Outro ano máis chegou o Samaín e celebrámolo por todo o alto! 

Moito medo houbo polo colexio adiante, todo estaba decorado e adornado con cabazas, caveiras, esqueletes, monstros e demais. 

Tampouco faltou o Certame de "Contos á lus do candil", que este ano chega á súa 8ª    edición.

Organizamos a presentación do proxecto deste curso que se chama... REALIMENTAXE!

Houbo moita arte neste día: música, cancións, recitados, etc. Todos os cursos participaron co seu gran de area para introducir este tema tan amplo que inclúe a Alimentación e a Reciclaxe.

"A lectura fainos mellores persoas".

Antoine de Saint-Exupéry

Fai clic na imaxe para ver a guía de lecturas.

Inauguramos o curso escolar 2017-2018 recordando ao autor homenaxeado este ano pola Real Academia Galega, Carlos Casares.

 Na planta baixa do colexio pódese contemplar unha colección de case cen libros en diferentes linguas e dialectos do mundo, da novela de Saint- Exupéry:  “Le Petit Prince” (O Principiño) que Carlos Casares traduciu ao noso idioma en 1972.

  A exposición pódese visitar ata o día 30 de setembro.

Poden visitala a primeira hora e ultima hora da mañá(de 9 a 10h e de 13 a 14 h.), de 15h. a 16h. e os martes pola tarde dende as 15h. ata as 19 horas.

  Convídamolos a que aproveiten esta ocasión para visitar e gozar con esta mostra tan particular e única.

     Podedes entrar no blog da biblioteca para ter máis información

            http://contintadechoco.blogspot.com.es/

Iníciase unha nova sección: Escoitando teatro, na que iremos subindo as gravacións de pequenas obras de teatro lido, preparadas polo alumnado. Con esta primeira, homenaxeamos a Castelao, que estivo de aniversario o pasado ano 2016.

A obra titúlase: "Os vellos non deben de namorarse". Escoitaredes o primeiro lance da mesma.