Escoita aquí o resultado: Radio Cores 5º Ponte nas... ondas!

	O xoves 14 de xaneiro visitáronnos Xerardo e Damián, da asociación cultural Ponte nas... ondas! Déronnos un obradoiro de radio. Aprendemos a preparar e editar un programa. Foi unha experiencia increíble e pasámolo moi ben.   Escoita aquí o resultado do traballo de 5º e tamén o de 4º

Unha ampla representación do alumnado de 4º de Primaria participou nas pistas de atletismo do Centro Galego de Tecnificación Deportiva de Pontevedra nunha xornada de promoción do atletismo entre os escolares.

As probas foron as seguintes: 60 m lisos, salto de lonxitude, lanzamento de peso, 500 m lisos, 1000m lisos e relevos 4x60m. A experiencia foi moi positiva para todos os participantes.

Hoxe recibimos no colexio a José Antonio Orge Quinteiro, autor do libro "Redondela a través do tempo". Falounos do cambio que sufríu Redondela ao longo dun século ilustrando a súa charla con numerosas fotografías comparativas da "nova" e da "vella" Redondela. O alumnado quedou moi impresionado polo cambio da súa vila e todos coincidimos en que a conservación do patrimonio é esencial para o mantemento da nosa identidade. Dámoslle as grazas a José Antonio pola súa amabilidade.

O venres 1 de abril visitounos un monitor na Federación Galega de Taekwondo para realizar unha xornada de promoción dese deporte. A actividade, na que participou o alumnado do segundo ciclo de Primaria enmárcase dentro do programa Xogade, organizado pola Xunta de Galicia.