Antivirus gratuíto dispoñible no sitio da empresa que elimina moitos tipos diferentes de malware. Actualízase automaticamente coa periodicidade que o usuario defina. É posible actualizar a versións máis potentes con licenza.
Áreas-CAFI:
Dropbox é unha ferramenta dispoñible na rede que permite almacenar contidos de xeito gratuíto até 5GB e compartilos con outros usuarios da ferramenta. É posible aumentar o espazo de carga, máis este servizo xa non é gratuíto. Conta ademais con unha aplicación para Smartphones. Podedes descargala en www.dropbox.com
Áreas-CAFI:
Programa que permite comunicacións sincrónicas de texto (chat), voz e vídeo sobre internet (voz por IP). Non é un programa de código aberto pero os usuarios poden descargar a aplicación executable dende o sitio web oficial e poden falar tamén gratuitamente. O programa está dispoñible en múltiples idiomas e a versión en español se atopa nesta ligazón: http://www.skype.com/intl/es/home
Áreas-CAFI:
Programa de software libre baixo licenza GNU de edición de imaxes, pensado para retocar fotografías, compoñer imaxes e outras tarefas de autoría gráfica. Funciona na maioría dos sistemas operativos e en moitísimas linguas. A versión en español pódese descargar deste enlace: http://www.gimp.org.es/. Versións noutras linguas dende http://www.gimp.org/.
Peso:
Summary:
Aínda pode vostede inscribirse no curso S1201032: A integración do ensino das linguas desde un enfoque comunicativo e convivencial que se vai celebrar no CAFI en Santiago de Compostela cunha duración de 20 horas a partires do día 5 de novembro.
As sesións dividiranse en dous bloques de aprendizaxe:
1. Teórico. Marco e planificación lingüística.
2. Práctico. Dous obradoiros.
Os obxectivos xerais do curso serán: achegarse, dende a teoría e sobre todo dende a práctica, ao valor do coñecemento plurilingüe no contexto bilingüe galego, aprendendo a integrar a planificación lingüística na vida cotiá dun centro educativo.
Poden obter máis información e efectuar a súa inscrición no seguinte enderezo:
http://www.edu.xunta.gal/fprofe/
Summary:
Comunicase a oferta das últimas vacantes para o curso S1201031 - Traballamos o texto: a información importante que se vai celebrar no CAFI en Santiago de Compostela cunha duración de 40 horas a partires do vindeiro xoves 18 de outubro.
No curso farase un TRATAMENTO DE INFORMACIÓN baseado en OBRADOIROS.
As sesións dividiranse en tres bloques de aprendizaxe:
1. ORALIDADE
2. ESCRITURA
3. MEDIOS
Os obxectivos xerais do curso serán: incidir na representación axeitada do significado dos textos para extraer e comunicar información nos seus distintos niveis de xeneralización e atendendo ás relevancias contextuais e textuais na sociedade actual.
Poden obter máis información e efectuar a súa inscrición no enderezo https://www.edu.xunta.es/
Summary:
O Departamento TIC do CAFI, en coordinación coa Comisión TIC da rede permanente de formación, elaborou un Itinerario de Formación para axudar ao profesorado a acadar o nivel de competencia TIC que precisa para unha correcta integración das TIC nas aulas da nosa Comunidade Autónoma.
O itinerario de competencia TIC consta de cinco cursos, deseñados para cubrir as necesidades formativas do profesorado dende un nivel básico inicial ata outro máis avanzado. Os dous primeiros cursos (básico inicial e básico) programáronse en todos os CFR e no CAFI a partir de setembro de 2012. Os tres últimos (medio inicial, medio e avanzado) son cursos en rede que se desenvolven en Platega.
Para proporcionar ao profesorado un coñecemento o máis aproximado posible da formación que necesita, disponse, así mesmo, dunha ferramenta de autoavaliación de competencia TIC con cinco cuestionarios.
A inscrición nos cursos do itinerario TIC realízase a través da aplicación Fprofe, unha vez realizado o cuestionario de autoavaliación e de acordo cos seus resultados.
Ofrécese a información completa en /portal/competenciaTIC
DESCARGA DO PDF INFORMATIVO: PREMA AQUÍ PARA DESCARGALO
Summary:
Co Proxecto Abalar procúrase a integración plena das TIC na práctica educativa en Galicia para acadar unha resposta integral e de futuro aos retos que presenta a educación do noso alumnado na sociedade dixital do século XXI, coordinando e impulsando un cambio de modelo educativo apoiado na formación do profesorado e na modernización do ensino.
O espazoAbalar é unha moderna plataforma desenvolta pola Consellería de Cultura, Educación e Ordenación Universitaria e a Axencia para a Modernización Tecnolóxica de Galicia con dous obxectivos:
Achegar a educación aos cidadáns, incrementando a eficacia dos servizos que se lle proporcionan.
Desenvolver as TIC no ámbito educativo, fomentando a participación e motivación do alumnado e loitando contra o fracaso escolar.
O espazoAbalar estase a desenvolver dun xeito continuado no tempo coa inclusión de novos servizos para toda a comunidade educativa. Actualmente dispón dun espazo adicado ás familias (espazoFamilias), o que permite aos pais e nais integrarse en maior medida na vida académica dos seus fillos/as, un espazo para os profesores (espazoProfesores) e outro para os centros educativos (espazoCentros). Tamén está a disposición de toda a comunidade educativa un repositorio de contidos educativos dixitais.
O servizo espazo Centros é un dos servizos do portal espazoAbalar que permite aos centros educativos dispor dun taboleiro virtual coa finalidade de manter informada a toda a comunidade educativa.
Actualmente, o acceso ao servizo espazo Centros, está dispoñible para todos os directores/as dos centros públicos e concertados de educación infantil, primaria, secundaria, bacharelato, ciclos formativos e PCPI.
Adicionalmente, estes directores/as terán a posibilidade de dar permisos de acceso a aquelas persoas do centro que consideren apropiado.
O servizo espazo Profesores está dispoñible para todos os profesores/as, pero tan só os titores/as e/ou profesores/as de grupos terán acceso a todas as funcionalidades que ofrece este servizo.
Os profesores/as que non sexan titores/as dun dos centros mencionados anteriormente, poderán acceder á aplicación de datos persoais e ligazóns. Ademáis, a funcionalidade de recibir solicitude de citas de titoría, só estrá dispoñiible para o caso dos titores de grupos de estos centros.
O servizo espazo Familias permite acceder ao seguimento académico en liña e establece unha nova canle de comunicación entre os pais, nais e responsables legais e os titores/as dos seus fillos/as.
Este servizo está dispoñible para todos os centros educativos galegos de educación infantil, primaria, secundaria, bacharelato, ciclos formativos e PCPI.
Máis información do espazoAbalar
O Repositorio de Contidos Educativos Dixitais está dispoñible para toda a comunidade educativa galega: docentes, alumnos/as, familias e todos aqueles usuarios interesados, e non é preciso realizar ningún tipo de autenticación.
As persoas que elaboran material educativo e están interesadas en ceder este material para o seu uso no repositorio de contidos dixitais, dispoñen dun procedemento no que se explican os pasos a seguir.
Máis información do repositorio Abalar
Summary:
Nesta nova podedes descargar o programa para a actividade de Formación para Directores e Xefes de Estudos.
