectores e lectoras varios títulos, adecuados para distintas idades.

Un bo momento para ler. Preme nas imaxes e accederás ás paxinas de descarga e visualización.

Na canle de radio ceipcedeira en iVOOX, xa podedes escoitar o emotivo recitado de versos no que participou todo o alumnado do colexio para celebrar o día da poeta.

Preme na imaxe para escoitalo.

Xa podedes seguir as nosas andanzas coa radio... O Cefore de Vigo prestounos unha radio e "está que bota fume". Podedes seguirnos en iVOOX ou no enlace que tedes no bloque da esquerda.

O 8 de marzo celebramos o Día das Mulleres e quixemos representalas cunha prenda que é moi característica: as batas ou os delantais. Así que cada rapaz/a trouxo unha da súa mamá, avoa, tía, veciña, etc. e vestidos con elas recitamos poemas de Rosalía de Castro. Despois colgámolas pola verxa do colexio como símbolo presente durante toda esta semana. 

Celebramos o Día de Rosalía cun acto de recitado de poesías da autora, por parte de todas as nenas e nenos do colexio. Cadaquén recitou o seu verso e, entre todos e todas, quixemos lembrar ás persoas migrantes que houbo, hai e haberá, errantes polo mundo adiante en busca dunha vida mellor. 

As árbores do colexio quedaron repletas de postais con fotos de mulleres migrantes e versos que Rosalía escribiu e que perduran nos nosos corazóns.

Sempre viva, Rosalía!

Hoxe no colexio quixemos proclamar a nosa oposición á violencia de xénero, por iso fixemos unha chea de actividades relacionadas. O primeiro foi entrar pola porta violeta que canta Rozalén e, entre todos os cursos, constuír dúas flores cheas de mans de colores de todo o alumnado. Nas aulas tamén traballamos sobre este tema, fixemos murais, vídeoforum, cancións, etc.